الموضوع مغلق

بناااات اللي ودها تحني شعرها تدخل ولاتتردد :) حياكم الله

@fdy_amy_t

بسم الله الرحمن الرحيم

السلام عليكم ورحمة الله وبركاته ....


شلونكم بنات ان شاءالله بخير ؟؟؟ بنات حبيت افتح هالموضوع عشان الكل يستفيد ... اغلب البنات ودهم يحنون ( يحطون حناء بشعرهم ) شعورهم بس يتوهقون شنو اللي يحطوونه بالحناااء وشنو اللي مايحطوونه بالحناااء فحبيت اساعد كل وحده منكم لان كلنا عارفين فوايد الحناء بس بشرط لازم كل وحده منكم تستمر فيها وتحطها على الاقل مره بالاسبوع واللي بخاطرها تحني شعرها انا تحت خدمتها تسألني وراح احطلها الخلطه اللي تناسب شعرها وان شاءالله كلنا نتعاون مع بعض :) بس ياليت كل وحده تكتب نوعية شعرها عشان نحدد شنو اللي تحطه ... سامحوني اني طولت عليكم :) ...

وراح اكون 24 ساعه بالمنتدى عشان افيدكم ومااطول عليكم بالردوود :)

1,500 تعليق 329,883 مشاهدة

0 0

شاركي في النقاش

سجلي الدخول لإضافة تعليق.

التعليقات

1,476

  2. @aoshn_drym

    تصدقين توني شاريه حناء كيسه كبيره طبعا ما انطحن (حناء المدينه) ونوعيه شعري عادي يعني لا دهني ولا جاف ومشكوره

  3. @mn_alsahr

    حياك يالغلا
    ومشكووره ياقمر
    انا شعري جاف
    وحنيته امس وكنت متردده كثير
    عجنت حناء بزيت زيتون بس
    والحمدلله ماحسيت انها جففته
    واذا عندك خلطه تفيد لاتحرمينا منها

  4. @fdy_amy_t

    صاحبة الموضوع
    هقوة غرام
    ياليت يالغلا وجزاك الله خير انا شعري خفيف وخشن وجلدي باين وقصير وش تصحيني يارب توفقك
    الله يسلمج ماقصرتي على الدعوه الحلوه :) ... دايما دايما لازم حناء يمنية نظيفه وتأكدي ان لونها اخضر واذا ماحصلتي حناء يمنيه انصح بحناء المدينه المنورة وايد حلوه ...

    طبعا دايما قبل لا تحطين الحناء وانتي تعجنينها اقري هالدعاء ( بسم الله الشافي المعافي بسم الله الذي لا يضر مع اسمه شي في الارض ولا في السماء وهو السميع العليم ) ..

    قبل لا تحطين الحناء لازم تدهنين شعرج عدل بزيت جوز الهند ( انا افضل زيت جوز الهند بالعلبه البنفسجيه اللي عليها نخل وتجي بدون رائحه ) لا تقولون الحناء ماتصبغ مع الدهن لاتصبغ ونص :) احنا نحط الدهن قبل الحناء عشان ماينشف الشعر زياده خاصه اللي شعرها ناشف وحتى ماتتقصف الاطراف

    طبعا تحتاجين مثل ماقلنا حناء يمنيه او حناء المدينة المنوره - ملعقة عسل ( يغذي الشعر ويطريه ) - حليب ( لان نوعية شعرج جاف اما اذا كان دهني نستبدله بالروب ) - ماء ( للعجن ) - قشر بصل ( يوقف التساقط ) - قشر الرمان ( يوقف التساقط ) - خل ( يزيل القشره ويعطي الشعر لمعه ) - ليمونه ( مع الخل تقضي على القشره وتقوي الشعر ).

    بس نسيتي تذكرينلي اذا ودج بلون معين وماذكرتيلي لون شعرج بس ماعليه :)
    اذا شعرج من النوع اللي يمسك اللون بسرعه وكان فاتح افضل تستخدمين البابونج والكركم يعطي لون وايد حلو للشعر الفاتح
    اما اذا كان شعرج من النوع اللي يصعب ان يمسك اللون حطي كركدية يعطي لون احمر على عنابي حلو - الشاي
    وفي بعد ( الفوه وقشر الجوز يعطوون لووون وايد حلو ) والميراميه واكليل الجبل يغمجون لون الحناء

    طريقة عجن الحناء :
    تحطين الحناء وفوقها الحليب وليمونه وحده معصوره وملعقة خل ( تتركين الماء يغلي وتضيفين له قشر البصل وقشر الرمان وملعقه العسل وممكن تزيدينها الى ملعقتين تخلينهم يغلون من ربع ساعه الى نص ساعه وبعدين تصفين المويه وتحطينها فوق الحناء ) وتخلينها الى اليوم الثاني وتدفينها وتحطينها فوق شعرج وتكونين داهنته بزيت لمدة ساعتين الى 4 ساعات

    بعد ماتغسلين شعرج يا الغاليه تحطين تونك فازلين واهو مبلول اي سؤال انا بالخدمه :)

    ايه ونسيت اقول :) وحطي مع الحناء زبده تطري الشعر

  5. @fdy_amy_t

    صاحبة الموضوع
    أوشن دريم
    تصدقين توني شاريه حناء كيسه كبيره طبعا ما انطحن (حناء المدينه) ونوعيه شعري عادي يعني لا دهني ولا جاف ومشكوره
    زين سويتي لان حناء المدينة المنورة حلوة للشعر :)

    حبيبتي دايما مثل ماقلت قبل لاتحطين الحناء تدهنين شعرج بزيت جوز الهند اللي علبته بنفسجيه وعليه نخل

    وبما ان شعرج من النوع العادي مع الحناء راح ينشف فأنصح انج تحطين حليب حتى ماينشف الشعر

    ( حناء - حليب - ليمونه - خل - عسل - مويه - قشر البصل - فوه ( جربي تغلينهم مع الفوه تعطي لون حلو )

    يا الغاليه هم نسيتي تذكرينلي لون الشعر :)

    بعد ماتغسلينه دايما ادهنيه بتونك فازلين

تابعي تجارب أخرى من هذا القسم.