عن أبي هريرة رضي الله عنه مرفوعا { لا يشكر الله من لا يشكر الناس } إسناد صحيح

ما أدري وين أحط الموضوع بس قلت بهالقسم لأني طلبت المساعدة فيه وأتمنى من المشرفات ما يحذفونه ،،،
أزعجتك في الفتره السابقه وغثيتكم بس عاد وش أسوي أنتم خواتي وأنا غثيثه :D
المهم شكر خااااص معطر بعبق الزهر لكل أخت قرأت مواضيعي اللي طلبت فيها مساعدة لضيافتي أو أرقام طباخات ليوم الأحد الماضي وكل من ساعدتني برفع الموضوع أو رقم يوصلني لطلبي لها من قلبي خالص الشكر والتقدير ولها دعوة في ظهر الغيب بالتوفيق والسداد وتحقيق المنى في الدارين ،،،
والشكر موصول للأخت أم عبدالعزيز ( لمسات من الشوق ) على مساعدتها لي وروعة أسعارها والله والله يابنات إنها مبدعة بالطبخ والطعم وربي إني كنت على أعصابي لأنها أول تجربه لكن بعد تعاملي معها ولما شفت أطباقها طرت من الفرح من جمال اللي بقدم لضيوفي سوت لي كذا صنف صارت سفرتي بوفيه أرضي فووووق ماكنت أتصور وأحلم فيه بيضت وجهي الله يبيض وجهها بالدنيا والآخره ويسعدها ويحقق لها ماتتمناه وأنصحكم في عزايمكم ما تتعدونها من تجربه وربي يشهد على كلامي اطلبي منها وأنتي مرتااااااحه كأنك أنتي اللي مصلحته من شدة الإطمئنان ولا تقلقين وصلت لي الأكل بوقته ومرتب وحلو وتعاملها ذووووق وراقي الله يسعدها يارب :21:،،،
أيضاً ما أنسى الأخت كاجو أخذت منها الحلى والمالح والفراوله وأبهرت ضيوفي والكل يسأل من وين جبتي هالأشياء الرائعه ((( صحيييح الأسعار تلسع :09: لكنها وربي تستاااااهل رفعت رأسي عند تقديمها )))
وأيضا ما أنسى هالحبيبه الشغاله اللي جبتها بروعة أخلاقها وهدوئها وسنعها وصبرها علي وابتسامتها اللي ماتفارقها واللي خففت علي كثيييير من الضغط النفسي بسبب العزيمه لأنهم كانوا ضيوف مايعجبهم أي شي ممكن تحطينه فكنت حذره جداً ومتخوفه من ردة الفعل وياقلبي ريحتني من كل شي وتنتظر بس وش أطلب علشان بلمح البصر تنفذه أحسن مما أطلب :3_13_12:،،،
شكر خااااااص خاااااص خاااااص لزوجي الحبيب على صبره علي:44::( والسحب المالي الكبير منه وحرصه على فخامة عزيمتي الله يخليه لي ولا يحرمني منه ياااارب ،،،
وما أنسى أمي الحبيبه ودعواتها لي وسؤلها وقلقها المستمر حتى عدت العزيمه على خيييير وارتاحت ولو تقدر تجي لي ماقصرت لكنها يالبى قلبها ساكنه خارج الرياض :icon33:،،،
((( ترى مهيب أول عزيمه لي ولا هوب رفاله مني:mad: وفي كل عزيمه أكون رااااكده بس هالمره غيييير لأنهم حمولتي وناس لازم تحتزينهم وأنا ساكنه ببيت جديد وهم ماخذين فكره عني إني دايم أفاجئهم :surprisedبكل شي جديد ومميز ماعمرهم شافوه وأنا حريصه لأنها أول مره إن تكون ضيافتي مميزه جداً جداً )))
شكري للجميع وقبلهم ربي الذي وفقني وساعدني ويسر لي وسخر لي ما أملك وما لا أملك ،،،
انتظروا صور عزيمتي بعد الحج بإذن الله تعالى ،،،:icon35: