سؤال لعجينه السكر او marzipan أرجو الرد بسرعه

السلام عليكم خواتي
اليوم عندي عزيمه وبسوي كيك وفكرت اني احط عليه
من عجيمه السكر او يسمونها marzipan
ودورت عليها وفي كل المنتديات كاتبين ذا الطريقه
المقادير :
1كوب من اللوز المسلوق والمقشر الجاهز
2 بياض البيض
4/3-2 كوبين وثلاث ارباع الكوب سكر بودر (يفضل الايسينك شوكار الموجود بالبقالات الجاهز يكون انعم من البيتي )
2/1 نصف ملعقة فانيلا

الطريقة :

نخلط اللوز الى ان يصبح ناعما ثم نضيف بياض البيض ونخفق جيدا بعدها نبدء باضافة السكر البودر(الايسينك)
4/1 ربع كوب في كل مرة الى ان تنسجم المقادير مع بعض بعدها نضيف الفانيلا (اذا اردنا تجهيزه قبل الاستخدان يلف في بلاستيك ويترك في مكان بارد (الثلاجة مثلا) وقبل الاستخدام يخرج من الثلاجة ويترك الى ان يصيح بحرارة الغرفة ثم يستخدم )

طرييقة الفرد يتكون عادية زي المعجنات والاشياء الثانية

لتلوين المرزيبان يفضل عدم اضافة الالوان دفعة واحدة قليلا كل مرة لان المرزيبان ياخذ اللون المضاف بسرعة


وقت العمل على المزيبان يفضل تغطية القطعة التي لانعمل بها لكي لاتنشف وان حصل ونشفت تبلل بالقليل من الماء ليعطيها الليونة المطلوبة .

ســــــــؤالي هو
احين بياض البيض مانطبخه
لانهم ماقالو ينطبخ بس اذا مانطبخ البيض مضر
صح كلامي ولا لا
يعني ارجوكم اذا في وحده تعرف تقولي تشرحلي اوضح
ولاتقولي يبيعونها جاهزة درت كل البقالات والسوبرماركات وكل ماقلت لهم يقولون مافي
اصلا هم مو دارين انا ايش اقول
وعندي استفسار .... اذا في وحده سوتها قوليلي شلون طعمها
حلو ولا بااايخ
يلله ارجوكم بسرعه ابي الطريقه قبل العصر

بإنتظاركم

6 تعليق 763 مشاهدة

شاركي في النقاش

سجلي الدخول لإضافة تعليق.

التعليقات

6
  1. صاحبة الموضوع
    مشكورة كثير أختي moon lait
    والله يوفقك انتي والعفه
    والموضوع أكثر من رائع
    وانا خليته في المفضله عندي
    اي هاذي الطريقه العدله مو بياض البيض
    ومشكـــــــــــورة مره ثانيه

تابعي تجارب أخرى من هذا القسم.