قصر عنق الرحم وعملية الربط

السلام عليكم ورحمة الله وبركاتةابا حد يفيدني عن عملية الربط وانا عمري ما سقطت بس ولدت ولادة مبكرة ،والدكتوره قالت لي العنق قصير لازم ربط بس العنق مسكر يعني لازم اسوي ولا لا انا خايفة من العملية.

7 تعليق 782 مشاهدة

شاركي في النقاش

سجلي الدخول لإضافة تعليق.

التعليقات

7
  1. @slsbyl77

    روح الغلا حبيبتي ترا انا نفس حالتك بس الفرق اني اجهضت في الاسبوع ال21 من الحمل واحتاج الى عملية ربط في حملي القادم انشالله الله يهل علي وعلى جميع امة محمد ....شوفي حبيبتي انا رادة في موضوع عن عملية الربط لاخت ام عبودي وراح احطه لك في الصفحة الاولى لاختصار الوقت والجهد ...وترا هذا من كتابي الطبي للحمل والولادة ...واي استفسار انا حاضرة ...............:26: :26:
  2. أختي روح الغالي أحب اطمنك إن العمليه مره سهله لأني سويتها العام الماضي وتم حملي الحمدلله وجبت أحلى بنوته وإذا تبين أقولك عنها بالتفصيل الممل أنا حاضره .
  3. @am_dona_1

    اختي توكلي على الله وسويهااا لاني راح اسويهااا بعد كم اسبوع بس عشان البيبي يهون كل شي:26:
  4. ماتستغرق العملية إلا 30 دقيققة تقريبا وتصحين بسرعة بعدها لأنهم مايكثروا عليك البنج ، وبعد ماتصحين تحسي بألم خفيف في أسفل البطن وينزل معك دم بسيط لمدة أربعة أيام تقريبا وهذا شيء طبيعي لاتخافي ،

    وأهم شيء الراحة التامة خاصة إلى الشهر السابع ،

    وحتى عملية فك الربط سهلة جدا لكنها بدون بنج وصراحة كانوا الناس مخوفيني منها وهي أشبه بفك اللولب وبعد الفك يخلونك ثلاث ساعات يتأكدون إنه مافيه طلق وبعدها يطلعونك ،

    ولما كنت رابطة كانت الدكتورة محذرتني من الإلتهاب لأنه لو جاك إلتهاب راح يفكون الربط علطول ، الله يبعد الشر عن كل المسلمين ، فنصيحة إهتمي بالنظافة حيل

    ونصحتني إني أشطف بشامبو جونسون للأطفال لأنه مافيه مواد كيماوية , واستعملت كلوتات يومية ، والله يوفقك .

تابعي تجارب أخرى من هذا القسم.