اخواتي في الاسلام مربيات الاجيال (ام حق اجيال)
اخواتي البنات الطالبات اخواتي العاملات العاطلات القويات والضعيفات
الحساسات والمتمنعات النحاف والسمان جميعن
مساكم الله بالخير جميعاً ..:icon28:
ندااااااااء لكم جميعا ..
ياحي الله الحريم الفاضيات اللي لاهين بازواجهم من زين ازواجنا (مالنا غيرهم الشكووى لله قوي الحيل)
طبعاً كـ بنت سعوديه مسلمه طيبه ضعيفه نوعا ما فاضيه جداً مزعجه جداً صابغه اشقر يقالي سوريه والصبغه نازله مره تدقق بكل الامور صغيرها وكبيرها تدهن عمرها كل يوم تبي تصير بيضاءو رومنسيه جداً (هاذي صفاتي طبعاً) ..
ابعرض عليكم مشكلتي وابيكم تقفون وقوق حق ..
يقول الحجاج بن يوسف (اني ارى رؤساٍ قد اينعت وحان قطافها ..) يعني السالفه فيها تقطيع رأس زي ما انتم شايفين ولا انا فاهمه غلط
ايه يا انا يا ابو تركي على وجه الارض .. قاطعه راسه قاطعته
البدايه
انا وحده احب زوجي لحمدلله
بس عندي زوج عصبي جداً واكيد عرفتوه من كثر ما اصجكم فيه والحين صار مشهور اكثر من ياسر عرفات رحمه الله
الا وهو (زوجي المصون ابو تركي ) ابو تركي شلونك :icon35:
ادخل في المووضوع على طول ..
الشي الاول
توكم غافين تبون تنامون بعد يوم شاق (غسيل مواعين . غسيل ملابس .كوي . مطاق مع زوجك مطاق مع اختك اللي تتصل عليك كل يوم (اختي الطويله الله لايحرمني منها) ومن اسئلتها المتكرره
توني فرحانه خلصت كل شغل البيت
فرشت اسناني ولبست اكبر بجامه عندي مقااااااس xxxxL قابله للتمدد والانزلاق عشان ارتااااااح بنومي
طقيت كل الذبان اللي يدور بغرفتي ورحت بالزاويه وجيت اركض وطبيت على السرير
شعوووووووور مايوصف
توني نايمه
يجي ابو تركي
بعد ساعتين من نومي
وانا شكلي ينرحم كني وحده طالعه من الحرب العالميه الثالثه
يقول قومي سولفي علي ..!!
سولفي ؟؟:a_smil17:
سولفي
دققو ..!!
طيب سؤال يطرح نفسه ويمغط شعره
انا وين بروح مثلاً بختفي عن هالعالم .. بروح لكوكب بلوتو مثلا او بروح اوز باكستان او بروح لـ بغداد
انا موجوده عندك خلني انوم ثمن اقوم بكره اسولف عليك من زينك ومن زيني ومن زين سوالفي ..
يزززززعل يقول انتي ماتحبيني ..! وش دخل الحب
هاذي حاجه انسانيه النوم حاجه انسانيه زيها زي الاكل والشرب
ليييييييييش يقومني ..:icon36:
انا بخلع هالرجال بطلب الطلاق لو يبي اعطيه انا النفقه بس يطلقني
ارجع له المهر بس يطلق سراحي
سؤال يعني اللي يحبون ماينامون مثلا !!
هو نومه خفيف انا نومي موب ثقيل بس انا اي صوت يقومني عرفتو
يعني لو صوت مضغ الطعام اقوم منه ..!!
وما اصدق انام وارتاح
ودايم يسوي كذا
ويقول قومي وش وراك النوم موب طاير
من ضيقه الصدر صرت انوم واحلم بفراش ومخده
امشي واغني (علام النوم عيا ..)
لما اشوف احد نايم شوووووووووي واصكه بعين
هو زوجي على عيني وراسي
بس ترى مايسوى علي هالزواااااااااج ها عذاااااااااااااااااب الم حزن جبروت ظلم
انا مدلعته اسوي كل شي يبيه
كل انواع الشاهي اسويها له شاهي احمر شاهي ازرق اخضر شاهي بالوان قوس القزح :humm:
ارقص له البس له ادلعه البس له لبس ثعلب واخوفه العب معه سوني واخليه يفوز علي عشان يحس انه قوووي
ولا كل اهدافه بلانتيات اخليه يأخذ فريق البرازيل وانا اخذ السعوديه
عاد خبركم سوني اضعف فريق السعوديه حسبي الله على بوش :dozey:
مرات افصخ نعاله وانتم بكرامه
مافيه طبخه ماسويتها له مكرونه باللحم مكورنه بالدجاج بالسبانخ حقت باباي ماغيرها بالبط بالارنب لو يبي اسوي له مكرونه بلحم الصقر مو مشكله
بس عاد لايخرب مره وحده ويقومني من نومي ..!!
فكرت لما ينوم اقومه من نومه واقهره وقعدت اطامر على السرير وشريت مكينه خياطه خصوصي عشان ازعجه وقعدت اخيط بيز اللي تمسكين البريق فيه وهو حار
يوم قااااااااام ولاه يضحك عادي
يقول عادي واذا قمت من نومي
عادي عندك موب عادي عندي
ياربيييييييه وش اسووووووي
تخيلو اطلق والسبب عند القاضي (يقومها من نومها):blink:
اصلا بيقول القاضي لي
قومي جعلك الضعفه !!
فشيله والله وعاااااار علي وعيب
اشنقه واعلق رأسه حرام
ازععععععععععععل مقدر
انتحر حرااااااااااام
اقوم من نومي لو يمووووووووووت
الشي الثاني
لما اقوله انت ليه ماقلت لي انك مشتاااااااااق لي
يقول توني بقوووووووووول والله على بالي بس نسيت
كذااااااااااب صدقوني كذاب
كل شي اقوله يقول توني بقول
مره سويت له اختبار
قلت انت ليه ماقلت لي انك تكرهني قال توووووووووني بقول
شفتووووو
يعني مايصير للكمه طعم ابد عقب ما انا اذكره ..
صجيت راسكم
تحملو
مايستفاااااااد من موضوعي
1/ ابي انوم 6 ساعات زي العالم هو مفروض 8 ساعات بس ميخالف
2/ فيه علاقه بين الحب والتقويم من النوم !! وماهو الدليل !اقبل اي دليل كان
3/ لاتلبسون لرجالكم ثعلب وحركات انا اتوقع اللي فيه روعه مره لبست ثعلب عقبها انقلب :icon28:
4/ردد ياليل ما اطولك
5/ ابو تركي ترى ماحللتك وانت تقومني من نومي
6/ قال تعالى( وجعلنا نومكم سباتا * وجعلنا الليل لباسا)
7/ ترى رجالنا لاعبين علينا
8/ صرت لما اروح لـ اهلي الاربعاء اول ما اوصل انوم واقوم تدرون متى ؟؟ ظهر يوم لجمعه والمغرب يجي يأخذني !!
يعني سبب لي عزله
9/ فمان الكريم
ابي منكم تقولون الحق معي او معه عشان اجمعكم واخذكم واشهدكم في المحكمه عند القاضي :arb:
وجهي لما يقومني من النوم .. كذا ((( :humm:
شاركي في النقاش
سجلي الدخول لإضافة تعليق.
التعليقات
22- هههههههههههههههههههههههههههههه الله يوسع صدرك انتي وسواليفك
وه وش يسوي عاد ابو تركي ومن الحب ماقتل :pinklove:
اوما تلعبين معه سوني وتخلينه يفوز علشان يحس انه قوي رهيييييييبه هههههههههههه فطست عليها ضحك
ماعليك ماقال تسذا الا انه يحبك
احس انك قصيميه من روحك المرحه مدري ليش ؟؟ <<<<<< خرجت عن الموضوع طيب ورا ماتقعدين تستنين ابو تركي وش اللي ينومك قبل ينام هاااه :angry2:
عندي لتس فكره قبل يجي ابو تركي ينام ضبطي لك قهوه وحلا وتمر وافرشي سفرتك حقت العصريه على السرير
ملاحظه في (تمام الساعه 12 ليلا ) عادي هو وده يسولف انتي هيئي الجو فكره تجنن صح :hahaha: وهننننك تنامين قبل يجي ابو تركي :024: - الله يجزاك خير ......... ضحكتيني وانا متضايقه
يام تركي اللي يقول سولفي احسن من اللي يقول دلكيني الين يجيني النوم .:(.. واحيان يقول اقري علي قران الين انام ..:06:
واذا يبي ينام يقول ياويلكم لو اسمع نفس .:09:..واذا جات الاجازه و شبع نوم وانا ابغي انام قال قومي يله انتي ماتشبعين نوم .:44:..صرت اكره الخميس والجمعه علشان مافيها دوامات ....:scream:... يله الله يعين على هالدنيا بالخير .. - طيب حبيبتي نومي معه وقومي معه عشان مايقومك وصلى الله وبارك
أحس اني باتكفخ :S_45: - تدرين ..
سجلي سوالفتس على شريط كاسيت .. وأول ما يقول قومي .. شغلي له المسجل :hahaha:
أحس هالرجاجيل فيهم بلا ..
يعني ما يبيتس تسهرين .. ولا يبي يشوفتس راقدة !!
ولا يصير عندتس مبلغ خاص بتس <<< عاد هذي شيء ، يقعد يتدحوس عندتس لين يطيرها من يدينتس :hahaha:
ان قلتي وين كنت فيه ؟ قال تراقبين تحركاتي ! وان سكتتي قال : ما اهتميتي فيني !
ان اتصلتي به قال أزعجتينا وانا منيب بزر ، وان ما اتصلتي .. قال ماكن عندتس رجل تخافين عليه !!!
ان سولفتي ... سفهتس وقعد يقرأ الجرايد .. وان شافتس تقرين كتاب .. قال : قاعدة تقرين ورادة برجلتس !! ..
ان رحتي لأهله وزهقتي ودتس ترجعين لبيتتس خلاتس تنطقين طول اليوم عندهم ...
وان صار ذاك اليوم وناسة قومتس أول وحدة ويمكن قبل ما تشربين بيالة الشاهي ..
ان سولف عن بنات خالته يقول عادي ترى هم مثل خواتي .. وان سولفتي عن خالتس ( الشايب ) من الرضاع .. انهبل !!
هالرجاجيل يبي لهم راسن صحيح .
بس ترى ابو تركي ماله داعي .. أكره هالحركة ..
تدري وش سويت في ابو تركي حقي :) يوم سواها فيني .. إستنزلت عليه ،
.. ومن بعدها تاااب .. صار اذا شافني نايمة يتسحب خطر يحبي يخاف أقوم :hahaha:
بس عاد اذا قمت تعالي شوفي الحتسي .. الوسادة تشتكي .. وخلي لنا شوي .. والسرير يون .. وياحبتس للنوم ..
وخذي وخلي من هالكلام .. وأنا أردد وراه .. شكرا شكرا ..لاداعي لا داعي :39: - ياحليلك انتي واسلوبك
تصدقين ياحظ ابو تركي اذا اسلوبك معاه كذا
ماالومه لوصحاكي
مواضيع مشابهة
تابعي تجارب أخرى من هذا القسم.