عذاب الضمير اثقل كاهلى بلا جدوى او اصلاح لحالي؟

الله يشفيك ويعافيك ويحنن قلبك على عيالك
عزيزتي لا تهملين نفسك وحاولي تبدين بالعلاج واكثري من الدعاء

:( الله يشفيك ويحنن قلبك على عيالك ياررررررب يارارحم الارحمين

شوفي اختي انا قليل ما اكتب او ارد واكتفي عادة بالدعاء لصاحبه الموضوع بس اسالك بالله ان تتمعنين في ردي اولا واضح انك صاحبة ضمير حي هو اللي وقفك وخلاك تتكتبين هالموضوع اللي يحتاج لشجاعة في كتابته عشان كذا انا مستبشره خير ان اللي بقوله بيلقى اذن صاغيه اختي اذكري ان اطفالك مو ملكك لكنهم ملك لله هو اللي عطاك اياهم امانة وقادر ياخذهم خصوصا انك ما رعيتي الامانه ثانيا 90% من نفسية الطفل وافكاره تنشئ في السنوات السبع الاولى وتظل معه العمر كله عشان كذا انصحك تتوبين من اليوم وتبادرين بخلق ذكريات حلوة معهم لعلها تشفع لك عندهم اذا كبروا او تنسيهم اللي مروا فيه اختي انا اناشد ضميرك الحي اللي خلاك تكتبين وتطلبين النصيحه انك تتقين الله فيهم وتحسنين لهم يقول لك الاحسان هو ان تعبد الله كأنك تراه فان لو تكن تراه فأنه يراك ياختي اول شي لازم تسوينه انك تستوعبين رعب الاطفال وخوفهم منك راح يخلق فجوه كبيره بينك وبينهم لا وبيسبب امراض وعقد نفسيه تستمر معهم مدى الحياه والاخطر انهم يكبرون نسخه منك يتعاملون مع عيالهم واصحابهم واخوانهم بنفس الاسلوب لان هذا الاسلوب الوحيد اللي يعرفونه ياقلبي انتي ابدي من اليوم وبقلب خالص ادعي الله خاطبيه اشكي له اللي فيك والله ان صدقت نيتك لينصرك الله وتذكري "ان الله لا يغير ما بقوم حتى يغيروا ما بانفسهم" و والله وانا اختك اني نشأت طفولة بائسة جدا والحمدلله والان مابيني وبين امي اي علاقه وعلاقتي باخواتي مهزوزه جدا ثلاثه منهم دخلوا الصحه النفسيه والمشكلة ما اقدر الوم امي لانها نفسها ماتعي حالتها اختي انصحك تداركي الوضع ترى الوضع اخطر مما تتخيلين

الأخوات الكريمات ....اسأل الله لي ولكم ولذرياتنا البر والتقوى وجعل الله وقفتكن معي في ميزان حسناتكن انه ولي ذلك والقادر عليه.........وبالنسبه للأخت غدا أجمل جزاك الله خير استلمت الرقم ما قصرتي الله يوفقك ويجعل لك من كل ضيق فرجاويبارك لك في أعمالك وجميع الأخوات المشاركات..........أختي أحلى بنت في العالم أولادي ماشاء الله في أعمار نعم تدرك ذلك فهم ليسو صغارا اضافة الى كوني اهددهم بأن دعواتي عليهم مستجابه لتخويفهم لكن لا أقول الا اللهم من ارادنا واراد المسلمين بضر فأشغله بنفسه........
الأخت الحبيبه ماربيل.........كلماتك لها وقع في نفسي وأملي بالله رب العالمين أن يتجاوز عني بارك الله فيك .....اسأل الله تعالى أن يجعلنا على أنفسنا من القادرين آمين.

لا أملك لك إلا الدعاء.......أقر الله عينك بصلاح أبناؤك وبرهم وشرفهم الله بهم مجالسك في الأرض ورفع بهم ذكرك في السماء..............آآآآآآآآآآآآآآمين
ولا تحرميني من الدعاء لي....