تــــــجـــــــــمـــــــــع بـــــــــنــــــــات كـــــــــنــــــــــــدا

متابعة النقاش، صفحة 169

شاركي في النقاش

سجلي الدخول لإضافة تعليق.

التعليقات

2,007

  1. @saudi_girl_2

    صاحبة الموضوع
    The first Queen
    ^^^ انا كنت بعادل شهادتي زيك بس اخوي مانصحني يوم زملاه اللي عادلوا انحاسوا شوي يقول ابدأي من الاول احسن لك
    و هذا رأي أنا بعد،،،خاصة إني أدرس بجامعة ألبرتا و عارفه عقدهم،،،تخيلي وحدة من البنات خلصت سنتين في جامعة مانيتوبا و على أساس يبون يعادلونها لها بحكم إنها جامعة كندية،،،عادلوا لها سنة وحدة و حاسوها و بهذلة من جد،،صدقيني ما تسوى عليك،،،

    و لكل البنات اللي سألوا،،،تسأل عليكم العافية يا رب،،،بس كنت مشغولة مع الفاينلز للي بدت الاثنين اللي راح و تونا باقي لي أسبوع،،

    :26::26:

  2. @nzaaa

    saudi girl
    و هذا رأي أنا بعد،،،خاصة إني أدرس بجامعة ألبرتا و عارفه عقدهم،،،تخيلي وحدة من البنات خلصت سنتين في جامعة مانيتوبا و على أساس يبون يعادلونها لها بحكم إنها جامعة كندية،،،عادلوا لها سنة وحدة و حاسوها و بهذلة من جد،،صدقيني ما تسوى عليك،،، و ل…
    جناين ورد

    انا متفشله منج لأني نسيت ارد عليج عقب ما كتبتي الطريقة ..
    تعرفين متى اتذكرت .... البارحة قبل لا ارقد وانا عالفراش خخخخخخ
    ما ادري شو يابج في بالي .. !!
    المشكله الكبرى انه احنا وراثيا ما نضبط شي فيه طحين و عجين خخخخ
    يعني امي الله يحفظها ... تحاول تسوي كيكات اشكال وانواع .. بس اغلبها ما يضبط ..
    فتقدرين تقولين عندي عقدة من الطحين هههه
    و سؤالي الاستراتيجي هو ... انتي استخدمتي عجانة ولا عجنتي بنفسج ؟!
    لأنه ما عندي عجانة اهني .. وهل اذا سويته بيدي بتكون النتيجة وحدة ؟!
    ادري ما يسوى عليج انج حطيتي الصور .. بس انا حالفة على عمري الا افج عقدة الطحين خخخخ
    و ان شاء الله يكون هالشي على ايدج ههههههه

  3. @nzaaa

    saudi girl

    الله يعينج و يسهل عليج
    و ان شاء الله نشوف الـ A A A مصففه في الـ transcript
    امس و انا نازلة اودي الغسيل اسمعهم كله يسولفون في الامتحانات ..
    قلت في نفسي الظاهر انه موسم الاستنفار الحين ههههه
    يلا كلها اسبوع و ترتاحون ان شاء الله
    والله يوفقكم

  4. @norh_2008

    بنات الله يوفقكم ساعادوني انا في لندن كندا
    وابي اهلي يرسلون لي شناطي جيت ولا بعد ارسلوا لي شي ابيها توصل دور تو دور يقولون سألوا الطيار قال مافي اي شركة توصل لكندا دور تو دور .. وانا اظن فيه اذا عندكم معلومات ساعدوني مستعجلة الله يجزاكم خير

  5. @nzaaa

    نوره 2008
    بنات الله يوفقكم ساعادوني انا في لندن كندا وابي اهلي يرسلون لي شناطي جيت ولا بعد ارسلوا لي شي ابيها توصل دور تو دور يقولون سألوا الطيار قال مافي اي شركة توصل لكندا دور تو دور .. وانا اظن فيه اذا عندكم معلومات ساعدوني مستعجلة الله يجزاكم خير
    نورة

    انا اهلي ارسولي لي شنط عن طريق شركة شحن عقب ما تزوجت
    و زوجي راح المطار عشان يستلمهم .. دفعوه 800 دولار كندي عشان الجمارك ..
    كانوا شنطتين ... سألوه شو داخل الشنط قال ملابس و كتب..
    و فتحوا الشنط .. ولقوا شنط ماركات ... قالوله ليش ما قلت فيها شنط ماركات .. قال ما عرفت لازم تكون عندي لستة بكل محتويات الشنطة ...
    فخلوا زوجي عندهم ثلاث ساعات .. و طلبوا صورة جوازه و جوازي !!
    و راحوا الانترنت .. و دورا سعر شنطة شنطة ... و دفعوه عليهم جمارك ...
    رجع زوجي البيت و هزأ فيني شوي بس عدت علي خير ..
    ترا كندا اعتمادها الاقتصادي كبير على الجمارك
    و الجمارك عندهم شوي حرامية ... فخذي بالج

    ^

    ردودها كلها مأساويه خخخخخخخ

تابعي تجارب أخرى من هذا القسم.