تصرفات زوجي وش الحل معه؟؟

السلام عليكم ورحمة الله وبركاته
بصراحه انا من اشد المعجبين بالمنتدى ودايما اتابع مواضيعكم عشان كذا قررت اسجل معكم واتمنى تقبلوني معكم
حبايب قلبي انا عندي مشكله كبيره مره اللي هي زوجي والله بجد تصرفاته ترفع ضغطي احس مااهمه صاير بالفتره الاخيره جاف معي مره لاكلام حلو ولاشي يعني انا اللي ابدا بكل شي بالرغم من اول زواجنا ماكان كذا كان مره رومانسي وكلام حلوو وهدايا ...الخ والحين لي 4سنوات وانا متزوجه
بس لاحظت عليه قبل تقريبا 3شهور جاف معي اوكي يضحك يسولف بس يدور اي شي عشان يهاوش وانا ارضى من نفسي
بصراحه كان قاهرني بشي تخيلوا بعد ماطلعت من النفاس هذي السالفه قبل سنتين راح سافر للبحرين مع اخوياه تخيلوا بدال مايسفرني توني طالعه من النفاس يروح يسافر مع اخوياه (حسبي الله عليهم الله يكرهه فيهم يارب) وللحين بقلبي حتى اذا جينا نسولف من باب المزح اجيب هذي السالفه عشان مايكررها انا مدري وش لاقين بالبحرين
المهم تخيلوا قبل اسبوع كان مسافر للشرقيه عنده شغل المهم اخبر الشغل بالشرقيه تخيلوا رحت جهزت اغراضي عشان اروح لاهلي وانا دموعي ماتوقف ماودي افارقه وماتخيل كيف بكون بعده وشال الاغراض باقي شنطته مانزلها قلتله نزل شنطتك قال انزلي انتي والبنت وانا بنزل شنطتي المهم هو معطيني جوازه يوم سافرنا من شهرين وحطيته بمكان وهو شاف المكان ونزلت انا وبنتي وتاخر شوي وانا عارفه انه يدور الجواز قلت اوكي ماراح اقوله وسافر وكل تقريبا ساعتين ادق عليه اشوف دقته خارجيه والالا بس الحمدلله داخليه المهم المهم انا شاكه انه ماخذه قلت لامي يمه خلينا نروح لبيتي عندي اشغال بخلصها لانه بيرجع بعد يومين وابغاه يلقى البيت مرتب قالت امي خلاص ورحنا للبيت وادور الجواز ومالقيته صار اخذه طبعا رجع ولاجبت الطاري
المهم دق خويه اليوم قال وينك قال رجعت للرياض قال ليش قال تعبان وزي كذا اثرن ماخذ جوازه عشان مخطط يروح مع خويه( الله ياخذه اليوم هالخوي) بلاكم ماتدرون ليش ادعي عليه دايم يدق على زوجي وش رايك نخت للبحرين والادبي تخيلوا
المهم قلت لزوجي هذا اللي ماخذ جوازك عشانه وتراني عارفه انك ماخذ جوازك قال اصلامن زمان معي قلت لاوالله كان معي يبغى يكذب علي بس انا فاضحته قال كبري مخك
وثالث شي احس زوجي مااعنده اي مشكله يستغني عنا مثلا دايم يقول روحي نامي عند اهلك تخيلوا يقول تجديد عواطف واقوله مارتاح الابالنومه معك يقول الحرمه مفروضا ماتخنق زوجها تعطيه شوي حريته
بالرغم مومقصره معاه بكلام حلو وادق عليه بالدوام وحشتني وغير كذا بس للاسف دون مقابل ولاتنسون دايم اكون متكشخه ع الاخر بس لاسف
بجد يجرحني اذا قالي كذ وعلمته انها تجرحني هالكلمه ولافيه فايده وانا من النوع اللي مايحب انام عند اهلي احب انام ببيتي مع ان اهلي مو مقصرين معي بس كذا طبيعتي مااقدر حتى لونمت عند هلي بالرغم هو اللي يطلب اقعد عند اهلي اصيح
وش الحل ادري طولت عليكم بس والله مالي احد اشكيله بعد الله الاانتم

39 تعليق 4,298 مشاهدة

شاركي في النقاش

سجلي الدخول لإضافة تعليق.

التعليقات

38
  1. @kotshy_1

    نوعية هالرجال مايحب زوجته تتلصق فيه سواء بالبيت او حتى الطلعات
    وبرضو هالنوعية اجتماعيين يحبون يطلعون ويصادقون وغيره
    ترى الرجال يختلفون عندك في المقابل الرجل البيتوتي اللي يحب بيته واسرته وماهو اجتماعي
    الحل هو قالك يبغى حريه شوي نامي بين فترة وفترة عند اهلك مودايم عشان يتعود
    والسفر الشكوى لله ياكثر اللي يسافرون << المفروض اعلم نفسي قبل ماعلمك نفس المشكلة تواجهني
  2. @om_omar_1

    الله يعينك اول خطوة اعمليها هي الدعاء ثم الدعاء ثم الدعاء ثانيا حاولي انك تكونين وسط يعني ماتبينين له انك طايحه عليه ترى بعض

    الرجال مايحب الحرمه تهتم فيه بزود ثالثا حاولي انك تقولين له انك واثقه فيه وانك من امنياتك انك تسافرين انتي وياه لوحدكم تغيرون جو

    سواء داخل المملكة او خارجها صدقيني بعض الاصحاب يسرقون الرجل من زوجته دائما قولي اللهم باعد بين زوجي وبين الرفقه السيئه

    كما باعدت بين المشرق والمغرب او استخدمي ذكائك في انه يجلس في البيت معك عن طريق لبسك او فرفشتك واهم شي اذا

    شفتيه يتابع برنامج حسسيه انك مهتمه من البرنامج اللي يشوفه وخليك صامته لان كثرة الكلام ماتنفعك وابدعي ايضا بالطبخ مثلا

    جيبي الفطور ع السرير او اعملي اسكريم او عصير فريش وعطيه واذا جاء يطلع بعد مايدقون عليه اللصقات اللي منغصين حياتيك

    (اصحابه ) قوليله لاتتاخر انا مسويه مفاجاه لك وحددي ساعه وبدون امر طبعا قولي اتمنى تكون جنبي في الساعه الفلانيه أو قولي انا

    الليلة خايفة لاتتاخر عاد انت وشطارتك اهم شي كل شي بذكاء منك والله يوفقك ويردلك زوجك مثل اول واحسن .

تابعي تجارب أخرى من هذا القسم.