حبيباتي واخواتي 00السلام عليكم ورحمة الله00
انا عندي سؤال يعني لي الكثير الكثير واسئل الله لكل من تتفاعل معي ان الله يفرج عنه كرب الدنيا والاخره00
عندي بنت عمرها خمس سنوات وتسعه شهور متاخره في الطول عن كل اصحابها وقريباتها00بصراحه انا طولي معقول بس عماتها اغلبهم قصار واخاف تجي مثلهم فيه وحده عندها علاج وهل احد سمع عن ابرة مستشفى فقيه الي للطول والله راحمتها تعرفون قلب الام الله ينولكم مبتغاكم ياااااااااااااارب؟؟
شاركي في النقاش
سجلي الدخول لإضافة تعليق.
التعليقات
14- اضم صوتي لصوتك
- وعليكم السلام ورحمة الله وبركاته
لا تحتارين حبيبتي ولا تخجلين كلنا اخوات ومشتركين علشان نساعد بعض وان شاءالله ماراح يقصرون كل الاخوات
والله ماعندي فكره عن الابر اللي تسألين عنها .. ان شاءالله البنات يفيدونك
بس حبيت اقول لك شي : انا ام وعارفه احساس الام وكيف تبي بنتها تكون اجمل بنت وماتحس انها ناقصه عن اي بنت ثانيه
تبين بنتك تكون كامله (والكامل وجه الله) .. ماتبين شي يكدر عليها ولا يضيق صدرها
واكيد انك ماتقصرين باي شي معها .. بس لو كان شي مو بيدك ولا بيدها .. شي من رب العالمين .. وقتها كل اللي نقدر عليه:
اولا نحمد الله ان البنت بصحة وعافية .. تشوف وتسمع وتمشي وتتكلم
ثانيا ندعي الله ان يشرح صدرها ولا يشغل هالموضوع بالها ويضيق صدرها
ثالثا ندعي ان الله يعوضها عن اي شي ناقصها
رابعا انك تحاولين ماتحسسنها ان هالشي ممكن يكون عقده بالعكس حاولي دايما تعززين ثقتها بنفسها .. دايم امدحي ادبها وشطارتها
امدحيها حتى قدام صاحبتها وقريباتها.. لاتلمحين لها ابدا عن طولها وحتى لو فتحت هي الموضوع فهميها ان هالشي مو عيب وان فيها
صفات خلقيه وخلقيه تتمناها كل ام في بنتها
لو مانفع العلاج الطبي .. صدقيني العلاج النفسي بيد الام ...
الله يخليها لك وتشوفينها عروسه يارب - الف الف شكر على اهتمامكم الله يحقق كل امانيكم
- لاتحكمين عليها الان هي الان بطور النمو نمو العظام مايوقف الا بسن 18 سنه
فيه ناس يكونون قصار ومايفزون ويطولون الا بسن المراهقه ويصيرون عمالقه بعد - اللي اعرفه انه البروتين يساعد كثير في النمو ..زي البيض والحليب واللحم والعدس ...الخ كثريلها منه في اكلها ..
وكمان في لعبة تزيد في الطول ...توجد احيانا في الحدائق ..تكون عبارة عن عصاية يتعلق فيها الطفل ..بس ما ادري بنتك في هذا السن تقدر لها ولا لأ ..ممكن تثبتي عندك في البيت خشبة بين جدارين وتخليها تلعب فيها وتتعلق فيها ..وان شاء الله تجيب نتيجة بس انتبهي اهم شئ ما تكون خطرة على بنتك ..يعني مثلا تحطي تحتها اسفنج عان اذا طاحت ما تتعور وكمان ما تكون الخشبة مرة عالية وممكن تستني الين تكبر البنت شوي اذا خايفة عليها ..
مواضيع مشابهة
تابعي تجارب أخرى من هذا القسم.