الله يسود وجه زوجي

السلام عليكم ورحمه الله وبركاته


خواتي العزيزات سبق وكنت حاطه لكم استفسار عن الخلع واحكامه ...وعارفين قصتي وغربالي مع زوجي الي ماخلى هو واهله شي فيني ونظرا لسوء خلقه تركته ورحت بيت اهلي وابتدا التهديد منه ومن اهله لين ارتاحو وشوهو سمعتي فا قررت اني اطلب الخلع.....


تتوقعون شنهو سوا الاخ.........................................................طلبني في بيت الطاعه بكل وقاحه لاانه بيعدل اخلاقه ولا انه بيدفع مصاريف عياله لاني انا الي اتكفل بكل شي لدرجه ان اهلي صارو يساعدوني بمصاريفهم


واخرتها بيت الطاعه ومن قله ادبه مرسلي مندوب المحكمه لشغلي مو للبيت....................خواتي شاسوي بهالمصيبه ؟؟؟؟؟؟؟؟؟؟؟؟؟؟؟


ودي انفجر بالصياح منقهره وبنفس الوقت مابي امي تشوف دمعتي وتنقهر علي وعلى حظي الي ماطحت غير بواحد سيئ الاخلاق واهله مسانعينه بعد بسواد وجهه................مابي اشتكي الحال لاحد ويتشمت فيني...خصوصا انه في ناس ودها اني اتبهدل


لاحظو هذا كله وانا ماتكلمت ولا قلت للناس وش في الرجال وش شفت عليه ...............مع العلم انه مشهور باخلاقه التعبانه بس انا سكت واحتسبت...........عسى ربي يخلصني من شره هو واهله وشر كل احد من قريب او بعيد يسانعهم بالقيل والقال والطعن بالسمعه..............عشان ياخذون عيالي مني.....


خواتي ابي دعوتكم من جد احس ان روحي تعبت ................ماقدر اني اصمد واسكت اكثر صرت اظهر قدام الناس بصوره ان ماهمني لا هو ولا الي يتكلم علي ............وبداخلي اذا قعدت بالحالي تدمع عيوني اقول كم مره بعيش عشان يضيع عمري هذا بالبهدله ويضيع عمري اني اعيش غصب معه ماااااااااااااااااااابيه بس ليش البهدله ببنات الناس؟؟؟؟

99 تعليق 13,094 مشاهدة

شاركي في النقاش

سجلي الدخول لإضافة تعليق.

التعليقات

88
  1. @alakhoat_althlath

    الله يكون في عونك
    وحسبي الله ونعم الوكيل
    شوري عليك يأختي أنك لا تزيدين هم أمك بشكوى وأدري أنك ماتقصرين
    وأن من قصتك أنك باره
    والله قلبي معك
    وأحسنتي في أنك ما تشهرين فيه
    موعلشان سواد وجهه علشانك أنتي وعيالك
    وصلي وأستخسري الله أعلم بحالتكم
    الله يدبر أمرك ويسر لك
    ويفرج همك ويهديه ويصلحه ويجعلك في عينه مهيوبه محبوبه
    هذا اللي الله قدرني عليه والله أعلم...
  2. @gordany

    اسأل الله تعالى أن يعوضك خيرآ من ما أخذه منك
    وأن يسخرلك ملأئكة السماء وجنود الارض
    عليك باالدعااااااء والله أنه سلاح فعال أنا مجربته
    وتعدل حالي ورجعلي زوجي وصار أحسن من أول والحمد لله
    وتقبل مروري

تابعي تجارب أخرى من هذا القسم.