مناكير شفاف
الله يجزاك خير يارب
انا الحمدلله مانكدت على نفسي كثير كنت احاول استمتع بوقتي قد مااقدر وانا حامل الحين بس قالوا لا ترهقي نفسك الى الشهر الخامس وباذن الله بعد الخامس نسبة انه يتم كبيرة وانا انتظر الخامس الله يعيني يارب
________________
الانشطة في نياجرا
1-في الهيليكوبتر تطير فيك فوق الشلالات ومدتها اتوقع 10 دقايق الى 15 دقيقة
2- السفينة توديك الى وسط الشلالات ويرش عليك رذاذ من الشلالات هذا الشي اعجبني مره :icon28: بعدين ماترجعين لا تنسين تاخذين صورتك انت وزوجك :26: (هذي جربتها)
3- تقدرين تروحين توقفين جنب الشلالات ويلبسونك ماادري وش اسمه لونه اصفر << تكفين لا تشرحين>> المهم هذا المكان مارحته لسببين الاول انا ركبت السفينه ورحت عند الشلالات ليش اروح جنبها مره ثانية والسبب الثاني انك لو رحتي في الصباح بدري للشلالات في منطقة توقفين فيها تصيرين مرررره جنب الشلالات المشكلة اني ضيعت اليو اس بي حق الكاميرا والا كان وريتك بالصور وين الموقع بالضبط
4-في البرج تقدرين تطلعين فوق وتتفرجي على المدينة
5- في شارع قريب من الشلالات مره نشيط الشارع هذا في اشياء كثيييرة حلوة امشي وادخلي المحلات في متحف الشمع للممثلين وفي شي لموسوعة جينيس وفي اشياء كثيرة في المنطقة هذي انا مادخلتها كلها بس اللي شدني ادخله
6- على امتداد الشارع اللي في نقطة اربعه في لعبة حتى بالعربي مااعرف اسمها اللي تدور اصلا اول ماتشوفينها بتعرفينها مافي لعبة غيرها باينه
7- في محل هيرشي قدام الحدود الامريكية رووووعة احب الكوكيز اللي عندهم
8- في بيت الرعب هذا ماادري وين موقعه بالضبط بس اذا شفتي محل رعب صغير وفوقه مكتوب رقم بالالاف بعدين تشكن (دجاجه) فهو المقصود هذا البيت اذا دخلتيه مررره يخوف وانه مايطلع الواحد منه الا اذا وصل للاخير او انه يصرخ بكلمة تشكن يعني انا دجاجه اخاف طلعوني فيطلعونك هذا مادخلته بس سمعت مين جربه ويقول يخوف :) وكل ماصرخ واحد بتشكن يحسبون العدد فيمكن فوق ال5 الاف واحد قالها
9- في سينما فيها فلم ماادري فلمين بس عن تاريخ الشلالات انا اعجبني كثير لاني احب الاشياء التاريخيه ويجيب مين حاول يقفز الشلالات وايش صار عليهم
10- في حديقة للفراشات وفي حديقة ثانية للطيور
11- في ملاهي مارين لاند فيها عروض دلافين وفقمه وحوت وفيها العاب الغالب العاب اطفال بس في كم لعبة للكبار
12- في مكان خرااااااافي مايجيه احد كثير بس كيف اوصفه لك هذا المكان اكتشفناه انا وزوجي بالصدفه ويوم بالبيت سويت حافظات ساندوتشات مشكلة واخذت معي شاهي وكابتشينو ورحنا له مكان راااايق كل فترة تلقين كرسي مع طاولة تحت شجره كبيرة وتطل على النهر اللي يصب بالاخير في الشلالات المكان هادي ولا فيه ناس كثير يمكن المره اللي رحنا لها بس انا وزوجي وبعد مسافة في شايب وعجوز قاعدين
هذا اللي اتذكره الحين اذا تذكرت شي ثاني بجي اقوله
تــــــجـــــــــمـــــــــع بـــــــــنــــــــات كـــــــــنــــــــــــدا
متابعة النقاش، صفحة 156