أنصح أو ألوذ بصمتي وأصبر على ضميري
:mad:أخواتي العضوات الطيبات أريد أن أستشيركم في موضوع أقلقني وأهمني كثيرا ،، فأرجوكم أشيروا علي ماذا أفعل وأين الحكمة فيما سأفعل أولاأفعل القصة بإختصار كنت عند واحدة من صديقاتي للأسف ليست بذاك الزود من ناحية الألتزام ولا حرص على الحجاب فقط صلاة فريضة فيها خير بس متهاونه ،،، كثيرا المهم صديقتي هذي عندها بنات منفصلة عن أبوهم في سن المراهقة 16سنة ،،،15سنة ،،13سنة كل وحده معها جوال ولاب توب المهم إكتشفت إن البنات للأسف للأسف الشديد وحدة تعاكس شباب ولاب توبها كله صور شباب أشكال وألوان وعلى المسن بلاوي وتكلم بعضهم على الجوال إنصدمت لأن عمرها 16سنة يعني عمرها أصغر بكثير من تصرفاتها أو الخطر إللي ماهي حاسة إنها واصلته !!!لا وخرجات مريبة بروح الفيصلية أرجع بلوزة أو جزمة أو المكتبة بأشتري أغراض والأم نايمة في العسل روحي ياماما بس خذي معاك الخادمة !!!!!!!!والمصيبة ماهي في هذي في اللي أصغرمنها أكتشفت البارح إنها ممكن تكون شاذة من لبسها وطريقة مشيتها وشعرها وعطرها بديت ألاحظ لأنها طلبت مني أصلح لها اللاب توب فيه مشكلة دخلت على إيميلها وشفت العجب العجاب إللي يشيب له راس أبو شهر صور صديقاتها شاذات في أوضاع لم يصل لها أعتى بنات الكفار وللأسف بعضهم أعرف أهلهم من وسط الرياض ولهم أهل طيبين بس وش أقول الشق أوسع من الرقعة ولما لاحظت علي إستيائي وإمتعاظي قالت خالتي هذي صور بعض صديقاتي من الفيس بوك وهم بعضهم بوية!!! وبعظهم لزبين!!! والله يابنات قالتها نصا !!!!!!!! وبعضهم بوي!! بس ماعندها حركات بس شكل ومظهرة قلت لها صديقاتك من وين قالت من المدرسة وهي تدرس في مدرسة ياعالم سمعتها تهز البلد وتقول المدرسة مليانه والله يابنات وحده من الصور فيها بنتين وضعهم عمر ي ماشفت إندماج مثله حتى تزوجت والله ماسويت كذا ...وحدة مسترجلة والثانية في منتهى النعومة والرقة ....ياناس الأم على عيونها غشاوة ومن النوع إللي ماتبغى أحد يقول برم في بناتها وش أسوي أنصحهاولا أسكت المصيبة الثانية البنت علمتني عن وحده أعرف أمها زين راعيت صيام بيض وحريصة على الصلاة وراعية خير وصدقات وتقول ياخالتي تعرفين فلانة إللي مرة سألتيني قلتي هي معكم في المدرسة نفسها ونفس الصف أكيد تعرفينها قلت لك إيوة.. تراها ((((بوية)))) :icon33::icon33:وش ها الألفاظ ياناس وش هذي المسميات ياناس ضيعت الأمانة ياناس وين بنلقى لعيالنا زوجات ولبناتنا أزواج ثقة وأهلهم مربينهم وين ؟؟الناس مخباية بثيابها على قول أخوانا الأشوام أفتوني كيف اتصرف خاصة مع هذي إللي علمتني عنها وأنا أعرف أمها أسكت ولا أيش أنا ماأرضى لوكانت بنتي بسم الله عليها إن أحد يسكت ولا ينصحني ولا أتكلم وكيف بيصير إعصار ولا طوفان تعرفون بعض الأمهات يثق في أولاده ثقة ليست في محلها للأسف ؟؟؟؟؟؟؟ أرجو ا من الجميع التفاعل مع الموضوع ونصحي بما يبرئ ذمتي أمام الله (اللهم إني أسألك العافية والسلامة لي ولأولادي وذريتي وأهلي وجميع المسلمين) (ربي نجني وأهلي مما يعملون)