شرايكم في هالقرار ؟؟؟؟؟

السلام عليكم ,,,
يا بنات أنا ودي استشيركم في قرار اتخذته وهو عدم الحمل لمدة 4 سنوات
لاني حاليا ادرس في الجامعة وصعب جدا جدا اني اوفق بين دراستي والبيبي
انا ولله الحمد عندي بنتين الله يحفظهم قولوا آمين الكبيرة 6 سنوات والصغيرة 3 سنوات

هل تعتقدون ان قراري صائب ؟؟
وشو الطرق اللي ممكن استخدمها طول هالفترة بأمان وبدون مشاكل ؟؟
وهل بعد فترة توقف عن الحمل لمدة 7 سنوات يقلل من فرص الحمل ؟؟؟

ارجوكم محتاجة اجابة شافية الله يجزاكم خير ..

5 تعليق 762 مشاهدة

شاركي في النقاش

سجلي الدخول لإضافة تعليق.

التعليقات

5
  1. @aatab_alsnyn

    اول شيء الله يحميلك عصفورتينك

    ثاني شيء انتي ادرى بقدراتك ان كنتي توفقي بين البيت والاطفال والجامعه

    النقطه الثانيه استخيري الله

    وان حسيتي مرتاحه لقرارك ركبي لولب

    وعلى فكره اهم شيء تنتبهين لعمرك .... يعني كم عمرك الان ان كنتي بالعشرينات مو مشكله لكن بالثلاثين او لكي بال 34 او او انا انصحكي تحملي

    وجهة نظر ...

    واولا واخير الله يكتبلك الصالح والخير كله....:26:
  2. @ordh_alnrgs

    با النسبه لى بس حبت اقول الله يخليلك بناتك

    لاننى محرومه من الاطفال احس ان الوحده لازم تجيب كل سنه طفل ممكن من الحرمان ولاننى لم اجرب الاطفال

    الله يرزقنى وجميع المحرومات والله يحفظلك احلى بنوتات:27: :27: :26:
  3. انا لو مكانك ما اجيب الا لما اخلص جامعه خصوصا الحمدلله عندك 2 او على الاقل احمل في السنه الاخيرة واولد اذا خلصت اذا كان حملك سهل مو محتاج ترقيد وتعب
    والطريقه اللولب اتصور افضل شي لكن اسالي الخبيرات احسن

    انا عندي ولد واحد ومركبه لولب
  4. عزيزتي :امرأه من الخيال انا عندي نفس مشكلتك لكن اش نسوي لا زم نستخدم مانع لفتره لاتقل عن ثلاث سنوات انا بالنسبه لي ماافكر في اللولب نهائيا لانه فيه احتمال حدوث حمل واحتمال الحمل بمشاكل كمان غير انه ممكن يناسب وممكن لأ.....
    وبالنسبه للطرق الاخرى فهي اما حبوب او موانع طبيعيه وكمان حسب زوجك اذا ممكن يساعدك لانه فيه موانع تخص الرجال ....الله يوفقك في التوفيق بينهم ولاتحملي هم حبيبتي لانه لواستخدمت اي مانع كان وكتب ربي تحملي راح تحملي فااتكلي على الله وحده,,,,,,,,,,,,,,,,,,,,,,,,,,,تحياتي:27:
  5. صاحبة الموضوع
    عتاب السنين
    مشكورة حبيبة قلبي على مرورك
    وانا بصراحة احس روحي ما اقدر اوفق بين الجامعة والاطفال
    وانا مستحيل أركب لولب لاني اخاف من فكرته اصلا
    وانا الحين عمري 25 سنة

    وردة النرجس
    الف شكر يا الغلا على مرورك
    والله يرزقك ان شاء الله بالذرية الصالحة اللي تسعدك
    وتفرح قلبك وتملي عليك دنيتك >> آمين يا رب العالمين

    سوسة المجنونة
    مثل ما قلت انا اخاف اركب لولب وما فكر فيه اصلا
    وانا فعلا اتعب وايد في الحمل
    ومشكورة على مرورك والله يحفظ لك ولدك

    صدى الوجدان
    الف شكر حبوبة على مرورك
    والله يساعدنا ويوفقنا إن شاء الله بس مثل ما تعرفين الرجال
    ما يحبون أو يتضايقون من استخدام الموانع
    وبالاخير فعلا اللي الله كاتبه راح يصير


    ولــــــــــــــــــــــــــــــــــكن
    محد جاوبني : وهل بعد فترة توقف عن الحمل لمدة 7 سنوات يقلل من فرص الحمل ؟؟؟

تابعي تجارب أخرى من هذا القسم.