ارجوكم يابنات ابي شوركم

السلام عليكم
ابي اقول لكم السالفه كامله عشان تكونون معاي بالصوره
عندي اخوي وده يخطب من زمان وهو ماشاء الله عليه مواصفاته روعه سواء في اخلاقه او شغله او جماله
وطبعا احنا كنا ندور له بنت بمواصفات معينه حلوه واخلاق
قبل كم يوم خطبت له بنت من طرفي وعجبتني بس المفاجأه ايش
لما وريته صورتها طبعا بعد علم البنت وامها حسيته انصدم
يقول البنت كويسه بس ماهو مثل ماتخيلت
قلت له هذا زواج ماهو لعب اذا مااعجبتك عادي قال لا اتركي الموضوع يمشي ان وافقو اهل البنت نتمم الموضوع ماوافقو خلاص انا ماراح اتضايق
حسيت انه مايبي يحرجني وانا والله كررتها عليه كم مره اذا مااعجبتك خلاص وهو يقول لا عادي
وش اسوي ارجوكم ساعدوني
انا ضايق صدري على اخوي هل انهي الموضوع من جهتي انا يعني اقول لهم خلاص مافي نصيب بس اخاف اخوي يزعل
او اترك الموضوع يمشي عادي مثل ماقال اخوي لين هم يعطونا خبر؟؟؟
ارجوكم قولو لي الحل وانا ان شاء الله راح امشي على شوركم
لان صار لي كم يوم من صار الموضوع ماني قادره انام والهم والتفكير ذابحيني:(

12 تعليق 998 مشاهدة

شاركي في النقاش

سجلي الدخول لإضافة تعليق.

التعليقات

12
  1. @hash_hash

    خليه يمشي الموضوع ويشوفها على الطبيعة لأن الصور دائما تغير .. مع الإضاءة وزاوية التصوير ودقة الألوان والمكياج لو موجود..
    وقولي لهم وده بنظرة شرعية ويمكن يرتاحون لبعض وتعجبه ,, وإذا حسيتيه مو متقبل تقدري تنهي الموضوع معهم بلباقة وبدون إحراج ..
  2. @mgnon_alh2008b

    صاحبة الموضوع
    hash hash
    خليه يمشي الموضوع ويشوفها على الطبيعة لأن الصور دائما تغير .. مع الإضاءة وزاوية التصوير ودقة الألوان والمكياج لو موجود.. وقولي لهم وده بنظرة شرعية ويمكن يرتاحون لبعض وتعجبه ,, وإذا حسيتيه مو متقبل تقدري تنهي الموضوع معهم بلباقة وبدون إحراج…
    المشكله انو ماعندنا نظره شرعيه اذا يبي يشوفها بس من خلال الصور
    انا اشوفها جمالها ناعم ويمكن هو يشوف شي ثاني انتي عارفه الرجال لهم نظره غير عن نظرتنا حنا الحريم
    انا والله من خلال ملاحظتي خلاص ودي الموضوع مايتم وينتهي ماابي اخوي الا سعيد ومبسوط
    جزاك الله خير اختي :26:
  3. @loly_hanm

    طالما من البداية ما ارتاح لها لا تخلونة يعقد عليها وبعدين يقول ما عجبتني ويطلقها كذا حرام...

    قوليلة انتي تبيني انهي الموضوع واشوفلك غيرها وشوفي رده...

    اتذكر وحده قبل كذا كتبت موضوع ان خالها ما عجبتة البنت بس تمم الموضوع وعقد عليها وبعد الملكة صار يقول مو عاجباني وما ارتحت لها ويبي يطلقها...

    فأنتي لو حسيتية متردد انهي الموضوع من البداية...
  4. @mgnon_alh2008b

    صاحبة الموضوع
    لولي هانم
    طالما من البداية ما ارتاح لها لا تخلونة يعقد عليها وبعدين يقول ما عجبتني ويطلقها كذا حرام... قوليلة انتي تبيني انهي الموضوع واشوفلك غيرها وشوفي رده... اتذكر وحده قبل كذا كتبت موضوع ان خالها ما عجبتة البنت بس تمم الموضوع وعقد عليها وبعد ا…
    كلمته الليله وقلت له هذا الكلام
    قلت له تبيني انهي الموضوع وادور لك بنت غيرها عادي مو مشكله ولافيها احراج ولاشي الزواج قسمه ونصيب
    قال لا خليه يمشي عادي !!!!!
    اخوي هذا من النوع الغامض مستحيل تفهمي له ولا يعطيك الي في قلبه
    يعطيك رؤوس اقلام فقط
    اااه وربي محتاااااره :44:

تابعي تجارب أخرى من هذا القسم.