اكيد وحدة منكم عندها نفس المشكلة !!!

السلام عليكم

شوفو حبيباتي مشكلتي ان حوض المطبخ او المجلى عندي رخام ابيض منقط باسود وبالرغم من اني انظفه باستمرار مع استخدام كلوركس وديتول والفرشاة الخشنة الا ان الاوساخ تتجمع في الزوايا والله قرفت من هالمشكلة ما ادري اذا عندكم افكار او حلول ؟؟؟؟ انا فكرت في تغيير الحوض بالكامل من الرخام الى ستانلس ستيل لكن المشكلة ان الحوض متصل برف كبير من الرخام ايضا والشقة اساسا ايجار وصاحبها ما يقبل نعمل فيها اي تغييرات .... اتمنى اللي عندها اي حل مبدع تقولي ولكم مني كل الود ..............

5 تعليق 789 مشاهدة

شاركي في النقاش

سجلي الدخول لإضافة تعليق.

التعليقات

5
  1. @ngm_alrfaaa

    عليكم السلام ورحمة الله وبركاته

    أنا ماعندي نفس الحوض ، بس أمي الله يخليها عندها نفسه ، وكانت تعاني من هالمشكلة ، بس بعدها توصلنا لحل وهو بعد الإنتهاء من الطبخ وغسل المواعين يرش الحوض بالقليل من خلطة (فيري+ديتول+كلوركس) وتركه لمدة 10 دقائق ثم فركه بأسفنجة ويرجع نظيف

    بالإضافة لعدم سكب الشاي والقهوة في الحوض أو أي شي سائل يطلع لون يطبع بالحوض
  2. @saayd_ana

    صاحبة الموضوع
    نجمة الرفاع
    عليكم السلام ورحمة الله وبركاته أنا ماعندي نفس الحوض ، بس أمي الله يخليها عندها نفسه ، وكانت تعاني من هالمشكلة ، بس بعدها توصلنا لحل وهو بعد الإنتهاء من الطبخ وغسل المواعين يرش الحوض بالقليل من خلطة (فيري+ديتول+كلوركس) وتركه لمدة 10 دقا…
    سلام عليكم

    نجمة الرفاع تسلمين عزيزتي على الاقتراح وفعلا ان الحوض ينظف بشكل مقبول بعد استخدام المنظفات مباشرة لكن المشكلة اللى زاعجتني هي ان الزوايا فيها فراغات وهذا هو المكان اللى تتجمع فيه الاوساخ على شكل خيوط سوداء اتمنى انكم فهمتو قصدي عاد انا ودي بطريقة اسكر فيها هالفتحات حتى اقضي على المشكله من جذورها .... شكرا جزيلا مقدما
  3. @aam_alhlo

    شوفي حبيبتي روحي لمحل المطابخ وقوليله مشكلتك اوكي ويمكن يعطيك معجون خاص وتحل المشكله

    لان هاذا ياقلبي رخام حساس مو اي لصق او معجون يناسب معه هاذي نصيحه

    مو تروحين وتحطين معجون من كيفك لان اذا حطيتيه راح يتجمع كل السواد عليه وتكوني في مشكلة تصيري في ثنتين

    ودعواتك لي بالقبول في الي في بالي
  4. @ngm_alrfaaa

    عمة الحلو
    شوفي حبيبتي روحي لمحل المطابخ وقوليله مشكلتك اوكي ويمكن يعطيك معجون خاص وتحل المشكله لان هاذا ياقلبي رخام حساس مو اي لصق او معجون يناسب معه هاذي نصيحه مو تروحين وتحطين معجون من كيفك لان اذا حطيتيه راح يتجمع كل السواد عليه وتكوني في مشكل…
    ايوه أختي الحين فهمت عليكِ ،، ومثل ماقلت أختي/ عمة الحلو للصق الفتحات أخذي المعجون الخاص من محلات المطابخ

    و محلات بيع الرخام والسيراميك عندهم بعد خلطة عجيبة هي بودرة تعجنينها بماء وتسدين فيها الفتحات اللي قلتي عنها وحتى بعد للرخام والسيرميك الأرضي ترجعه جديد
  5. @saayd_ana

    صاحبة الموضوع
    نجمة الرفاع
    ايوه أختي الحين فهمت عليكِ ،، ومثل ماقلت أختي/ عمة الحلو للصق الفتحات أخذي المعجون الخاص من محلات المطابخ و محلات بيع الرخام والسيراميك عندهم بعد خلطة عجيبة هي بودرة تعجنينها بماء وتسدين فيها الفتحات اللي قلتي عنها وحتى بعد للرخام والسي…
    الله يوفقك يا عمة الحلو وينولك اللي في بالك وكل خير ان شاء الله وانتي بعد يا نجمة الرفاع شكرا حبيباتي على النصيحة الحلوة اللي ان شاء الله بتريحني خصوصا ان اغلب الوقت اللي اقضية في المطبخ يكون عند هالحوض المزعج لكن ودي اسالك يا عمة الحلو ايش هالصور الحلوة اللي في توقيعك ؟؟؟ وشكرا مرة ثانية

تابعي تجارب أخرى من هذا القسم.