كمبيوتري مخترق

بليز
ياليت احد يقدر يجاوب عالاسئلة>>>صار اكثر من ضحية في ذااا الموضووع ^_^

تكفووون ردوا علينا نفس اسئلتي

والله يابنات هذي رابع مره أقرأ الموضوع ونفسي أفيدكم

بس خايفه تفهموني غلط وأرجع أبطل أكتب شي

يالله الرزق على الله بأقلكم إللي عندي :(

الهكر يابنات مايقدرون يخترقون الجهاز إلا بحاجتين أساسيتين

أولاً الباتشات أو التروجونات

وثانياً الآي بي

الاولى يقدرون يزرعونها بجهاز الضحيه بعدة طرق منها إرسال ملف أو صوره عن طريق الماسنجر أو الايميل

وإحنا نجي فرحانين من هذا إللي أعطانا وجه ونفتحها من اللقافه ماندري إنها مرفق لها باتش أو تروجان

وعلى طول يروح ويوجه نفسه داخل جهازنا ويفتح منفذ تلقائياً

هذا المنفذ يصير مثل البوابه لكل المخترقين مو بس للي أرسل الملف أو الصوره

إللي رايح وإللي جاي يدخل معاه على الجهاز ويسوي إللي يبغى

أو إذا دخلتي على مواقع مشبوهه وغير موثوقه مثل المواقع الاباحيه

الهكر يزرعون الباتشات حقتهم في هذي الصفحات

وبمجرد مرورك عليها ينزرع ملف التجسس في جهازك



والاي بي ممكن يعرفه المخترق من برامج المحادثات لأنها تعرض رقم الاي بي بإستمرار

ولو ماعرفه من برامج المحادثات عادي يقدر يعرفه من البرامج الخاصه



المخترق يقدر يسوي أي شي في الجهاز بس لمن تكونين متصله بالنت فقط


وتغيير الرقم السري للإيميل ممكن يأخرهم شوي بس مايمنعهم يدورون طريقه ثانيه

وترى فيه برامج لهم تطلع كل رقم سري في الجهاز سواء للإيميل أو لغيره

إذا كان عنده أي لغه من لغات الحاسب خصوصاً الجافا << خلاص رحتي شوربه



إذا تبغون نصيحتي

1-ماله داعي تكلمين أحد منتي واثقه فيه على الماسنجر

2-ولا تستقبلين ملفات وصور عن طريقه أبداً إلا من ناس تعرفينهم عز المعرفه

3-وحاولي ماتحملين شي من النت منتي واثقه من مصدره مثل البرامج والالعاب

4-وإذاحملتي ملف على طول إفحصيه من برامج الحمايه قبل ماتثبتينه على جهازك

5- إفحصي جهازك ككل من الفيروسات وأخواتها بعد كل فتره وفيه مواقع تقدم هذي الخدمه مجاناً

6- بلاش تحفظين صورك في الكمبيوتر

7- إنتبهي من الكاميرات ياما خربت بيوت وشوهة سمعة الكثير من البنات

يقدرون يفتحونها بسهوله وياخذون صور على الطبيعه ويأذونك

8- إذا لاحظتي إن فيه ملف أو برنامج غريب ومتأكده إنك ماهو لك

أو إذا لاحظتي صفحات تنفك فجأه أو تنصك أو الفاره تمشي لوحدها<<< لا حشى صار فلم رعب

أو إنفتح الجهاز وإنتي مافتحتيه أو صار له إعادة تشغيل فبشرى ساره جهازك فيه بلى

إذا ماعندك شغله مهمه على النت ولاحظتي هذي الحاجات على طول إفصلي سلك النت

والله يعينه يدور على الاي بي من جديد عشان يخترق جهازك من جديد

لأن رقم الاي بي يتغير عند كل إتصال

والله أعلم

ممممممم إش كمان أعتقد إني قلت كل إللي أعرفه

وإللي عندها إضافات عادي تقولها البيت بيتها:)





أستغفر الله الذي لا إله إلا هو الحي القيوم وأتوب إليه