شاركي في النقاش

سجلي الدخول لإضافة تعليق.

التعليقات

21
  1. اختي رح افيدك بحسب مااعرف وان شاء الله تستفيدي:35:

    بسم الله نبدأ

    بالنسبه للملابس الداخليه البيضا

    غسليها مع الكلوريكس عشان لاتصفر

    واعطيها وقت اضافي وفي الشطف اضيفي لها الكومفورت وانقعيها فتره اطول

    وممكن تستفيدي من تعقيبي في هذا الموضوع استخدام الكمفرتل لملابس

    واذا برضه خايفه من الريحه بعد الكومفورت اشطفيها بماه مع ملطف ملابس داوني او نولين برائحه ورد الياسمين

    وممكن تستفيدي من هذا الموضوع طريقة وضع النيل اوزهرة الغسيل

    -----------------------


    بالنسبه للملابس الخارجيه


    حاولي تستخدمي صابون خص غسيل لملابس ولدك بالذات

    يكون نفس الصابون معطر مثل تايد الي مع داوني وووو

    وفي ماء الشطف تحطي فيه داوني كمان او اي ملطق اقمشه تركز الريحه المعطره

    لكن اهم شي تحطي مقدار الماء مناسب للملابس عشان يركز الرائحه

    انتبهي لاتكون الشغاله تعبي الغساله لنصها مويه عشان بنطلون ولا بلوزه

    وتحط شويه ملطف اقمشه مارح تطلع الرائحه فيه مركزه

    وممكن تستفيدي من هذا الموضوع غسيلي صار مميز والسبب .....


    -----------------------

    بالنسبه لغرفه ولدك ........من ناحيه التهويه

    لازم ولا بد من التشميس اليومي

    افتحيها خليها تتهوى +++++ افتحي المروحه ((((((((ضروري)))))))

    اذا ماعندك مروحه بالغرفه خذي الي تكون لها قاعده في انواع صغيره على 60 ريال تقريبا

    لاكن لازم مروحه لان هي الي بتغير التيار ومن جد تدخلي ماتلاقي ريحه

    ---------------------


    بالنسبه لغرفه ولدك ........من ناحيه الاثاث

    حاولي قدر الامكان تمسحي الاثاث مع مواد عطريه

    سواء يكون بخاخ ديتول منقي او بخاخ اثاث مع رائحه ورد او بخور

    واذا ماعندك ولطريقه اوسهل خذي بخاخ فاضي وحطي ماء مع (( مطهر داك )) اي نوع

    وبخي فيه الاثاث ومسحي بشكل يومي او يوم بعد يوم عشان لاتمسك رائحه التبول فيه

    -------------------

    بالنسبه لغرفه ولدك ........من ناحيه الجدر

    لصعوبه تمسيح الجدر بشكل يومي خليها على الاقل مرتين او 3 بالاسبوع

    مع التحذير لى نوع الجدر (((اذا كانت البويه زيتيه فخذر راحتك ... واذا غير ذالك فاانتبهي لاتتعدم)))

    خذي علبه بلستك حجم وسط وحطي شويه مويه مع داك او ديتول

    واغمري منشفه او قطعه قماش قطن واعصريها شويه ماتكون ناشفه مره فيها شويه ماء

    وحطيها على الشفاطه الي نشطف بيها الارضيات

    وابدي امسحي لكن حاولي تكون القطعه قطن عشان لايبقى اثر البلل على الجدر

    واذا بقي تقدري تمسحي بعدها بقطعه ناشفه

    ----------------

    بالنسبه لغرفه ولدك ........من ناحيه اللسرير والمرتبه

    قرأت موضوع في المنتدى اكيد رح يفيدك

    دورت عليه ليا ساعه للاسف مالقيته لكن ان شاء الله اذا لقيته نزلته لك

    على كل حال هوه عن تلبيسه للمرتبه زي بيت المخده وبيت المرتبه القماش العادي لكنها من جلد

    تلاقي زيها في محلات اللحف ووو

    تقدري تاخذي لك تلبيس مثلها للمرتبه وتحطي عليها التلبيس القطن

    بكذا تحافظي على المرتبه ماتصفر ولا تعفن وتبقى معاكي عمر اطول

    واذا ضايق ولدك ولا عرف ينام عليها حطي شرشفين او لحاف خفيف يسهل وضعه في الغساله

    ويصير وقت التغيير تاخذي اللحف والشراشف للغساله والمرتبه تمسحيها بديتول

    وممكن تستفيدي من هذا الموضوع اللي تبي البطانيات ترجع وكأنها جديده تتفضل

    وكذا تخففي على نفسك الم الظهر من حمل المرتبه يوميا للتشميس

    ------------------------

    بالنسبه لولدك من ناحيه العنايه اليوميه

    لابد من اخذ الدش اليومي اول مايصحى من النوم

    وحاولي تاخذي له طقم عنايه بالجسم يناسب بشرته

    وافضل شي يكون طقم (( شامبو + صابون + شاور جل + لوشن جسم + بخاخ سبرا للجسم + عطر مركز ))

    وتكون ريحه طيبه هو يختارها بنفسه عشان يتحمس يستخدمها كل يوم

    في انواع حلوه من بودي شوب جربي مثلا مجموعه اوشن

    او من السوبر ماركت في قسم شامبو الاطفال تلاقي اشياء عليها رسومات ووو

    ممكن تاخذي مجموعه او الاساسيات حسب ميزانيتك

    الاساسيات مثلا (( الشامبو لشعره + لوشن لجسم لبعد الاستحمام + العطر المركز لملابسه ))

    وبكذا لما الولد يجلس جنبك أو جنب أي أحد من أخوانه أو ابواه ماتشمو لملابسه ريحه كريهه ابدا

    رح يحس انو يستخدم شي زي الكبار ويتحمس ويوم ورى يوم ان شاء الله يبطل من هذي العاده

    ----------------------

    تعبت كثير وانا اكتب وادور بالقسم والنت وغيره اذا تذكرت شي ثاني رجعت واضفت لك من جديد

    وان شاء الله تستفيدي من افكاري والله يوفقك ويسعدك انتي وولدك وعائلتك يارب

    لاتحرميني دعوه صادقه بظهر الغيب


    :)
  2. @mshaaal_alkhyr

    صاحبة الموضوع
    ارجوآن
    بقولك حاجه مهمه اذا ولدك يكثر من اكل الاندومي ترى هذي ريحه الاندومي واذا ماياكله فيمكن ما ينظف نفسه بعد مايبول في فراشه وملابسه بعد مااطلعينها من النشاف وتنشرينها جهزي بخور وبخريهم بتطلع ريحتهم جنااااااااان




    الله يعطيكي العافيه بس حبيبتي ولدي هذا بالذات مايأكل الاندومي ابدا لكن حسوي طريقتك وابخرها اول ما اطلعها من النشافه وتسلمي ياغاليه الله يرضى عليك
  3. @mshaaal_alkhyr

    صاحبة الموضوع
    نجد العروبه
    لازم كل مايقوم من النوم ايتنظف ويغير كل ملابه وحطي عليها كمفورت اوبخريها وهي رطبه




    تسلمي أختي نجد وهو دايمن أول مايصحا من النوم على طول أغسلوا جسموا بالصابون لكن برضه حجرب طريقتك وأن شاء الله حتجيب نتيجه ومشكورة وشرفني مرورك على موضوعي
  4. @mshaaal_alkhyr

    صاحبة الموضوع
    om abody
    انا ولدي كمان زي كذا بس لازم تنتبهي لعدة نقط -اول شي الشغالة لا تروح تغسل الغيار اللي فيه البلل مع بقية ملابسه النظيفة لانها كذا حتوسخلك النظيف -لازم الملابس اللي فيها البلل تتغسل اكثر من مرة وكل مرة بصابون وموية جديدة حتى تنضف تمام -سر…


    تسلمي أختي وفعلا وضحتلي حاجات كنت غافله عنها ومشكورة على جهدك اللي بذلتيه علشان توضحيلي بعض الامور اللي راح تفيدني باذن الله وعساكي على القوة وممنونه لكي

تابعي تجارب أخرى من هذا القسم.