الله يجزا البنات كل خير على الكلام الحلو وما قصروا..............
و في كلام بقوله وان شا الله يكون نافع ومقبول :
قبل كل شي الزوجه ما تحط راسها براس الزوج وتطاوله وهذا لما قلتي لو غلط عليه اخوي بيسكت بيرد عليه ليه أنا ما أرد على أخته..........والله الحرمه مهما كان ماتكابر الرجال وتواجهه مهما حصل الا بالأمورالكبيره واللي تمسها و ان شا الله ما تحصل، وأحيانا الرجال يذكر في وقت الغضب أشياء تستفز الزوجه وتخرجها عن طورها بس واجب تصبر وتسكت وتقول بيرضى بعد كم يوم وهالكلام مو من القلب بس لحظة غضب أما أخته فلا تعيرين كلامها أي أهتمام وما راح أزيد على البنات ان هالتصرف ما يمنع من حضور زواج أخته لأن هالشي ما يتعلق فيها شخصيا بالعكس هذي صلة رحم أمر فيها رب العالمين مهما بدر منها وعدم مجيئه للزواج يقلل من قيمة زوجك قدام الناس وانه ما حضر زواج أخته ولا يقلل من قيمتها هي فقط.............
********************************************
لا تطرين كلمة الطلاق نهائيا وقللي من المكالمات بينك وبينه حتى يقل النقاش والمشاكل بينكم وش خليتوا لبعد الزواج والله اقول هالشي لمصلحتك وانتي جربي وان شا الله تلقين نتيجه..........
********************************************
اشغلي نفسك بأي شي يفيدك حسب ما تحبين واجلسي على النت بيضيع شوي الوقت ولا تكثرين النقاش مع أي أحد حتى ما تتعرضين لمثل هالمواقف واذا صار ووحده حاولت تتطاول عليك قوليلها بوجهها الله يسامحك أو على الأقل اسكتي ولا تسمعين حتى وش تقول واذا تقدرين تقومين قومي من دون ما توجهين للي تقط عليك كلام او تجرحك حتى نظرات استفزازيه بالعكس توضحين لها انك تضايقتي وبالتالي نالت اللي تبيه.......
والله مثل ما قالت وحده من الأخوات الحلو فيك انك تعترفين بهالطباع فيك وانها مو زينه يعتبر شي طيب ... وتقبلك لنقدنا ونصايحنا بحد ذاته يبين انك بأذن الله راح تتغيرين عن قريب للأحسن طبعا......
لا تبدين حياتك بمشاكل والله الدنيا فيها الكثيييييييير من الحاجات الحلوه والحاجات الشينه وتوك صغيره على المشاكل والمشاحنات............الله يوفقك ويهدّي بالك ويسخّر لك زوجك ويسخّرك له.............
بموت من القهر شسوي؟؟؟؟(( أخت خطيبي تتدخل بيننا !!!!))
متابعة النقاش، صفحة 10