مضااوي ..
المدخل لا تسوونه رخام يعدم ويخترب من الشمس خسارة ما يتحمل لا تغلطون هالغلطة يصير باااااهت وقديم من اول شهر .. حتى راعي المحل نصحنا بالجرانيت بس احنا كنا ناوين على لون حلو للجرانيت بس يوم بلطنا الحوش طلع راعي المحل حاسب لنا كمية كبيييييييرة جدا فإضطرينا نبلط المدخل مرة وحده حتى كنت ناويه على التشكيلة اللي تجي مثل الزخرفة الهندسية في الوسط وفي البلاط القائم للعتب .. مثل الحزام لكن زوجي عاند وما رضى من قهره على بلاط الحوش .. وعقب ما خلصنا التبليط كله للحوش اكتشفنا ان الكمية جداااااااااااا كبيرة واللي زايد عندنا ما ندري وين نحطه .. رحنا للمحل واكتشفنا ان حضرته المحل حاسب لنا الضعف عشان بس يمشي بضاعته لانها اخر دفعه من هالنوع وما عاد المصنع يعمل مثلها يعني بتطيح بجبده لو ما باعها كلها دفعه وحده .. فعطانا ايها تطيح بجبدنا زوجي ما رضا يتنازل له لان هالمحل عانينا وياه كثيييير بسبب تأخيره في البضاعه ونقص البوردرات عطلت الشغل شهووووووور .. وفي الاخير تكرم المحل و رجعو لنا مو المبلغ كله جزء منه والمحل اسمه الشهاب عشان بنات البحرين يتحذرون منهم .. >>>يووووه قلت قصه حياتي .. بس عن جد انقهرت لو ان احنا ما بلطنا المدخل من بلاطهم جان حطيت جرانيت افخم واشيك .. ان شاء الله عقب ما نروق بعد كم سنة اشيله واركب جرانيت افخم .. انصحك فيه ..
الجزء الرابع لديوانية بيت العمر
متابعة النقاش، صفحة 689