كل وحده تذكر لنا تجربتها لما راحت ابها ؟؟ وتفيدنا باسعار الشقق والفنادق وكل ماتعرفونه

ع فكرة بالنسبة للمطاعم فيه مطاعم حلوة جدا وخميس مشيط مره حلوه تصلح تروحين لها في الليل

مطاعمها واسواقها مره حلوه

للرفع

السلام عليكم
قبل يومين نازله من ابها
تخيلي قد ما عندنا حر عندهم برد وزياده المهم لا تحممين البنوته كثير بتخبص الرحله عليك
احنا اخر مر هاخذنا في الواديين
طريق الحبله وكان في منتزه قريب اسمه المسقي كان ايامها في مهرجان ختامي للخيول والله كلام
وعندك يا ستي منتزه ابو خيال في ابها مدرج زراعي روعه
وكمان حديقة الاندلس
وايضا السودا لازم تروحينها بدري الصباح يعني
وتنزلين من هناك قبل المغرب والله يعينك وقت النزول حج
وايضا كان عندهم مهرجانات تسوق رحت اثنين منها
وايضا رحنا منتزه الدلمون لاند بين خميس مشيط وابها منتزه محافظ مره روعه ملاهي واسواق ومسرح يجون هناك فرق
منتزهاتهم كثير عدي واغلطي
احنا ما طولنا اخذنا اسبوع بس وكان ودنا في الاكثر بس
انتي عارفه رمضان قرب ويبيله استعداد
تقبلي مروري

قبل سنه تقريبا قررنا انا وابو التوت نسافر المنطقه الجنوبيه والقرار هذا جاء فجأه يعني يوم الاربعاء اخذ اجازه اسبوع وقال نمشي بكره رحنا بعدها على طول نفتح النت ندور حجز ونلاقيه فل مافيه الايوم الثلاثاء القادم قلنا يالله مافيه الا سيارتنا تتحملنا وتودينا صحينا يوم الخميس متأخرين الستعه تسعه وكنا مجهزين عفشنا من الليل على طول حملنا ومشينا بسم الله وبعد ماوصلنا الافلاج كان كل شئ تمام فجأه وبدون سابق انذار ارتفعت حرارة السياره ويوقف ابو التوت يشوف شالسبب ( امور سيارات ما افهم فيها ) بعد كذا شوي شوي لحد ماوصلنا بترو ليلى وقفنا واخذنا انا غرفه ففي فندق عندها وراح ابوالتوت يودي السياره لانها بعد ما وصلنا للبترو وقفت ولا عاد اشتغلت تقول خل تنفعكم الطياره اللي بديتوها علي طبعا السياره يبيلها قطع غيار والقطع موب موجوده هنا لازم اقل شئ يومين على كذا راحت الرحله قررنا بعد كذا نشحنها على سطحه ونركب لنا سياره توصلنا ابها ( ماعليش الا هالحظه ماصورت شئ من الروعه ) والحمدلله ركبنا مع صاحب سياره خاصه وصلنا للجنوب بستمية ريال يعني كل كيلومتر بريال والحمدلله ماجت الساعه 11 الا انا في الجنوب طبعا السياره وصلت الساعه 12ونص بعدكذا اخذت لها يومين على بال ماتتصلح في هاليومين رحنايوم للحبله واليوم الثاني كان يوم الاحد مبارة المنتخب النهائيه جلسنا نشجع وماطلعنا ونفس اليوم كتبو لسيارتنا خروج (منومه )والحمدلله بعد كذا بدت التمشيات الحلوه على سيارتنا الحلوه الله لايخلينا منها
طبعا اول يومين سكنا بالواديين منطقه قريبه من الحبله ودلغان
بعد كذا طلعنا وسكنا بين الواديين وابها وهذي صور للمجمع اللي سكنا فيه




طبعا جلسنا في هالمجمع يوم واحد بس عقب قلنا خل نطلع ندور لنا سكن بالسوده ( ندور البراد ) لكن للاسف السوده مابغتنا كله فلللللللللل وراح علينا اليوم كله دوران في السوده
لكن مايمنع اني القط لكم كم صوره منها هذي بعض من المجمعات اللي مريناها ولقيناها فلللل
مجمع الجعيثن والفلل حقته صراحه رهيب من جوه




وهذي قرية شيخه والفلل حقتها ومصوره لكم الاستقبال بعد


رجاء لاتردون لحد مااكمل الموضوع والصور

قرية السوده السياحيه



الحين خليكم مع مناظر السوده والامطار والبرد