تعالوا اقول لكم تجربتي

كنت من فتره شكيت لكم اني اكره الاجازات من الدوشه الي اشوفها من عيالي والحوسه وانا بدون شغاله:mad:
لكن سألت العديد من الاخوات عن الطريقه المناسبه مع اولادي في ها الفتره
وبفضل الله نجحت معي طريقتين:27:
الاولى...... اني رحت محلات الريالين وشريت منها أشياء مناسبه للبنات وأخرى للأولاد........ مثلا للبنات اخذت خرز ملون يصنعون منه اكسسوارات،وطارة خياطه مع ابر اطفال،وورق ملون ومقصات،واشياء بالمره روعه وتشغلهم لفتره طويله عبال ما انهي شغلي ،وكمان في طريقه روووعه والي هي حمام سباحه برغوه والعاب في البانيو.........الخ
اما الاولاد تمهيدي وأولى علمتهم على العاب في الكمبيوترللاطفال......... وميزة الالعاب في النت انها متنوعه يعني الطفل ما يطفش من اللعب واحاول اكثر شئ انها تكون العاب تعليميه

اما الثانيه.......اني عشان يحافظون على نظافة البيت في فترة غيابي او نومي اجمعهم"هااااااابس لاتظنون انهم قطيع هههههه" وأخيرهم و ين يبون يروحون نهاية الاسبوع وأخليهم يتناقشون ويختارون وإذا اختاروا المكان مليت عليهم شروطي في البيت وان ما استجابوا ابطل عليهم واكون صارمه في كلامي لاجل ما يستهترون.واكون حريصه انه الرحله تكون ممتعه عشان يكون في حماس للمره الجايه واستجابه اكثر
وأما بالنسبه لشغلي جبت شغاله بالساعه تجيني مرتين في الاسبوع تسويلي بعض الشغلات المتعبه وبهذي الطريقه الحمد لله ما احتاج شغاله
وبفضل من الله اشعر ان حياتي استقرت ونفسيتي ارتاحت ما شاء الله لاقوة الا بالله وهذا من رحمة ربي والدعاء
اسأل الله ان يكفينا بحلاله عن حرامه وان لا يجعل الدنيا اكبر همنا ولا مبلغ علمنا
ربنا آتنا في الدنيا حسنه وفي الآخرة حسنه وقنا عذاب النار