بنات انا في مشكله راح ادعي بيوم عرفه للي تساعدني تعالو شوفو زوجي وش سوى

السلام عليكم
بنات انا في مشكله مايعلمها الا الله عز وجل
ماأبي اطول عليكم وبقولكم قصتي يابنات انا متزوجه من سنه اكتشفت زوجي يقفل جواله
ومره وحاولت فه انه يفتح رمز القفل وقلت انو الزوجين مابينهم اسرار لكن رفض وكان حريصا أشد
الحرص اني ما الجوال ومع الايام زاد حرصه على جواله مني وانا ماقدرت اتحمل هالوضع
بدأت الشكوك والظنون تدور في مخي ويوم من الايام انفجرت وبكيت وكسرت كل شي حولي
وصرخت باعلى صوتي عنده وقلتله ودني لأهلي خلاص ماعاد ابيك وهو ارتبك وبدأ يهدأني قلت له انت ليش تقفل جوالك عني
ليش ليش انا تعبت وماقدر اوقف بغا يغمى علي وهو قعد يحلفلي اذا هديت بيقولي ايش السالفه
المهم لما هديت قالي انه كان يحط بالجوال مقاطع جنسيه ومايبيني اشوف
وقالي من بد هاليوم خلاص راح ابيع جهازي واشتري جهاز مافيه بلوتوث
وقعد يهديني وحلف انه من بكره راح يبيعه
وفعلا من بكره راح وباع الجهاز لكن المشكله انه باع الشريحه مع الجهاز
ولما سألته ليش قال مابيها بغير وانا سويت هالشي علشانك خلاص خلينا نعيش مرتاحين بدون
مشاكل
أنا يابنات قلت خلاص مش مشكله وصرت عاديه معه ورجعت اوضاعنا حلوه
وبدأ يخليني افتح جواله بأي وقت ابي عادي وانا كنت مرتاحه وغير مرتاحه
غير مرتاحه من بيعته للشريحه لكن قلت في نفسي حتى لو كان يكلم بنات
يمكن تاب بعد موقفي هذا والدليل انه باع شريحته
قعدنا على هالوضع تقريبا شهر والاوضاع تمام
أمس يابنات سافر علشان الشغل
وقلتله أول ماتوصل اتصل علي طمني لكن ما اتصل وقررت اني ادق عليه انا اتطمن
ودقيت طلع الجوال مقفل وسبحان الله ما أدري وش اللي خلاني ادق على جواله القديم
دقيت وبدأ يرن يعني شغال
أنا قلت يمكن أحد شاري الشريحه عادي
المهم علىىىى طول بعد مكالمتي دق علي زوجي من رقمه وصوته فيه ارتباك
يقولي نعم شفيك يابنت الحلال زحمه عندنا خلاص وصلت وسكر اسلوبه ارتباك وجاف
المهم انا شكيت من ارتباكه ان الشريحه القديمه معه وانه لما كان جهازه مقفل معناتها حاط
الشريحه القديمه
المهم اليوم الفجر دقيت على شريحته القديمه من جوال ثاني علشان يرد
الصدمه يابنات ان الجوال القديم رد صاحبه وطلع زوووجي ورد وهو كان نايم لكن انا ماقلت الو وسكرته على طول
انصدممممت يابنات بغيت اموت قعدت ابكي ابكي لحد ماتقطعت
عجزت اصبر وارسلت رساله له على جواله القديم لكن مارسلت من جوالي ارسلت من جوال ثاني
وقلت في نص الرساله :::ماعندي رصيد وللأسف دقيت الرقم الغلط مرتين الخبط فيه وياليتني مادقيته
هذي اخرتها معك تسوي فيني كذا تحط جوال ثاني وتكذب علي انك بايع الشريحه
ياحسافة دموعي عليك وخوفي وانا اودعك للسفر وياحسافة كل يوم وكل دقيقه قعدتها عندك
ياحسافة الوفا والاخلاص ياحسافة ثقتي فيك ياحسافة ..
يابنات أنا متأكده من صوته انه هو وانا اعرف صوت زوجي ماكنت اتوهم وكل وحده تعرف صوت رجالها
من بين مليون رجال
المهم يابنات هو ماتصل على جوالي لأني متأكده انه اذا دق بيسوي نفسه عااادي علشان يوهمني ان اللي كلمته موب هو ولاحظو ترى أنا متصله على جواله القديم ومرسله من جوال ثاني يعني موب جوالي
بتقولولي ليش مارسلتي من جوالك ؟؟ انا ارسلت من جوال ثاني علشان اشوف تصرفاته معي كيف
اذا دق علي هل هو مرتبك والا لا
بنات في هالحاله شكيت ان زوجي يكلم بنات والا ليش ماباع شريحته الثانيه مع العلم انه لما اشترا شريحته الجديده علم كل خوانه وخواته واهلي انه غير رقمه علشان يتصلون على الجديده
معناتها الشريحه القديمه ماحد بيدق عليها مالها فايده أجل ليش مخليها الا ان فيها بلاوي
يا الله يابنات مصدوووومه ماقدرت انام اليوم وهو للحين مادق ولا ارسل على جوالي علشان يخليني اشك
انه مو هو اللي رد علي لكن دق على الشريحه اللي انا دقيت عليه منها بس من رقم ثااااني بعد يعني موب رقم ولارقمين
الله يوفقها ويرزقها الجنه ويسهل امورها اللي ترد علي برد يبرد قلبي وترشدني كيف اتصرف اذا دق علي
الله يرزقها الزوج الصالح اللي ماتزوجت واللي متزوجه يارب اللهم اني أسألك بأسمائك الحسنى ان تسخر لها
زوجها وترزقها الذريه الصالحه يارب
بنات اليوم عرفه وبدعي لكل وحده ترد على موضعي
أبي حكمه يابنات كيف اتصرف وهو ماوفى بوعده وكذب علي كيف يكون تصرفي هذا وانا قبل كانت ردت فعلي قويه وهالمره لو ماصرت ردت فعلي أقوى راح يتهاااون ويقول خلاص تعودت اذا دق ارد واتهاوش معه والا اخليه وما ارد واقفل جوالي واذا جا ما اروح معه لأهله ؟؟ بكره العيد واكيد بيدق يعايدني
دلوني بنات عسى ربي يدلكم للطريق الصحيح ويسهل اموركم