السلام عليكم ورحمـة الله وبركاته
يارب هالعيون اللي تقرا كلهـا بخير ،، والحزن عنها بعيد بعد أبعد كواكب الكون
بدخل على طول في القصة ،،، أقرؤهـا وشوروا علي تكفوووووووووووووووووون
هذا الله يسلمكم طلعت اليوم امشي كعادتي الأسبوعية في السور <<<<<< ماهي بحامل لا تهمكم الكرش عوامل بيئية
الموهـم وقفت قدامي بكم متر سيارة لموزين ونزلت منها بنت لابسة كعب عاااالي لفتت انتباهي المسافة فوق خمسة كيلو وشلون بتمشي <<<<<< هذا يقاله حديث النفس
وجلست تتلفت وناس رايحة وجاية وهي شكلها مرتبكة مدري مستحية
يومني مريت من جنبها وانـا كنت ادفدف بعربة بيبي <<<<<<<< آنسة وربي وبعدين قلنا لاتدققون ولد اختي
قالت لي : لو سمحتي ممكن امشي معك ،، انا مستحية امشي وفيه رجال
قلت لهـا حيـاك
وبدينا نمشي شوي الا البنت قالت انا ماطلعت من البيت الا من الضيقة
قلت لها وش مضايقك سلامات وانا اختك
قالت : ماعندي احد بالبيت
تخيلي وحدي على طول
صرت وحدي
أمي راحت
أمي مااااتت
قامت تصيح
واختكم في الله قامت تصيح معها
قلت من متى الله يرحمها
قالت من شهر
تخيلي ،، ريحتها باقي بفستانها ، انـام واصحى مالاقيها بجنبي
كانت تناديني من بين اخواتي تقولي تعالي اجلسي جنبي
كما نصحى نتفرج على بداية طول اليوم ونزور خواتي ولا جيرانا
كانت تسولف لي ، وماتخرج من البيت عشاني
انا ماخليتها تخرج انا حبستها على اخر عمرها وماتت ونفسها تتمشى
انا السبب ماوديتها للدكتور اول ماتعبت
( للعلم ماتت امها بسبب جلطة اثر اصابتها بالسكري بعد 3 ايام في العنـاية المشددة )
وقامت تبكي وتبكي وانا اسكت فيها واهدي واذكرها
وادعي لها
واستنفذت كل كلمـات العزاء الين تعبت ساعة كاملة
وغيرت مجرى الحديث
طلعت البنت ماخذه الثانوية من زمـان وجالسة بالبيت
اخواتها كلهم متزوجات
هي مو سعودية ووضعهم الاقتصادي مش ولابد
أبوهـا كبير جدا في السن وكان جالس باللموزين
سألتها عندك كمبيوتر ،،
كان قصدي ادلها على عــالم حواء ( عــالمي الوحيد اللي لقيت فيه أهلي وأخواتي وسلوتي بالدنيا )
صدمتني انها ماتعرف حتى تستخدم الجهاز ولاهو في البيت ولاقد لمسته
طلعت لي الجوال قالت يقولون ينفع يفتح انترنت صح شغليه لي
كسرت خاطري فديتها الشغله طويلة عريضة ماينفع جوال وبعدين جوالها مو مرة جديد
بعدين قلت لها انا وياك وراح اعلمك كل شي وبالتدريج تخرجي من هالجو
والمصيبة اني انـا اعاني من اكتئـاب حاد واتعالج منه
دائما اهدي الفرحة لغيري وانا حزينة
اتعب عشان الناس وانا محد يدري عني
احساسي اني مسؤولة عن كل احد اعرفة اتعبني اتعبني اتعبني
بادلتها بالصندل لمن تعبت مع اني لابسة شبشب يشكي على الله
قامت تضحك قالت من فين مرة يجنن قلت لها بصراحة هو غالي مرة بعشرة بس مايغلى عليك
وبدينا نسولف ونسولف واحسها انبسطت وقامت تهرج ببراءة ياقلبي عليها
والحين احس اني تورطت مع هالبنت
وهي فرحت مرررررررة
وجلست تحمدالله انها خرجت اليوم ولقتني
واخر شي قلت لها بروح قامت تبكي قالت لاتخليني
جلست معها شوي وبعدبن ودعتها ودعتني بحرارة وكأنها تعرفني من سنيييين
وجلست ماسكة ايدي بقوة الين اخر لحظة
تبادلنا الارقام
وصلت البيت اتصلت علي
قالت انا وصلت
الله يخليك متى تجيني
متى اشوفك مرة ثانية
باختصار البنت تعلقت بي
وانـا والله مدرري وش اسوي بعمري
فيني حـــــــزن أعمق من اي تصور
وفيني هموم ومشاكل مالها آخر
من جد تعبت يابنـات
اش اسوي بنفسي
و ش اسوي بهالبنت
وغيرهـا كثير
كل ماشفت وحدة بمصيبة طقيت على صدري وقلت افا وانا موجودة
عطووووني حل
:(
شاركي في النقاش
سجلي الدخول لإضافة تعليق.
التعليقات
117- عورت قلبي
ماعليه خليك معاها مدامها بحاجتك هوني عليها واحتسبي الاجر واعتبريها مثل اختك
لاتتخلين عنها والله يكون بالعون
- الله يعطيك على قد نيتك ويوسع صدرك بالصحة والعافية
فرجت عنها همها ساعة، وان شاء الله سيفرج عنك همومك وكرباتك كلها
واحتسبيه عند رب العباد - اول شي امين الله يشفيك ويشفي والدتك ووالدك وواخوانك
ويقبضني واياك ساجدات اللهم امين
ثانيا يمكن الله سبحانه ارسل كل وحده للثانيه تخففين عنها وتخخف عنك مادري بس هذا الي عندي
وان شاء الله البنات يفيدونك - ياختي يمكن ان شاءلله مساعدتك لهالبنت سبب في شفائك وتفريج همومك.....
مثل ماقالوا البنات ثقي بها بحدود المعقول....واذا مانتي فاضيه ممكن تكلمين احدى الداعيات يتعرفون عليها ويكسبون فيها اجر..... - مادري احس السالفه فيها ان مادري بس خوذي حذرك
مواضيع مشابهة
تابعي تجارب أخرى من هذا القسم.