:44::44::44:
خواتي الغالياااااااات انتبهواااااااااا من الشغالات وراقبوا اخوانكم وازواجكم اذا رحتوا زيارة للمستشفى ..
والله يابنات من الصدمة والقهر اللي شفته كتبت الموضوع رحت لزيارة وحدة من قريباتي والحمدالله كانت بصحة جيدة ..ولكن الطامة شاهدت رجل في القسم اللي يوجد فيه حالات الجلطة والغيبوبة ومعروفة اغلب الناس يكون عندهم مشاغل او ماعندهم احد ينتبه لأهلهم فيضطرون يحطون شغالات ترقد مع المريضة..
كانت المريضة في الغرفة مصابة بالجلطة وامرأة طاعنة بالسن وكانت عندها شغالاتها جديدة وماتعرف عربي انا خفت لاني شفت شكل الرجل اللي يمر ويقرب صوب غرفة المريضة وشكله مو طبيعي فشكيت انه فيه شر المهم طلع الرجل من القسم فمريت بالغرفة وشفت الشغالة مو طبيعية وجهها اصفر وخايفة سألتها خير شنو فيك؟؟!
وطبعا كانت تتكلم بعض الكلمات العربية فهمت السالفة ان الرجل جاي زيارة مع اهله ويوم شافها شغاله مع المريضة المصابة بالجلطة قام يغريها بفلوووس وبشحن ويبغى رقمها لغرض غير شريف على اساس انه متعود يعيش الشغالات بنعيم ويعزهم من القعدة مع من كفلهم وبما ان الشغالة جديدة وفيها خير المسكينة دخل عليها وقال لها انه صديق اولاد المرأة المريضة وكانت الشغالة ذكية شوي فقالت ايش اسم عيالها وقالها اسم قالت له انت كذاب مافيه احد اسمه بهالأسم فقام يستدرجها وقالها فكري وبكرا راح امر والصدمة العظمى يوم قلت لها ليش ماطلعتي وناديتي احد من الزوار وقلتي له بالسالفة قالت رحت لغرفة المريضة الثانية وكانت بعد عندها اندونيسية ويوم قالت لها السالفة قالت لها انتي غبية هذا كويس وهذا شغل يجيب فلوس اكثر من الشغل ببيوت الناس يعني انها متعودة على الناس اللي يسون لها :06:
رحت انا احاول اخبر رئيسة الممرضات قالت انهم متأكدين من عملهم ومو كل شي يتصدق :icon36:
للأسف ياخواتي الحين احنا نعيش في زمن الوحدة ماتستأمن على اخوها او زوجها واذكر شفت برنامج لشيخ نبيل العوضي يتكلم عن السعار ال ج ن س ي اللي سبب انحراف شبابنا وبناتنا صار الحرام حلال وكل شي يسمونه انفتاح وتطور :mad: والله اول ماشفت هالشي تذكرت كلام الشيخ نبيل حفظه الله مع اني يوم اشوف الحلقة قلت انه يبالغ وطلعت الصدمة ان احنا مو شافين شنو يصير حوالينا ...........
الله يحفظنا ويستر علينا ويكفينا شر الذئاب البشرية وشياطين الجن والإنــس
شاركي في النقاش
سجلي الدخول لإضافة تعليق.
التعليقات
51مواضيع مشابهة
تابعي تجارب أخرى من هذا القسم.