شاركي في النقاش

سجلي الدخول لإضافة تعليق.

التعليقات

23

  3. @gmyl_alaarb_1

    المشاركة المقتبسة غير متاحة.

    شوفي حبيبتي أنا بقولك على قصتي وأبيك تدعين لي ولزوجي وبنتي وأهلي أن الله يوفقني ويرزقني ويخليلي أهلي وكل وحدة تدخل وتستفيد تدعيلي وهذا سر ماأحد يدري عنة غيركم والمقربين فقط أنا كان وزني 42 كيلو فقط يعني كنت نحيفة جدا وكنت متحطمة جدا وخاصة الوحدة في سن المراهقة تكون حساسة جدا وأنا بكل تواضع كنت حلوة بس مخربة علي النحافة حتى أذكر أن مدرسة الدين في المتوسطة **** يذكرها بالخير قالت يافلانة الحقيني بالدفاتر يوم نزلتها لها قالت تعالي وش فيك كذا نحيفة وراك ماتاكلين قلت الا أكل بس عجزت أسمن قالت روحي للدكتورة تعطيك فيتامينات ولا شي أنا طلعت من هنا وطقيت البكوة على طول ( مراهقة ) ورحت لبوي وقلت لة اليوم اليوم أبي فيتامينات وفاتح للشهية وراح شرالي الله يجزاة خير ومافية فايدة وبعدين ماغير أبكي عندة هو وأمي وراحوا وشرولي عسل مع أعشاب سعرة فوق الالف وخلصتة كلة ولا فية فايدة كل هذا في المتوسطة ويأست وسكتت لحد ماصرت في ثالث ثانوي راحت أمي لجارتنا وشافت بنات أختها عندها وكانوا نحاف وسمر وشعورهم ناشفة شافتهم أمي سامنت وبشرة و تضاريس ماشاء الله ..... وأزن على راس أمي الله يخليها لي لحد ماكلمت الجارة وسألتها قالت أنهم شروا أعشاب من عند حرمة تعالج في أسواق حجاب أسمها أم بندر وانهم أستفادوا منها مرة بعدين ترددت وتركتها ماأخذت منها وكنت أنبسط على جسمي في الكلية بس إذا صارت مناسبات ولا زواجات يضيق صدري من وزني بعدين سمعت حريم يتكلمون عن أم بندر ويمدحون أدويتها وقررت أني أروح وأشتري منها لاني طفشت من شكلي خاصة أني ماني أكولة ولا أشتهي الأكل مرة وأختي ماتاكل زيي ومع ذلك تسمن أذا أكلت شوكلاتة ولامعجنات دسمة وأنا مكانك سر .... أستخرت كم مرة بعدين رحت لها وأنا في ثالث كلية وشريت منها وحلفت لي أن ماعلية لا حبوب صينية ولاشي ممكن يضر وقالت أن بناتها أكلوة من 15 سنة وللحين أوزانهم ثابتة بس بشرط تاكلينة لمدة شهرين متواصلات قلت لها أخاف أسمن جدا وأنا أبي لي وزن معين قالت لة طريقة لازم تتبعينها علشان ماتنزلين / قالت لازم أول شي تاكلين ملعقتين في اليوم مع حليب أوعصير لمدة أسبوع بعدين 3 ملاعق في اليوم لحد ماتصيرين قريبة من الوزن المرغوب ........... ركزوا تصرين قريبة من الوزن .... موب تصيرين الوزن اللي تبينة بعدين ملعقتين في اليوم لمدة أسبوع بعدين ملعقة في اليوم لمدة أسبوع بعدين يوم تاكلين ويوم لا وشريتة يابنات وانفتحت شهيتي بشكل معقول ورحت وشريت معاه حبوب ماسيغور وانفتحت الشهية صح وشوي شوي بديت أسمن وأفتح والشعر صاCOLOR="Red"][FONT="Arial Black"]( أسألكم بالله تقولون ماشاء الله ) حتى البنات في الكلية صاروا يسألوني وأقولهم ماسويت شي .... موب نذالة بس أنا معي ثنتين من العائلة في الكلية غير بنت جيرانا وتعرفون كلامهم .... المهم صاروا البنات يقولون متزوجة ومخبية علينا .... محلوة وموردة أكيد أنة من العرس ..... المهم يابنات أنا قعدت بعدة سنتين مانحفت لحد ماأنخطبت وقرب العرس وصرت ماغير أفكر وذبحني الهم والحمدلله بعد الزواج وأنتها ء الرعب رجعت سمنت .......... زبدة الحكي الحرمة موجودة في مباسط النساء في أسواق حجاب في حي النسيم قريب من مصلى النساء وكانت تبيع كيس مليان يسمنك وزيادة ب 180 وكأني سمعت أنة بعد الأقبال علية صار سعرة 250 ( مواكبة لموضة رفع الأسعار ) .... في النهاية لاتنسون الدعاء والأستخارة ثم الأستخارة ..

تابعي تجارب أخرى من هذا القسم.