شاركي في النقاش

سجلي الدخول لإضافة تعليق.

التعليقات

7
  1. @yhfthk_rby

    هلا اختي

    الحلوى تقدرين تاخذينها من شويطر وابو البنات والخلود والمروج وتر كلهم بمكان واحد انصحج اتروحين سوق المحرق وكل اللي تبينه ان شا ءالله بتحصلينه هناك وبالنسبه للمتاي حنا ناخذ من مكان هو دكان صغير يصير على يدج اليمين لين ييتي تطلعين من السوق بشوفين كذا محل متاي اسمهحلوى او حلويات المحرق المحرق ويمه بعد اظن بو يوسف بالنسبه للزلابيه اخذيها من المحرق عجيبه مالته ولاتغير

    اما بالنسبه للمخللات فبتلاقينها فمحلات الحلوى وفي جيان ولولو يعني اتوقع ان ارخص لج من المحلات الصغيره واذا تبين تاخذين كميه تقدرين تروحين محلهم حنا ناخذ مخللات الغادة زينه بعد ( مكانه يصير في عراد اخر الشارع اللي فيه المطاعم على يدج اليسار) يمكن يعطيج سعر اقل

    بالنسبه للماي اللقاح فاخذي مال مصنع الكامل أحسن وفيه اسعار له يعني عندج من 800 فلس وطالع وعنده شغلات ثانيه مثل ماي النعناع وماي السكري والحندبان والمرقدوش والطبيخه يعني واااااايد شغلات ونصيحه اخذي من المحلات مومن مصنعهم لن مايرخص وبتحصلينه في جيان او لولو او السوبر ماركت الثانيه ارخص من محلهم !! فانتي لين ييتي تسويقين مري البراده وشوفي سعر المخللات والماي لقاح وربعه بكم وكتبي دام انج فالمجمع وعقب مري شوق المحرق وقارني اي الارخص

    واذا بتاخذين من المحلات سأليهم اذا كميه بكم بيحسبها لن اذا بالدرزن او الكرتون يحسبونه لج ارخص

    كان ودي احط لج الصور بس يعني انتي رحتي المحل بشوفين كل الشغلات جدامج من رهش وحلوى ودرابيل ومتاي وزلابيه وسمبوسه حلوه مشويه ومقليه يعني اشكال وارناق

    وحياج الله فالبحرين يالغاليه

    اذا بغيتي تسألين عن شي مايردج الا لسانج

تابعي تجارب أخرى من هذا القسم.