بنات انا خايفه اتزوج بلييييييز الي عندها اي نصيحه لي تقولي والله لأدعيلها من قلبي

موضوعك يبغاله نصائح مو نصيحه ،،أنا عندي خبره في الحياه مع إني مو كبيره بس تزوجت صغيره بس المشاكل والتجارب خلتني أعرف وأتعلم
على قول المثل إسئل مجرب ولا تسئل طبيب،،
لدرجه إني صرت أنصح إللي أكبر مني
إذا تبين إرسلي لي عالخاص لأنو يختلف البيئه ماأقدر أقولك وأنا موعارفه زوجك يقر بلك ،،،ساكنه مع أهله،،،موظفه
هالأمور ماتصلح على العام للخصوصيه
والله يوفقك يارب

اختي ليه تفكرين بهاي الامور بدري عليها واحسني الظن بلكي اهل زوجك قمة بالطف والاحترام واهم شئ اخلاقي كوني اخت لاخواته والاحترام وعدم التعدي عليهن بالكلام واهم شئ انك لو تعرضتي لمشاكل لاقدرالله حاولي انك تمتصي غضبك وموكل شئ توصليه زوجك لانه الزوج مهما كان يحب اهله شو ماحكيتي بيحبهن كتير لاهيك انتبهي وحلي امورك بنفس ولو استعصى عليك امر استشيري الماما وهيا بدورها ترشدك وغير هيك اتركي الامور تسير بما كتبه الله وعليك بحسن الخلق وعدم رفع الصوت امام الزوج والله هاي بنظري اصعب مشكله

حياتي الف الف مبروك والله يسعدك ويهنيك بحياتك واسال الله ان يسخر لك زوجك ويجعلكم اسعد اثنين في الدنيا

انا لي عشر سنوات متزوجه تزوجت عمري 20 سنه وما اتوقع فيه احد خاف اكثر مني حتي تخيلي في يوم زواجي في الصباح جابت لي اختي فطور وكنت اكل وارجع (اكرمكم الله) من شده الخوف لاكن من اول ليله اتضح لي انه موضوع عادي وتافه بس شيلت نفسي هم ماله داعي صدقيني بكره تضحكي على نفسك وتذكري كلامي

اما اهل الزوج اسمعي نصيحه اخت محبه لك انا تزوجت وكانت خبرتي في الحياه صفر وكنت طيبه بجنون وللاسف كانو في الببدايه يحترموني وبعدين صارو يمونون يدخلون ويخرجون بدون اذن لشقتي لاني ساكنه قدامهم على طول وعلى طول اذا نقص شي دخلو المطبخ بدون اذن اخذو اي شي وطلعو هذا غير الغيره والسب والتقطيع .تزوج بعدي اخو زوجي واحده من يوم دخلت عليهم تحترمهم بس مسويه رسميه معاهم كل شي له حد والحين يحترمونها اكثر مني تزورهم ويستعدون لها ويلبسو ويتجهزو وانا مابيني وبين الشغاله فرق ......يعني احترميهم واعطيهم حقوقهم بس لاتشتكي لهم ولا توريهم شي انتي شاريته وخليك رسميه واذا جاك منهم اي دقه سوي روحك ما سمعتي لاتردي عليهم..

اما بالنسبه لزوجك سوي المستحيل عشان يحبك لانه لو حبك ماراح يستغني عنك ولا يحاول يزعلك واهم شي اختي الغاليه
لاتتنازلي عن حقوقك ابدا عشلن ما يتعود واي شي تبينه صفه فيه اضغطي عليه لين يتعود لان الرجال على ما تعود وحاولي يكون قريب من ربه لان الي فيه دين معاملته احسن من غيره

وبعد حاولي يكون بينكم احترام متبادل ولاكلمه غلط بينك وبينه خاصه وقت الزعل عشان لما تخلفي يتربو عيالك على الفاظ حلوه وراحة بال اذا تزاعلتو (الله لايجيب الزعل) روحي غرفه ثانيه وابعدي عنه ولاتردي عليه لو رديتي عليه راح تسمعي كلام سئ وماراح تقدري تاخذي حقك خليك لين يهدأ وبعدين ناقشيه بهدؤ تلاقينه انكسر واعتذر منك

غاليتي يارب اكون افدتك ابيك تدعين لي با الوظيفه لاني انساته لطشتني الحياه تلطيش :44:

لصمت حكم اتمنى مو على الخاص عشان ودي الكل يستفيد
ثاني شي ترى خطيبي يقرب لي ولد عمتي وانا احبه من زمان بس المشكله اخته ماتطيقني ودايم تشوه شكلي في عينه وفي عين اهله والمشكله انها مو زينه بس واثقه في نفسها حاولت اسوي نفسي ما ادري عن سوالفها واقبلها عادي بس لاحظت انها قويه وخبله ترجد بالكلام انا ما ابيها تتجرأ عليه بس كيف ما ادري اخر مره ولعت منها وماصرت اطلع فيها ..ابي حل لأن لاحظت ان حريم العيال كل يوم مجتمعين عند عمتي ياربي والله خايفه..