طبيب اطفال ممتاز لحساسية الصدر

اللهم اشفي مرضانا
في دكتور في مستوصف منارالصحة بمدينة بقيق وهذا الدكتور ماشاءالله تقريبا مقيم اكثر من16 سنه
يعالج الكبير والصغير المصابين بامراض الحساسية والربو:27:

ختي جربي الاعشاب والله عيالنا ما هد حيلهم وتعبهم الا أدوية الحساسيه والمضادات والبخاخ وهالبخار السم

بنتي فيها حساسيه وكانوا يعطونها هالسموم وانتقلنا فتره الي بريطانيا وزادت عليها من البرد فيها اخذتها للمستشفى وعلى العاده لازم البخار قالت الدكتوره احنا ما نستعملها ولا يستعملون مضاد حيوي ما يستعملونه ابد ابد

فنتولوين بس اذا زاد عليها عطوها حبوب صغيره تذوب في ماي وتشربه وبهدها يجيها مثل الاستفراغ يطلع منها لزوجه الله يعزك وخلاص

وبعدها صرت ادور في الاعشاب وخاصه من الطب النبوي

وبعدها الحمد الله شر وغدا من الربو و الحساسيه بأنواعها

جربي هالوصفات وان شاء الله بتشوفين وانا متأكده انك راح تدعين لي مثل ما دعى غيرك

الحلبه ممتازه واذا ما وافقت تاخذها

شاي بابونج محلى بالعسل يوسع الشعب الهوائيه

شاي ليمون مع عسل وحطي كم حبه السويداء

خليها تاكل رمان حلو مذكور في الطب النبوي للسعال المتطاول فيه

في شي اخذته من بنات المنتدى ورائع كثير نفعني وهو تدهنين قاع رجلها بالفكس وتلبسينها

شراب وتنام فيه

وما عليهم الا العافيه

مشكوره يااام عزان ويعطيكي العااافيه على هااا الوصفات وانشاء الله بجربهااا :24:

السلام عليكم يا أخواتي في الله
انا أم ل 4 أطفال الله يخليهم لي
ما فيه وحده تعبت مثلي مع ولدي الكبير عمره 10 سنوات تبهذلن معاه من كثر العلاجات حقت الحساسيه للصدر منها زرتيك والوبنت وفينيستيل ومضادات بالهبل من البخار وفي الاخير تركت كلللللللللللللللل العلاجات صار المسكين ما عاد يمشي الا بعلاجات
واخيرا عطتني وحده الله يجزاها كل خير ويصلح لها ذريتها عطتني نصيحه وقالت اتركي عنك كل هالعلاجات واذا جاء ولدك الازمه (( ادهني بطن رجل الولد بفازلين مخلوط مو شوي فكس ))ولبسيه 3 شراريب عند النوم والله يا بنات اني مشيكه على ولدي اكثرمن مره اشوف الولد يتنفس ولا لا راح في نومه حللللللللللللللللوه من العافيه طبعا استخدمها ليليا حتى تحسن ولله الحمد (والله يا اخواتي اذا جاء يكح يعورك قلبك من قوة كحته تقولين كيف هذا يتحمل هالكحه واحيانا العالم تنام وانا لا اجلس معاه واقلبه على بطنه واضربه على ظهره لين يرتاح فعلا تعبت معاه
لكن ولله الحمد بعد ااخاطه هاذي احمد ربي وأشكره وأدعلى لصاحبة الوصفه من كل قلبي
انا هاليومين جربته مع ولدي الصغير عمره 7 شهور خفت اعطيه بخار وجربتها معاه صحيح طول يمكن جلس 5 أيام لكن ولله الحمد تحسن وشفي ولله الحمد
وعطيت الوصفه بنت أختي في قطر ولدها يتأزم بشكل يخوف والله يا بنات بعد كم يوم اتصلت وتقول والله يا خالتي تغير بشكل ملحوظ
وانصحكم تستخدمونه واللي تشوفه ما يناسب ولدها الافضل تتركه لأن الاطفال يختلفون

ولكم مني الدعاء لذرياتكم بالصحه والعافيه