تــــــجـــــــــمـــــــــع بـــــــــنــــــــات كـــــــــنــــــــــــدا

لالال ما عطونا واين ....بس وين الشوكليت راضين فيهم بعد ماعطونا

المكان الي تتطلمين عنه الرومانسي ليكون في الطريج لحديقه الفراشات ...لاني شفت يلسه هاديه هناك


نزاعه

الفعاليات وايد حلوه انا رحت للحديقه الفراشات و الطيور و المركب و في تنزلين تحت مثل ما قالت كوين تمشن ورا الشلالات و في بلكونه تحت تكونين واقفه مره عند الشلالات ...رووووعه

تبدا الفعاليات في الصيف ...شوفي عندج لونك ويك اند في نهايه شهر سبعه و لونك ويك انت ثاني في نهايه شهر ثمانيه ما ادري سته ...من الحينه خططي لهم و ان شاء الله ان شاء الله ما يكون زوجك انكول فيهم


و على فيزا امريكا ...انا زوجي كان اصلا عنه من زمان بس انا طلعلي يوم كنا في مونتريال ...حتى مكان سفارتهم جريب وايد على الشارع الي بعد السينت كاثرن يعني بالداون تاون ...حتى بسرعه عطوني ما تاخر وايد

بنات الي تتناقشون عن الاسواق

ترى لكل سوق اجتياجاته ...يعني البضاعه الي تمشي في دوله ما تمشي في دوله غيرها ......يعني مثلا زارا ...عمرج شفتي تنوره طويله في زارا كندا ؟؟ لا لان الناس ما تشتري مجتمعهم يلبس قصير ...مب من متطلبات سوقهم ...و بنفس الوقت تلاقين في بلادنا تنانير طويله لان هذي من متطلبات سوقنا ..و قيسى على هذا المنوال في كل شي...

بعد في اسواق تستهلك بكثره علشان جذي يهتمون ان يقدمون لها كل جديد قبل اي دوله اخرى ...طبعا بلادنا منهم ...حتى في كندا تلاحظين هذا الشي ...مونتريال دايما الاشياء تخلص فيها بسرعه بسرعه ما قاساتك ما تلاقينها لان اصلا معروفين انهم يحبون يشترون ...لكن في حين يوم انتقلت الى ميسيساجا ...الاشياء تعمر و تعمر و توصل لتنزيلات التنزيلات

و بعد السوق الكندي تلاقين فيه المنتوجات و الماركات الكنديه و الامريكيه بكثره لان اجرب و ارخص لهم من ان يستوردون من اوربا ...و نحن في بلادنا بس محتكرين الماركات الاووربيه ...و لان متعودين على الي عندنا ما ندور غيرهم و ما نعرف باقي الماركات علشان جذي نقول انها غير معروفه و نقلل من قيمتها في حين ان ممكن تكون افضل من ماركاتنا الي تعودنا عليها في بلادنا

و المسئله مسالت تعود بعد فتره نصير ما نعرف نتسوق في بلادنا ...يعني انا بصراحه على كثر المحلات و المولات الي في دبي ما اعرف اتسوق خلاص تعود على محلات و مولات كندا ...احس نفسي اضيع في دبي و راسي يدور و ان ماعرف شو ابي ...و اتوه

سلامتكم

ام محمد

ههههههههههههههههههههههههههههه ياحبيلك والله اني احبك اختي

انا مازعلت ولا شلت عليك ولا كل ردي تحامل عليك

لا كل الموضوع انا قلت من عيوب كندا انها غير متقدمه في نظري حتى قلت لك في احد الردود ان انا وحده توني عمري 20 سنة يعني توني طالعه من المراهقه مازالت فيني ريحة اللعب والوناسة والفرفشه بس هذا الشي مالقيته في كندا يمكن لاني كنت متصورة كندا شي وااااااو يوم جيت انصدمت شفتها عادية

ومو قصدي والله ازعلك بس يعني في اشياء ببلدنا كنا نشوفها من الاشياء الضروري وجودها في الاسواق عكس هنا

هذا مايعني اني ماحبيت الجلسه في كندا ولا عندي ذكريات حلوة لا هذا موضوع ثااااااااااااني بس كان ردي على الاخت اللي سألت عن عيوب كندا وانا جاوبت بنظري كوحده عمرها 20 سنة لا يهمها اقتصاد بلدها ولا اقتصاد كندا اهم شي تعيش مبسوطة :p

وراجعه بعد كم ساعه ارد على البقية :)