تتوقعون... يجي يوم... يحبني زوجي؟!!!!! >> استوفى حقه من النقاش

يا قلبوو اكثري من الاستغفاار وصلاة اليل والدعاء والله يفرج همك ويسخر لك زوجك ويحبك ويشووووفك احلى وحده:)

انا نفس الشي:27:

يالله ضيقتي صدري بشكل وخنقتني العبره

الله يصبرك ويسخره لك غصبآ عنه امييييييييييين

لاتعيرنه اهتمامك يمكن شافك مهتمه فيه وشاف نفسه خليه يحس انه مو محور اهتمامك

وحاولي مايكون بينكم اي كلام الا عن البيت والعيال وشوفي راح يفقد اهتمامك ولالا


قلبي معك

ودعواتي لك

وطمنينا عليك

السلام عليكم ورحمة الله وبركاتة
اختي حزن الكون
اجعلي الثقة بنفسك كبيرة وكوني قوية لكي شخصيتك الخاصة بك فالرجل يحب في المراة الشخصية القوية وطنشية شوية وعليكي بالدعاء ثم الدعاء ثم الدعاء وتوكلي على الله فمن توكلى على الله فهو حسبة واكثري من الاستغفار والله معكي والله يسخر ليكي زوجك

السلام عليكم ورحمة الله وبركاته



اشكر كل اخواتي في هالموقع الرائع على ردودهم الرائعه في موضوعي السابق

http://forum.hawaaworld.com/showthread.php?t=1471874


والله ان بعض الردود ابكتني وبعضها خلتني اقفل النت قبل اكمل قراءه كل الردود

من جد احرجتوني

والله فيه ردود رائعه جدا جدا يعجز الشخص انه يرد عليها ومااملك لصاحبتها الا الدعاء في ظهر الغيب لأنها فرجت كربه من كربات اختها المسلمه

صدقوني ياخواتي انا الحمدلله راضيه عن شكلي وعاجبني مرررررره ولاتتوقعون كل هالتطننيش منه علشان الشكل بس مافيه قبول سبحان الله وعدم اقتناع .....


وحبيت هنا احط ردود لبعض التعليقات ...


اولا

من اتهمتني اني اتدلع وماعندي سالفه

مااقول لها الا الله لايبلاك بما بلاني ....


ثانيا

اللي قالت عندي نكديه وبس ادور لي مشكله

اقرأي كل الموضوعين اللي يخصوني وتعرفين معنى النكد

طبعا فيماعدا الاخت الاماراتيه لان ردها كان من ضمن الردود الرائعه


ثالثا
اللي تقول تزيني له والبسي اللي يحب !!!!

اقسم لك بعزة الله وجلاله اني مااعرف وش يحب ؟؟!!!
حتى الالوان او القمصان او اي شي البسه مايعلق عليه ولما أسأله في محل يقول بكيفك انتي ادرى
اقوله يهمني اخذ رأيك واشوف ذوقك مثل باقي الازواج يقول اتركي عنك الخرابيط انتي متأثره بكلام
المنتديات وبكلام بنات بدايه ؟؟!!!!!!!

رابعا
الللي تقول ابعدي عنه فتره

وش اكبر من فترة النفاس
اللي لما خلصت ثلاثين يوم من نفاسي قررت ارجع للبيت وجهزت للرجعه من وإلى ... ناديت وحده سودانيه
تسوي حلاوه ودلكه وكل شي
ولما خلصت مني
رحت اتصلت عليه قلت ترى بكره بنرجع (( هو في البيت يعني ماعنده شي ))

قاللي لا لا وش يقولون الناس عنك ماخلصتي الاربعين
وهو اللي مايهمه كلام الناس ومزعجني بهالجمله دايما
قلت في نفسي بعض الحريم ينفسون ببيوتهم وانت بعد الثلاثين يوم مااشتقت

تخيلوا موقفي قدام اهلي خصوصا امي وخواتي
صرفت السالفه وقلت انا تعبانه ولاحقه على الشقاء في شغل البيت شكلي باجلس كم يوم

وقررت مااروح الا لما يناديني
وفعلا بعدها باسبوع

اتصل وقال

ماعندكم نيه ترجعون ..... امي اشتاقت للبنات ؟؟<<<<<<< ياليتك سكت


خامسا
اللي نصحتني بموقع الاستاذه ناعمه الهاشمي

انا من المشتركا ت فيه ومهتمه ومطبقه لاغلب مواضيعه ولكن لاحياة لمن تنادي

وسبق لي اني حطيت موضوع فيه ونقلته هنا لاستمرار المشكله عندي

لانها هدأت فتره ثم رجعت اسوأ من قبل الله المستعااااااان

وهو للرد على اللي يرسلون لي اني اتدلع وماعندي سالفه


علشان يعرفون ان حياتي قاااااااااااااضيه


وهالموضوع بيصدمكم وتستغربون اكثر تحملي لزوجي


بس من ردود الاخوات الفاضلات على موضوعي السابق بدأت فعلا افك عن زوجي شوي

واشعر تجاهه بمشاعر عاديه

لزمت الاستغفار وعسى الله ان يبدلي حياتي من حال الى حال فهو الوحيد القادر على ذلك


اترككم مع الموضوع .....



مشكلتي هي زوجي في الفراش ((واسفه جدا على هالكلام بس من عندي بعد الله غيركم اشتكي له ))

زوجي اثناء المعاشره يسألني عن صديقاتي وقريباتي واخواتي .. حتى امي

يوصف اجسامهم ويسأل عن نقاط حساسه اعجز اعبر عنها بصيغه ثانيه غير صيغتها الاصليه
يسألني عن ازواجهم والجنس معهم واذا هم يحبون الجنس اولا
تعبت معاه والله نفسيتي تعبااااااااااااااانه منه :(


تصدقون اننا قررنا الشهر الجاي نعتمر يقول خلاص بنمر على اختك اللي بمكه في وقت زوجها مو موجود

وننام على سريرهم

قلت طيب الفندق او الشقه اللي بناخذهم
قال لا تغيير الاماكن حلوووو


احس انه يتخيلني اي وحده فيهم ولايحس فيني انا شخصيا مايتغزل بجسمي رغم انني ولله الحمد جسمي حلو بس يتكلم عن اجسامهم ويحب يسألني عنهم بس اثناء المعاشره ..لدرجة يتمنى يعاشرني على فراش اي وحده فيهم فعلا هذا خياله..
اخواتي
هل تتفقون معي انه يتخيلني وحده فيهم لمايسألني عنها ؟؟
هل هذا شيء طبيعي ؟؟ ام انها مشكله نفسيه؟؟

والله اني اقول في نفسي يمكن اني مااعجبه ويحاول يعوض عن طريق خياله ؟؟ واتركه يتكلم وهو مستمتع بهالكلام ؟؟ واقول براحته دامه مستانس..

لاتقولون لي كلميه او صارحيه كم مره قررت اني بكلمه واحضر الكلام اللي بقول بس ساعة الجد ينمسك لساني واستحي والله استحي اتكلم معاه واخاف مايحس براحه معي بعد كذا

صدقوني تعبانه نفسيا كل يوم اقول بكره احسن وبكره يجي العكس
كل يوم يطعني بكلامه بدون مايحس لدرجه صرت من يبدأ.. اترقب بس متى يتكلم عنهم ؟؟
كرهت الكل وصرت اغار منهم وهم ماسووا لي شي .. بس السبب زوجي

احس اني ولا شي .. مجرد دميه لكن الاحساس والتخيلات لناس غيري والله احيانا انه ينام مبسوط وانا اجلس ابكي ساعه وساعتين لحد ماانام .. ليش يسوي فيني كذا ؟؟!!!
انتم يالمتزوجات بتحسون فيني .. وتحسون ايش معنى ان الزوجه تكون بدون احساس ومشاعر في هاللحظات وتكون جسد بدون روح..

ارشدوني ... دلوني ..

فأنا محطمه جدا جدا واتمنى الموت .. محتاره في امري .. :(






ملاحظه للمشرفات

اتمنى مايحذف الموضوع لأني راعيت فيه كل الفئات اللي تدخل الموضوع
وكتبت بين قوسين في العنوان (( للمتزوجات فقط )) ...