محتاجه مشورتكم يالغاليات لاتردوني

السلام عليكم ورحمة الله وبركاته
خواتي الغاليات بعد تفكير طويل قلت مالي الا الله ثم انتم تساعدوني على اتخاذ قرار مهم في حياتي
المهم وباختصار فيه شقه معروضه للبيع تتكون من ثلاث غرف نوم وصاله ومجلس ومقلط ودورتين مياه وغرفه في السطح ومحتاره جدا هل نغامر ونشتريها طبعا اقصاد لاكثر من عشر سنوات وممكن توصل 15 سنه وبيبقى لنا يمكن نصف الراتب
صراحه انافي حيره من امري احيانا اقول لوماشرينها ماراح نجمع واحيانا اقول نصف الراتب وش يسوي لنا طول هذي السنوات :44:
ياربي محتاره وكمان زوجي محتار
ابغى رايكم بصراحه بليز:(
اختكم وديعة

14 تعليق 894 مشاهدة

شاركي في النقاش

سجلي الدخول لإضافة تعليق.

التعليقات

14
  1. @nansy_5

    واللة كثيرة عشرة سنين لكن بهذي الاشياء ارجعي لنفسك لاتاخذين راي احد نصيحة اهل مكة ادرى بشعابها واللة يرزقك
  2. @alktkoth_2

    والله زي ماقالت اختي نانسي

    هذا شي مو بسهوله تجازفين فيه وعشر سنوات مو شويه

    راجعي نفسك وزوجك

    ولا تستعجلين في مثل هذي الأمور

    صح البيت الملك ستر وراحه

    بس ولو مايكون على حسابك وعلى حساب اولادك

    ونص الراتب مره قليله الا اذا كنتي ناويه تشتغلين وتساعدين شوي بالراتب

    ممكن بس تراها صعبه


    وانتي لك القرار وربي يوفقكم



    والله يختار لكم الخيره المباركه

    :27: ^الكتكوته^ :27:
  3. @shab_khyr

    ما عندكم قروض من الدولة ...؟؟؟؟؟
    اقصد مساعدة اجتماعية من الدولة تكون خاصة لمنزل العمر
    مقابل مبلغ بسيط يقتطع من الراتب ...
  4. @odyaa_1

    صاحبة الموضوع
    مشكوره اختي نانســي صادقه انها كثيره لكن شاسوي والله يجزاكي خير وانا قلت ماندم من استشار ومشكوره على المرور
  5. @odyaa_1

    صاحبة الموضوع
    مشكورره ياعمري^الكتكوته^
    على الدعاء الطيب الله يجعله في موازين حسناتك انا عارفه انه قرار صعب ودي اشتغل واساعده لكن انتي عارفه وضع الوظايف الي صايره حلم لايمكن تحقيقه الا اذا الله اراد والله حيره

    سحابة خير
    مشكوره اختي على تفاعلك معايه والله يعطيك العافيه لكن قروض من الدوله ماسمعته اول مره ادري

تابعي تجارب أخرى من هذا القسم.