الرجاءعلى الجميع الدخول>>محتااجتكم

السلام عليكم ورحمة الله وبركاته

كيفكم صبايا ... انا بصراااحه متضايقه بفضفض لكم
راح اخش في الموضوع على طول

وحده من صديقاتي عزيزه علي بداية صداقتنا من سنتين تقريبا او اكثر السنه هذي ومن اجازة الصيف احسها متغيره علي يعني اتصالاتها قلت مو زي اول لدرجة انها احيانا ماتتصل ابدا الا اذا انا اتصلت عليها واذا سالتها تقول انه ما عندها رصيد >>في هذي قلت ما عليه اكيد انها صادقه>>ومع الايام ولما بدت السنه هذي ما صارت تتكلم معاي ولا تجلس معاي زي اول والكل لاحظ ذا الشي صارت مع وحده ثانيه من زميلاتي والكل متعود اننا مع بعض دائما
قلت خليني اسألها يمكن صدر مني شي مزعلها المهم سالتها قلت لها وش فيك متغيره وما انتي زي اول قالت لي ابد ا انا مافيني شي لكن انا في الكليه ما عندنا وقت عشان نجلس مع بعض وتعذرت بأن جدولنا مضغوط للاخر قلت طيب ماعليه ....وعلى ذا الحال لكن اذا بغت لها شي تعرف تتصل علي وهذا اللي قاهرني>> احسها مصادقتني عشان مصلحه >>...
بعدين قلت يمكن انا دقيقه بزياده عن اللزوم واتعوذ من الشيطان المهم في اجازة الحج تملكت :icon28:وقبل الملكه اول وحده بلغتها من صديقاتي عن موعد ملكتي كانت هي ....المهم جاء العيد وانا كنت مشغوله في تجهيز الملكه فارسلت لها رسالة معايده بالعيد ....وانتظر انها تتصل او ترسل تعايد او تشوف وش سويت في ملكتي وتبارك لي لكن انا انصدمت منها لانه كل صديقاتي لما دروا عن الملكه كلهم اتصلوا وباركوا لي الا هي .....

المهم قلت اكيد انها تعبانه واسال عنها يقولون لي انها طيبه وبخير ..قلت الحمد لله ....اكيد انه ما عندها رصيد ....لكن فيه رسايل فضلا اتصل بي>>>يعني مالها عذر ابدا

انا زعلت منها بالمره ....المهم اول يوم في الدوامات بعد الاجازه اتصلت علي وكنت تعبانه قلت مابي اكلمها ....واليوم الثاني نفس الشي اتصلت علي وكنت نايمه وكلمتها قالت لي انا اشتقت لك قلت لها باين انك اشتقتي لي وما اعطيتها وجه وقالت انا اكلمك بعدين ....ولما تقابلنا في الكليه انا ماقدرت اطالع فيها احس اني مجروحه منها وسلمت علي وسلمت عليها سلام بارد ...ولا باركت لي ولا سألت وش صار وش ماصار ابدا ..

المهم اني انا عصبت منها زياده وارسلت لها رسالة عتاب قويه قلت ربها تحس جاء اليوم الثاني قامت تتكلم قدام صديقاتي كلهم تدق بالكلام وتقول انكم انتم ما تسالوون واني اذا ابطيت عنكم ما تقولون وش فيها وما تقدرون الظروف ومن ذا الكلام ....لكن انا بصراحه ارتحت من يوم اني ارسلت الرساله


يابنااات انا داريه اني كثرت الكلام عليكم لكن انا احس اني مقهوره منها لدرجة اني صرت اتندم على كل دقيقه جلستها معها .....

يابنات انا ما كتبت لكم الا لاني ابي رايكم ومشورتكم المشكله انه احنا شلة بنات مع بعض انا ذا الحين صرت ما احب المكان اللي تجلس هي فيه .....وهي الى الان ومن بعد الرساله اذا احتاجت شي ناقصها في المحاضرات تتصل فيني وانا ارد عليها واساعدها ....لكن قولوا لي انا وش اسوي معها هي لو انها اعتذرت مني وقالت لي ظروفها كان صح راح اسامحها لكن لا حياة لمن تنادي ....انا اقول اللي يبيعك بيعه >>لكن ما ادري احس ما تهون علي >>>

قولوا لي وش السوااااة يابنات ...انا محتاااره معها

7 تعليق 663 مشاهدة

شاركي في النقاش

سجلي الدخول لإضافة تعليق.

التعليقات

7
  1. @alakhoat_althlath

    يعني وشو توقف العالم عليها
    والله والله وحده مو من خواتي ولاأمي
    فلا يجرحني هجرها او كلامها
    وحده من الناس وغيرها كثييييييييييير
    اذا جت هلا ومرحبا واذا تبي الهجر مع السلامه
    اذا ماعزيتي نفسك محد عازك
  2. @blyar

    يا اختي الغاليه مالك الا المصارحه اجلسي انت وياها وصارحيها بكل شي
    والله ماضيعنا اللى اسكوت والمجاملات
    الرساله ماتكفي انا فقدت صديقه توزن ذهب بسبب عدم المصارحه منها ومني
    ولله يوفقكم
  3. @gtgtttogtgt

    صاحبة الموضوع
    بليار
    يا اختي الغاليه مالك الا المصارحه اجلسي انت وياها وصارحيها بكل شي والله ماضيعنا اللى اسكوت والمجاملات الرساله ماتكفي انا فقدت صديقه توزن ذهب بسبب عدم المصارحه منها ومني ولله يوفقكم
    انا حالفه اني ما افاتحها في الموضوع الا اذا هي بدت فيه ...

    مشكوره على المرور حبيبتي
  4. @gtgtttogtgt

    صاحبة الموضوع
    جووووودي والله انك صادقه هذي الايام ما عاد فيه صديق وفي الا ما رحم الله

تابعي تجارب أخرى من هذا القسم.