حسبنا الله ونعم الوكيل اللهم لاحول ولاقوة لنا الابك ياااربي الوالد ونهايته يبكي ويتحسر من عياله مدري هذا ضعف تربيته من الاول او قسوته عليهم خلته يجني ها المراره يمكن بس الاكيد انه ابوهم وياويلهم من سخط الله اجل اشكي ابوي وانزل راسه عشان دراهم ملعووونه انت تقربي منه ولا تحسسينه بضعفه امتصي قهره بدون مباشره بالكلام ودعوا لهم الله يلين قلوبهم ويهديهم وقولي لاختك الحياه فانيه وملعوونه وملعون كل مافيها الا الخير والصالح وش تبي بدراهم الدنيا كلها لو مات ابوها لاقدر الله وهو غاضب عليها وش تسوى لو تمنت الظهر والسند واعتازت بدنيتها ومالقته وش تسوى عليها لو هي قارون ورد الله لها العقوبه وفضحوها عيالها مثل ما سوت بابوها الايام تركض والدنيا سلف ودين دخلي وساطات حكيمه تعالي لي بالهون والرفق عشان ما يعاندون وتركبهم العزة بالاثم الاب غالي وعزيز ويظل غالي وعزيز ادري ان فيه اباء حلال فيهم استغفر الله اللي يسوونه فيهم عيالهم مصداقا لقول عمر رضي الله عنه (عققته قبل ان يعقك ) بس هذا اب وين التعليم والدين اذا ماراح يخليني التزم الادب والاحترام مع الاب فرج الله همكم وكشف كربكم وجمعكم على خير وابعد عنكم شياطين الانس والجن دمتم بود
تسلمووون واشكركم على المرور والرد الطيب اليوم حاولت اتقرب لابوي وخبرت زوجي بانه يخبره باننا بنشارك معاه في مصروف البيت بمبلغ محترم حسيت انه بيبكي ولكنه كتم وحسيت انه دعا لي ولزوجي بكل الخير وفرحت.. ولكن حسيت ان الحسره بقلبه من البقيه.. الله يهديهم بس.. وجزاكم الله خير على سعة صدوركم وسماعكم لمشكلتي..