تكفون تدخلون .. أختكم بحاجة لكم ..

بسم الله الرحمن الرحيم

حبيت اقولكم عن مشكلتي ... عسى تخففون علي الالم وتشيرون علي .. الله يجزاكم خير ..


انا عمري 17 وداخله بالـ 18 وحاليآ ادرس أهم سنة ( ثالث ثانوي ) وزي ماتعرفون يبغالها مجموع وشدة حيل
طبيعي أي بنت أو أي شخص بعمري تحصل له مشاكل ومواقف في الحياة ويبي من يوقف بجنبه وياخذ بيده ويرشده على الطريقة اللي يتصرف بها تجاه هذي المواقف .. انا تحصل لي مواقف وماالقى من يرشدني والله أحس اني ضايعه لما يحصل لي شي مااعرف وش اسوي .. او اذا عندي مشكله ماعندي احد افضفض له واشتكيله ... اهلي ومااحب اشتكيلهم لانهم احيانا هم سبب المشاكل اللي اعاني منها يعني تخيلوا شخص يخطي في حقك ويبهذلك وتروحين تشكيله وتفضفضين له !! الشي الثاني انه حتى لو كانت المشكلة خارج نطاق العائلة اجي افضفض لأختي مثلا واطلع اللي في خاطري لها .. وترد علي بكلام قليييل من جد احس لو مافضفضتلها ووفرت التعب والدموع يكون احسن .. لو تقولون كل عائلتك كذا ؟ اقول ايوه لان كل واحد في اهلي عنده مايكفيه من الهموم واصلآ هم يبغالهم من يواسيهم ويعالجهم استغفر الله .. فكأن لو رحتلهم وشكيتلهم ( باب النجار مخلوع) مااستفدت شي .. واحيانا احس مابيننا فضفضه وهالاشياء .. كل واحد يكبت اللي في خاطره .. يمكن وحده بس من اخواتي اللي احس انها اهون وحده في العائله اقدر اشتكيلها وافضفضلها .. لكن آآآه .. كل ماقلتلها عن مشكله وفضفضتلها وجلست تواسيني ارجع بعدين واندم اني قلتلها عن المشكلة !! احس اني اهنت نفسي شوي أو على قولتهم الشكوى لغير الله مذلة .. و ماتهون علي نفسي وتعز علي .. وبرضوه لو شكيت وفضفضت لصديقاتي وواسوني وخففوا عني ارتاح شوي .. وارجع بعد فتره اتضايق لاني ماابي احس اني اقل من غيري او ينظرون لي نظرات رحمة وشفقة وااااو مااقبل ابدا هذا الشي ..فما الآقي غير هذا الكبت وماادراك ماالكبت ..
ااااه نفسي يابنات على احد يرشدني ويساندني ويعلمني وش الناس فيه .. وطبعآ امي وابوي كبار بالسن ومافي أي حوار مشترك والاخوان كلن لاهي بأشغاله ..تخليوا هذي الايام والله كأني منبوذه في البيت محد يكلمني ولا شي ولو تدرون السبب .. تافه جدا واصلا لو جينا ع الحق انا مااخطيت على احد وكامل الحق لي .. << وطبعآ تعرفون انا مريضه هالايام يعني المريض يبغاله من يواسيه ويخفف عليه والرسول صلى الله عليه وسلم اوصى بأن نعده .. كل هذا لانه يحس بشي من الضيقه ( ضيقة المرض) وهذولي يمارسون معاي انواع القمع والقرف الله ياخذهم .. استغفر الله .... والله هذي الايام مررره بصراحه اللي ييسر ويعين يارب .. واللي زاد الطين بلة ان علي اختبارات واحيانا مواد صعبة .. كلها تجمعت من جميع النواحي .... أحيانا اقول اهلي ابدا مو هم الناس اللي المفروض يرشدوني ويعلموني والله يابنات كل واحد عنده افكار وفرضيات ماادري من وين جات ويحلل على نفسه مثلا ويحرم على غيره .. نفسي اعيش مع ناس مثاليين تربويين يفكرون صح يتعاملون صح ..

ياليت انهم يقدرون المرحلة العمريه الحرجه اللي امر فيها .. والله بالعكس جالسين يعذبوني .. وعلى فكره اختي الكبيره سبق واشتكيتلها عن اني حساسه واعاني في هالعمر ... يعني تعرف اني اعيش اضطرابات المراهقه .. وفي اوجها بعد لكن اقسم بالله يابنات انها هالايام جالسه تهينني وتتصرف معاي تصرفات زي وجهها وماادري وش السبب.. لكن حسبي الله ونعم الوكيل....
ااه ماتتصورون كيف شعوري لو صفرت المدرسه وانتهى الدواام اتمنى اني اجلس في المدرسه حتى لو اموت فيها ماعندي مشكله اهم شي ماارجع للبيت . ااه اشوف الناس اللي من حولي وصديقاتي يعيشون هالعمر( عمر الزهور) ويستمتعون فيه ويعطونه حقه ويسولفون ويضحكون وكل وحده تققوول يالله .. متى تصفر ابي ارجع البيت والثانيه تقول .. متى الاجازت تجي وانا اقول يارب سترك .. من جد كل وحده تستانس في البيت وفي المدرسه اما انا والله لو تقولون عني اني وصلت لخريف العمر المبكر ...... والله اني ارحم نفسي رحمممة مو طبيعيه .. بصراحة انا لو قلت اني ماابي الاجازات تجي كذبت عليكم لاني اهج من العائله الحلوه واروح عند بنات عمي وبنات خالاتي وافلها معاهم شوي .. واذا جات المدرسه احس ان موتي قرب اعرف اني بارجع للبيت الحلو .. وطبعا مااقدر اششتكي لبنات عمي وبنات خالاتي للاسباب اللي سبق وذكرتها وطبعا جربت مره واشتكيتلهم .. وبرضوه احس مافي نصح وتفكير ناضج وعقلانيه كل وحده تعطيني حلول مناسبة لعمرها ( المراهقه ) يعني ماتنفع ابدا.. ولو طبقتها كان جتني مشاكل الى الليل ..

جزاكم الله كل خير لاتبخلون بالرد حتى لو كان يسير..

7 تعليق 642 مشاهدة

شاركي في النقاش

سجلي الدخول لإضافة تعليق.

التعليقات

7
  1. @almnhaoyh

    يا اختي هذا انتي جبتي مربط الفرس
    انتي حساسه ويمكن صار عندك نوع من الوحده بسببها
    ولا كل البيوت عايشه مثلك كلهم لهم هموم ومشاكلهم
    لكن لا تتركين الحساسيه تتغلب على حياتك وتصدقين انك محرومه من اللي يسمعك
    هي فتره وتعدي
    لاتشغلين بالك كثير
    وذا محتاجه تسولفين وتفضفضين اعتبريني صديقتك وراح افيد واسمعك واعينك باذن الله
    لايردك الا الكيبورد
  2. @kmr51

    ياقلبي دئماً اشكي ربك لانه هو سبحانه عارف ما في داخلك (البذكرالله تطمئن القلوب)واي مشكله تمري فيه اكتبي الى البنات اكيد البنات ماراح يقصرو انا استفدات من المنتداء كثير حتى في حياتي الخاص
  3. @fgr2007

    هلا اختي يقين الهدى والله اني حاسه فيك لانه تقريبا حالتي مثلك بس انا اكبر منك
    تدرين عيبنا وشو اننا حساسين بزياده ونتاثر با الي حولنا ونهتم فيهم وفي نفسياتهم وبا المقابل
    لا نجد من يهتم بنا وبنفسيتنا
    انا راح اقوللك وشلون ممشيه حياتي ممكن اكون غلط وممكن اكون صح بس الان صار لي مكان غير اول
    انا عن نفسي حاولت استغني عن الناس قويت صلتي بربي بديت اثقف نفسي وتر للجامعه اثر كبير في حياتي
    معد اشتكي لاي احد لا اخوات ولا اقارب ولا غيرهم اشتكي لربي واحيانا لامي
    طورت نفسي من جميع الجهات الثقافه والكشخه والسنع والطبخ
    قللت من كلامي وهو اصلا قليل احس صارتلي هيبه عند الكل ...
    ابادر بمساعدت من يحتاج من اخواتي باي شي مشوره او مساعده بدو انتضار مقابل فصارو يحترموني اكثر
    اذا احد قهرني اوا ستفزني ا اعطيه نظره واحيانا ارد وغالبا اسفهه وما اعطي وجه

    شوفي انا احس اني مكبوته مثلك بس اهم شي عندي كرامتي
    تصدقين اني ما اعرف اتشكى لاحد حتى في المنتدى شي داخلي يمنعني واذا اشتكيت اتحسف واقول ياليتني ما قلت شي

    الله يعيننا بس
  4. @foooofo_2

    كان الله في عونك [/COLOR]بس احس انك حساسة بزيادة (طنش تنعش تنتعش ). :p
    خليك قريبة من الله اكثر تحسي بسعادة وتنسي الهموم......:27:
    اكثري من الدعاء والصلاة اخر الليل والاستغفار .......... :time:
    واذا ولابد والفضفضة امسكي والورقة والقلم ........ لعلة يكون تنفيس
  5. @shryf_nony

    حبيتي وسعي صدرك انا هل المرحله ما عشيها ابد كانت امي

    مشغلتني بزوجه وعياله وشغل البيت كله ع راسي

    ولا ضرني بالعكس هذا انا في بيت زوجي وعيالي الله يخليهم لي

    ودايم احب اتابع افلام المرحله الثانويه ويضحك زوجي ويقول لاعيالي امكم

    تراهق ولا علي من احد اعيش حياتي

    حبيبتي طنشي

تابعي تجارب أخرى من هذا القسم.