شاركي في النقاش

سجلي الدخول لإضافة تعليق.

التعليقات

16
  1. سلطة سهلة وحلوة ..

    مكرونة مسلوقة بماء وملح قليل ... ثم قطعي فلفل بارد ( اللون اللي متوفر ) .. وزيتون شرائح أخضر أو أسود او كلهم .. وخيار .. ونعناع مجفف أو سماق .. والصلصة عادي .. ليمون وزيت زيتون وملح .. وإذا عندك خردل حطي بطرف الملعقة ...
  2. اختي اعملي


    سلطة خضراء " تقطعي طماطم وخيار وبقدونس وعصري اشوية ليمونوقت التقديم "

    وسلطه حاره " تطحني فلفل وطماطم وفص ثوم وكزبره "

    واعملي سليق لحم ورز وصلى الله وبارك اذا كان نفسك حلوا باذن الله يشبعون ويدعون لك

    لاتخافين كثير بس نضمي وقتك وبسرعه تخلصين

    حطي فواكه وتمر مع القهوه "شفتي كيف الموضوع سهل :27:"

    بالتوفيق يارب
  3. @am_althrab

    حبيبتي جيبي اللحم وغسليه وحطيه بماي
    وجيبي بصل وقطعيه مربعات صغيرة وحطيه عليه كمون وقرفه وكزبرة ناشفه
    وهيل الكل ناعم وشوي طماط مقطع صغار وفركيه بيدج
    بعد مايغلي اللحم شيلي الفرة اللي تطلع فوق الماي
    وحطي خلطة البصل وتركيه على النار لغاية مايستوي اللحم وبعدين ضيفي الملح
    شيلي اللحم وشيلي شوي مرق تقريبا قد كاس
    وحطي بكاسة المرق بهارات عبارة عن ليمون اسود ناعم
    وكركم وكمون وكزبره ناشفه وهيل وشوي من بهار الكاري
    وادعكي فيه اللحم ودخليه الفرن ولعي النار عليه من فوق عشان يحمر
    حطي الرز على مرق اللحم بعد ماتغسلينه وتنقعينه
    وخليه يغلي لغاية مايتشرب المرقه (المرق يكون كميته مناسبه للرز وياليت
    ماتكثرين منه عشان تكون حبته نص مستويه لأنه بعدين راح تستوي على البخار)
    وطي النار في نفس الوقت سوي الكشنه
    تحمرين البصل وتحطين عليها البهار وتحمصين شويه صنوبر
    تغرفين الرز بعد مايستوي وتزينينه بالكشنه بعد ماتحطين عليه اللحم

    وشوفي حبيبتي هذي طريقه ثانيه اذا تحبين

    http://forum.hawaaworld.com/showthread.php?t=1428100
  4. @am_althrab



    والسلطة سوي فتوش أو سلطة الباذنجان لذيذة وغريبه
    طريقتها
    تجيبين البايركس وتفرشينه طبقه خس مفروم وفوقه ذرة وبعدها
    باذنجان مقطع مكعبات صغيرة ومغليه بالزيت وترشين عليها شوي فلفل اسود وملح
    تخلطين علبة روب وم3 ملاعق لبنه و3ملاعق مايونيز
    وتصبينهم على الباذنجان وترشين سماق وخبز محمص
    والحلى

    لاتحتاسين سوي السينبون سريع ولذيذ
    طريقته
    سويس رول الجاهز أو صمون أذا كان صمون قطعيه دوائر
    صفيه بصينيه ورشي عليه دارسين
    اخلطي علبة نستله ونص علبة قشطه و8حبات كيري
    وصبيه على السويس رول رشي طبقة من القرفه وعين الجمل مجروش
    اتركيه ربع ساعه قبل تدخلينه الفرن
    ادخليه الفرن بس عشان يتماسك شوي
    والله يساعدج ويساعدني وياج اليوم اطبخ غدا الحجاج
    ل40 شخص
    والله يساعد الجميع ويفرج عليهم

  5. @ghyghy

    ياحياتي الله يكون معااااك
    حاسة فيك
    طيب ممكن تجيبين احد يساعدك(جارتك او امك او اختك )وتتسهل اذا تعاونتو

تابعي تجارب أخرى من هذا القسم.