وش تسمون هالنمونه اللي عندي؟؟

صباح الخير

سالفتي باختصار اني ساكنه مع اهل زوجي

العيد الي فات عيدت عند اهلي

واخوات زوجي عيدو عند امهم

وحده من الشغالات حقات البنات جايبه معاها آلــة التوست عشان بزرانهم مع ان عندنا وحده زيها بس لازم هالحركات اللي مالها داعي
الموهم
الشغاله الذربه حقت اخته شغلت التوست وحطت السندوتشات ودخل معاها سلك الخلاط حقنا وذاب السلك وانقطع والحمدلله ستر الله

نجي للمهم

يوم جيت بعد العيد باسبوع علمتني ام زوجي وتخيلو تقول لي ليش ماتهاوشين الشغاله ؟ انا صرت كذا :confused:
ذي صادقه والا تمزح المشكله انها تبيني اهاوش شغالتنا حنا ياهل البيت موب شغالة بنتها مع انها هي اللي احرقت السلك وشغالتي مالها يد في شي
وهاوشو شغالتي وعطوها من الكلام وانتي ماتشوفين ومانتبهتي و و الخ وهي مالها دخل

وانا يوم جيت تقول لي هاوشيها وفهميها وانتي مامشيتيها على الصراط المستقيم

انفقت كبدي بصراتحة من هالاشكال
قلت الحين حتى وانا برا البيت تحاسبوني؟؟ حتى وانا مانيب عندكم ولا لي دخل ؟؟
ضحكت وتفشلت وسكتت

الشغاله انا وزوجي نستقدمها وندفع راتبها وهي لهم وتخدمهم ومستحيل اذا سافرنا ناخذها او اخذها انا لاهلي
ارحم ام زوجي واخليها عندها
ومع ذلك حاقده على الشغاله مع انها اجوديه وحليله ولا تبيها تشغل مكيف على الحار ولا عندها دفايه بذا البرد
و وشوله تشترون لها اندومي خلوها تاكل من اكلنا
والله ان الشغاله تحلف اذا سافرنا ماتلقى شي تاكله لاخبز ولاصامولي
شغالاتي مايكملون سنة عندي يبون يروحون واشك السبب منها احس انهم يخربون علي مدري ليه؟

ياناس تعبت منهم وودي افضفض لكم لاني ماحب اقول لامي هالكلام وتشيل بقلبها على ام زوجي انا مابي المشاكل
بس هم شافوني هاديه وماحب المشاكل واستقوو

علموني كيف اتفاهم معهم واوقفهم عند حدهم؟

23 تعليق 3,377 مشاهدة

شاركي في النقاش

سجلي الدخول لإضافة تعليق.

التعليقات

21
  1. @loly_hanm

    كان قلتي لعمتك ان شغاله بنتها هي السبب...

    المهم راح إللي راح بس حاولي إذا خوات زوجك بيجون وانتي بتروحين لأهلك خذيها معاك...

    وحرام عليهم يخلونها بدون اكل ولو ما قدرتي تاخذينها لاتسافرين إلا وانتي مقضيتلها إللي يكفيها من الاكل...

    وتري الحريم الكبار اسلوبهم جاف مع الشغالات ولازم الواحد يتحملهم...
  2. @aankaaa_alryad

    شغالتك في ذمتك
    ان جاعت والابردت في ذمتك انتي
    اذا صرتي عند ناس ماترحم خلاص ؟
    لااشتري لها دفايه واكليها وان جوا بناتها وشغاغيلهم خذيها معك
    بينفعك احد لين هجت ؟
    اوكي ماقلنا شي تخدم ام زوجك عالعين والراس لوبحاجتها موبحاجتها خلاص ليش بناتها ماخلوا شغالاتهم عند اهل ازواجهم ؟
    والايعني حلال عليهم وحرام عليك يابنت الناس
    بالعقل مشكله صارت والمتسبب فيها شغاله بنتها شدخل ام ام شغالتك تخاصمينها
    هذا هم سبحان الله مايبونن الخير لبنات الناس
    نفس حركات التطفيش شفتها مع شغالاتي
    مع ان عندهم اربع بس نحاسه فيني شغالاتي هم السيئات والله فضحهم اللهم لك الحمد ماكشفهم وكشف خرابهم غير شغالاتي والحين بينهبلون ليه خداماتي لهم سنين عندي مايروحون وهم كل ماجاهم احد شهر شهرين الاهجوا
    من المعامله السيئة الله لايجعلنا شامتين
    اذا وليتم احد ارحموه
    تبون تجوعونهم وتهينونهم ويقعدون عندكم
    كذبوا علي شغالاتي وانقلب السحر على الساحر
    مابي اخلط الامور وانفلت بمشاكلي
    لكن شغالتك اوكي لاتبخلين بها على ام زوجك طالما بحاجتها لكن موبحاجتها لا
    ولاتظلمينها حرام عليك
    وان هربدت عليك الله يهديها قولي ان شاء الله ان شاء الله
    ودخلي من هنا وطلعي من هناك
  3. @thkryaty_aagybh

    صاحبة الموضوع
    والله انكم صادقين

    والله العظيم يابنات مافكرت اهاوش شغالتي بالعقل هي وش ذنبها

    اصلا هم يهاوشوني انا قبلها هذا وانا عند اهلي

    اقسم لكم بالله يابنات انها تقول روحي حولي المكيف على البارد عشان ماتفكر تشغله وطنشت
    حرااااااااااااام والله حراااااااااام احس راسي بينفجر من كثرة التفكير
  4. والله شوفي
    قولي لام زوجك بالحسنى اذا قالت لك ليش تشترون لها
    ان شغالاتي كلهن يروحن ماكملن السنه عندي وهذا انا محتاجتها اذا ضغطنا عليها في كل صغيره وكبيره ملت وطارت من عندي قولي هماه عند الاكل والتدفئه بكيفها ولاكل شوي خسرانين فلوس عشان نقدم على ثانيه
  5. @baby_hard

    نصيحه اذا بتروحين لأي مكان خذيها معااااك لا تخلينها ..

    واذا البنات حنّوا على امهم يا يجيبون لها شغاله يا يرسلون شغالاتهم
    الله لايهينهم ..

    هذي شغالتك جايه تخدمك وتخدم عيالك ..

    ولا تنسين اذا تبين تخلينها ما تآخذينها حطي كل شي عندها
    الاندومي واي اكل تحبه اشتري لها كرتون ..

تابعي تجارب أخرى من هذا القسم.