تجمـــــع ع ــــرايس 2009 ح ـــــياكم

مراه الحياه

الف الف الف مبررررررروك ياعرووسه

شوفي ياقلبي التخفيضات بدايه السنه يعني شهر 1

شنو تشترين ؟؟ قصدك يعني نكتب وش المفروض تشترينه ؟؟

انتظرك عشان اردك

والحين

برب بررررروح اصلي

السلام عليكم ورحمة الله وبركاتة

صباحكم \ مساكم

خيرات وسرور على الجميع يارب

هلا وغلا بكل من لفانا

ببدأ بالرد عليكم بالدور :42:

ــــــــــــــــ

القمر المجنون : هلا بك وحياك معنا

ـــــــــــــــــــــــ

خجوله حيل : حياك خيتوو وحلاوتي نقطه من بحر حلاك وذوقك ياغلاهم ومشكوره كثير والله يوفقك بزواجك ويقر عينك ومحبيك يارب ويسعدك

وعساي أوتوفق بالجواب عليك :

- بالنسبه للميك آب :

ميك آب الصباح والمساء << ( أقصد بالمساء تبع زوجك يعني تبع خصوصيتك مش تبع الطلعات المسائيه )

دائماً يفضل الميك آب الخيف والطبيعي ؛ فيك تستخدمي كريم أولاي بالتوت وفوق منه بودره مضغوطه درجه شفافه

او نفس درجه البشره << بمعنى مش بودره مبيضه ملفته للنظر

هذا راح يعطيك تغطيه طبيعيه لبشرتك وأضاءة بسيطه للوجه

لعيونك : كحل من جواا العين ومسكار شفاف وفيك تزيدي عليهم كحل على عينك فوق وتحت بـ لون مناسب لملبسك

يعني كحل تركواز \ اخضر \ بني << المناسب لك وراح يعطي شكل حلو للعين لما الكحل الأسود جواا واللون براا

لشفايفك : فيك تحدديها بـ لون بنك فاتح أو لون قريب من لون شفايفك وبدل الروج تستخدمي لابيلو الزهري أو بالتوت

وفوق منه قلوس شفاف .

<< هذا الميك آب الخفيف يعطيك طله طبيعيه ورايقه مره وفيك تزيدي فيه تبع المساء إنك تنثري على جفن عينك

بودره الجلتر وفوق القلوس كمان تنثري جلتر .

فيك تعملي لك تاتو في جسمك في مناطق معينه

<< أقصد التاتو الميك آب ومش التاتو الوشم

هذا بالنسبه للميك آب تبع زوجك صباحي ومسائي ..

أما الميك آب تبع الطلعات مسائي وصباحي :

- الصباحي تبع الطلعات إذا إنك موظفه أو تبع زيارات صباحيه فيك تكثفي من الميك آب بشكل بسيط كمان ومش مبالغ

فيه ، بودره أساس مائيه ولكن قد ماتقدري تكون درجتها قريبه جدا من لون بشرتك عشان يعطيك تغطيه فقط لمشاكل البشره ومايعطيك تبييض لإن التبيض في النهار يعطي طله غير محببه للناظر لك ويخليك تكوني وكأنك لابسه قناع:42:

لعيونك : فيك تكثفي من الكحل جواا عينك والمسكارا سوداا أو لون مناسب لملبسك وكمان تخطي عينك فوق وتحت بكحل أو آي شدو مناسب لملبسك

لشفايفك : تحديد مناسب للملبس وروج وقلوس.

لخدودك : بلاشر خفيف لون خوخي مثلاً على الأغلب يكون مناسب.

- المسائي تبع الطلعات : هذا أكثف وأقوى ميك آب بيكون والله يعينك لما تكوني متعوده على الميك آب الخفيف راح تتعبي من هذا النوع من الميك آب :30:

كريم أساس قريب من لونك وبودره مضغوطه أفتح من لونك بدرجه فوق منه بودره اضاءة للوجه

لعيونك : كحل كثيف جواا العين ومسكارا كثيفه سواء كانت لون أو سوداا + كحل سائل ورسمه مفتوحه أو مقفله برا العين + آي شدو سواء كان لون أو دمج ألوان + أضاءة لتحت الحاجب + بودره جلتر لمسه نهائيه

لشفايفك : تحديد وروج وقلوس وجلتر .

خدودك : بلاشر نوعاً ماا يكون واضح

ومثل هذا المكياج المسائي تبع الطلعات فيك من وقت للآخر تسويه كمان لزوجك لو عندكم مناسبه خاصه أو لو حسيتي برتابه أو حبيتي تبهريه .

<< هذا بشكل عام انواع الميك آب واستخدامك له من خفيف وكثيف واوقاتهم.

ومااوعدك ولكن بحاول أعمل لكم دروس بالفوتوشوب تطبيق تقريبي لطريقتهم قولي ياارب وأقدر وبإذن الله مااقصر معكم :)

ـــ

وبالنسبه لسؤالك عن المعامله والأسلوب :

خيتوو دايم حطي ببالك شي ولاتغفلي عنه ، أنتي راح تعيشي مع إنسان عيشه بإذن الله إنها دايمه لعمرك يعني لزوم تكوني مرتاحه ومش مقيده أو ملزمه بإنك تتصنعي أو تشدي على نفسك بأي شي ، في بدايه حياتك لزوم يكون بينكم جلسه تفاهم وإيضاحات من الطرفين على ايش تحبي وماتحبي وكيف طريقتك مثلا مع الناس مع اهلك ومثل هذي امور عشان يكون زوجك على علم بأسلوبك والناس واهلك وانتي كمان تكوني بعلم فيه اهو كيف وهذا لزوم يكون فيه صراحه وعدم تصنع او مبالغه واهم شي التلقائيه والطبيعيه عشان تكوني انتوا الثنين مرتاحين .

ثماً يجي دور تصليح الأخطاء أو العادات أو المعتقدات أو سلوك من الطرفين ومهم جداً التفهم والقبول من كلا الطرفينومايكون بظن أحد منكم إن الثاني يحرج او يجرح ولكن للحب والأستمراريه يكون التقييم والتقويم

بمعنى ، لو بزوج اسلوب او تصرفات ماتعجبك حاولي تصلحيه من غير تحرجيه ولكن الفتي نظره له بأسلوب حلو وكلام رقيق وتحبب ولا تزعلي لو طلب منك تغيير طريقه او تصرف او عاده من عاداتك اذا شرح لك وجهة نظره فيها.

تعاملي معه على انك تربين طفل صغير ، دلليله وحاولي توصلي له المعلومه او الفكره او اي شي تحبيه بأسلوبك الخاص والمؤثر من غير ماتحسسيه بهذا الشي ، مش معناه انه لعبه او تصغير من قدره ومكانته ولكن هذا الأسلوب سواء كان اهو يتعامله معك او انتي تعامليه فيه ينم وينشأ من الحب للطرف الثاني وحب توصيل المطلوب بطريقه لطيفه راقيه .

مهم جداً جداً التصرف بحريه وطبيعيه وتلقائيه معه من غير جرح او اهانه.

كل كلامي الا فات فوق لك هذا مابعد الزواج وماقبل الزواج (وقت الملكه>الخطوبه<) هذي من اسعد الفترات

لاتعديها من غير ذكرى للعمر كله ، دلع \ ضحك \ فله ووناسه \ غزل \ هدايا حتى لو كانت بسيطه ورد او رساله ....ألخ

<< المجال لك ولمخيلتك فيها

حاولي تحفظي فيها كل شي يمر عليكم ، موقف \ كلمه \ حركه ...

ومعها كمان لا تغفلي تمرري فيها بعض من فكرك اللي تحبيه وتحاولي تعرفي فكره كيف

وأرجع وأقول لك مهم جدا جدا الطبيعيه والعفويه كمان في تصرفك معه والدلع والدلال لا بد منه.

موفقه خيتوو بحياتك ويسعدك ربي ويديم عشرتك وياه للعمر .

ــــــــــــــــــــــــ

مهاااااااااااوي ياحلوه يابطه:22:

الله يباااااااااااااارك فيك يارب ويسعدك ويهنيك

أزيك يابت وعامله أيه في ابرد دااا يإللي مايمزح أبد خخخخخ

وأبشرك العرس حركتات << عقبالك بسرعه سرعه خخخخخ

وش أسدح وش أخلي ، طقي وتدللي ولك العلوم الطيبه إن شاءالله

ــــــــــــــــــــــــــ

لي الله : هلابك وحياك خيتوووو

ـــــــــــــــــــ

جوجو ياقلبهم انتي شكله صار عندك حمى الشراء :22: خخخخخخخخخخخخخخخخخخخخخخ

يقولون اسواق الشرقيه قفلوها لإن البضايع كملت منك خخخخخ

ياقلبهم ، اذا انك مسويه لنفسك جدول وميزانيه صدقيني مارح تنسي شي إن شاءالله ولكن قد ماتقدري رتبي أمورك بـ الأهم فـ المهم ولا تكرري أو تبالغي في العدد ولاتنسي دوم فيه تجديد وموضات يعني بمشترواتك احسبي لنفسك انك مارح تشتري قبل شهرين ثلاثه بعد الزواج .

بمعنى آخر << مسويه فصحى خخخخ

يعني ياقلبهم مثلاً الملابس عيني لك للطلعات تبع زوجك بيكون غير تبع العزايم وانتي ابخص اذا كان بيكون حولك عزايم كثير او قليل وعليها تقيسي الكميه .

مثلاً اللانجريات مهم انك تنوعي سواء في الألوان او الخامات او الموديلات ومع كذا لا تكثري كثير لإن بعد الزواج راح تعرفي ذوق زوجك اكثر وايش يميل له من موديلات وخامات وبعدها بيكون لك طلعات للسوق معه وتحت اشرافه وحلو التجديد في اللانجريات لإنها المسكه القاضيه للزوج :30: << نذله خخخخ

الميك آب خذي منه الأساسيات وابعدي عن التكرار حالياً لإنه كل يوم والثاني راح تلقي جديد بالسوق وراح تشحني منه فـ لاتستهلكي كل شي بوقت واحد خلك على الأساسيات واتركي التكرار جاي وقته .

الأساسيات : كريم أساس \ بودره مضغوطه \ بودره مائيه \ كريم أولاي \ روج (بني \ بنك \ بيج \ أحمر) << على الأغلب هذي الألوان مستهلكه ومطلوبه والزياده في الألوان يجي بعدين ولكن هذي اساسيه \ قلوس (شفاف\بنك\بني) \ كحل جوا العين (أسود \ ازرق\اخضر) \ كحل سائل أسود \اضاءة وجه \ اضاءة حاجب \ آي شدو (شخصياً أخذت لي بن ناي أبو 24 لون ، وانصحك بعلبه وحده كأساسيه ولك حريه العدد فيها على حسب حاجتك)\ قلتر \ محدد شفايف (احمر \ بني \ بنك) \بلاشر(بني \ بنك \ خوخي) \مسكار (اسود\شفاف\ازرق\اخضر)\مناكير(احمر\بنك\بني\شفاف)

هذي تقريبا اساسيات الميك آب ومثل ماقلت لك التكرار الكثير سواء بـ الآي شدو أو الأرواج أو اي شي لاحقه عليه .

معطرات الجسم : سواء كنتي بتاخذي اطقم مثل فكتوريا سيكرت او بودي شوب وغيره من الأطقم او كنتي بتكتفي في اطقم العطور بالشاور جل واللوشن تبعها حاولي ماتكثري السوق كل يوم فيه جديد.

شخصياً اخذت لي طقمين: في الواحد منهم (عطر \ لوشن \ جل شاور) واخذت ثلاث عطور من غير باقي الطقم واخذت عطور عربيه اثنين واخذت خمريات خمس تبع نص توله واخذت جل معطر ثلاثه بروايح مختلفه من فرنسي وعربي ..

وجسمي بعد الشاور اعطره بطريقه احبها ودايم اسويها حتى قبل الزواج : كريم دوف بودي سيلك الأصفر واضيف له اما عود عربي او ارش عليه عطر فرنسي ولما جسمي رطب وقبل التنشيف امسحه واخليه اشوي ثماً انشف جسمي واعطره بالعطر ويبقى الجسم معطر والريحه حلووه وثابته .

<< احب هالحركه للنوم ، اما الأطقم لباقي اليوم عشان التركيز والتغير كمان .

لاتنسي قائمه النظافه الشخصيه ، لاحظت كثير ينسوها :

قائمة النظافه من الصيدليه : -

فوط صحيه \ شامبو وحمام زيت \ صابون جسم او جل شاور \ ليفه للجسم \ اعواد اذن \ اعواد اسنان \ فرشاة ومعجون اسنان ومضمضه \ معطرات فم \ حلاوة جسم ومكينه نتف \ كريم للشعر \ مقشر الجسم \ مزيل للمكياج \ قطن \ معدات تنظيف الأظافر \ مبرد وحجر تنعيم الرجل \ تقشير للوجه وغسول للوجه \ غسول للمنطقه الحساسه ..

كل مااذكر شي خيتوو راح اككتبه لكم


وعساي فدتك ياقلبهم ..

ـــــــــــــــــــــــ

وجس << عساي كتبته عدل خخخ

حياك خيتوو معنا وجعل ربي يسهل امرك عاجل غير آجل وتتسهل وتتيسر امورك

موفقه يارب

ـــــــــــــــــــــــ

يامسافر عود :

حياك خيتوو

ـــــــــــــــــــ

شوق العيون :

هلابك زود وحياك خيتووو

يااارب يفرج عن زوج لولي وتفرح فيه ونفرح لها فيه وبزواجهم يارب عاجل غير آجل

/////

خيتووو

لأكون صادقه معاك مسئولية الزواج ماهي بيوم وليله تعرفيها وتقدري عليها ولكن العشره والحب يسهلوها ويحلوها :)

ولكن كثيره امور لزوم تكون براسك وقبل تكون براسك تكوني حابتها لأجل حياتك وسعادتك ومقتنعه فيها ..

الزواج ماهو دلال ودلع وضحك وسمر وسهر وبس ..

اهو اتحاد شخصين كلاً كان له عالم وحياة وطبايع وعادات وتقاليد وتفكير واسلوب ، احيان كثيره يكون مختلف ومنها تولد المسئولية

تقريبهم في البدايه لين توصلي لمرحله اتحادهم وحسهم الواحد يجي مع الأيام

سبق لي فوق حكيت للأخت خجوله حيل عن الأسلوب والمعامله ياليت فدتها وافيدك فيها ..

مهم انه يكون عندك الحس بإنك ملكه وعليه لزوم يكون في مملكتك كل شي مريح وسعيد

بدأً منك وختاماً ببيتك ، اهتمامك بنفسك وشكلك ونظافتك ودلالك وحركاتك وتصرفاتك وكلامك وكل شي صادر منك

سواء كان لزوجك او لمحيطك ، لإنه حتى تعاملك مع محيطك راح يحسسك بمسئولية ومشاركه

وختاماً ببيتك من نظافه إلى اهتمام بالطبخ والترتيب والتجديد والتغيير وخلق الجوو الكلاسيك الرومانسي والجديد

الأبهار حاولي ماتغفلي عنه وتخلقيه بكل شي تسويه والتجديد واللمسات الخاصه فيك ولك ، حاولي تبعدي الزعل او المشاحنات قد ماتقدري وحاولي تذللي كل صعب ومستحيل

اعطي الأولوية لزوجك وبيتك والباقي يجي الناس اعتمدي هالشي دايم ولا تنسيه .

سألتيني عن تقسيم الوقت :

وقتي الحمدلله الى الآن ماشيه تمام معه ، اولاً زوجي كان اجازه فـ مارح اقيس على الفتره اللي فاتت ولكن ومن قبل الزواج قسمت وقتي على اساس معرفتي بأوقات تواجد زوجي وعمله وطبعا راح يكون فيه وقت لأهله واصحابه ووقت لاهلي انا كمان وعليه قسمت الوقت ..

شخصياً حاطه في بالي الحصه الأكبر تكون من نصيب زوجي اذا بيكون متواجد معاي بعد العمل ، بمعنى الوقت اللي يكون متواجد فيه بعد الدوام قد مااقدر مارح اشغل نفسي بشي غيره ورح افرغ نفسي له كامل ، وقت عمله راح يكون تقسيم الوقت للبيت بكامل احتياجاته واهلي والنت لكم << :42:

///

اما بالنسبه لقتراحي للموظفات فـ يمكن ماافيدك زود في هالسالفه لإني ماادري كيف صراحه ويمكن بعد فتره اطلب شورك في هالأمر << يمكن اشتغل وبعدها بطلب فزعتك خخخخخ

ولكن بشكل عام وبتصور مبسط مني لي شخصيا لو توظفت فـ :

وقتي بعد الدوام وبحال زوجي متواجد معاي بالبيت وبيكون اهو كمان راجع من دوام راح اقضيه له ولو طلع زيارات فـ الوقت بيكون لبيتي من اهتمامات وتجهيز ليومي الثاني من طبخ وحركتات ولكم انتوا يادبييين على المنتدى خخخخخ

وانتي ياخيتوو دامك ببدايه حياة زوجية وموظفه فـ لاتزحمي نفسك بشي غير زوجك وبيتك وخلي الزيارات للويك آند

وباقي الأسبوع من بالليل تكوني مجهزه طبخك وملابسك ومنظفه بيتك .

وبإذن الله ماتقصري وتقومي بواجبك على الوجه الكامل يارب وتتسهل امورك .

أما برد الرياض فـ تصدقي وحشني خخخخخ لي اسبوع جاية الشرقية زيارة لأهلي وأشتقت لبرد الرياض ..

وبإذن الله دام الوقت ماشي معاي أوكي ببقى معكم وعساي افيدكم بشي

ـــــــــــــــــــــ

بسومه ياحلوه يابطه

الله يبارك فيك ويسعدك ويهنيك يارب

الميك آب حقي أهو الأساسيات وذكرته لخيتوو جوجو أم تالا فوق بكلامي ...

وأنا لأني ماكنت بسكن بنفس منطقتي الشرقية لكن الرياض فـ حفظتهم بشنطه للميك آب .

انتي اذا بتكوني بنفس منطقتك فـ أعملي لهم حركتات بـ التزيين بـ السبتات بيطلع حركه حلوه خيتووو

موفقه ياااارب

ـــــــــــــ

قطوة فوشية

حياك والله يبارك فيك

ــــــــــــــــــ

منعطفات

حياك وصباحك جوري وكادي

وإن شاءالله مابه شي غير :)

وحياك

ـــــــــــــــــــ

غربة الروح

حياك خيتووو

انتي قولي من فين عشان بإذن الله محد يقصر معاك خيتوو

ـــــــــــــــــ

الذئبة الزرقاء

حياك ويانا

ـــــــــــــــــــ

يالبى قلبه

حياك وعسى ماشر اختي وش فيك تبكين والله لايعمي احد وينور درب الكل

ـــــــــــــ

فوريه

حياك وهلابك

خيتوو

التفصيل راح يترك المجال في الأبداع في مخيلتك بالنسبه للموديل والأضافات اللي تحبيها ، والجاهز راح يريحك من اللفه والوقت والحوسه الزايده

يعني انتي فيك تختاري ان وقتك طويل وفيك حيل اللفه والميزانيه وتبين الشي الخاص فيك اختاري التفصيل واذا وقتك ضيق ومالك مزاج اللفه اختاري الجاهز .

مع العلم احيان كثيره تلقي جاهز يكون مره حلوو وقريب من فكرك بالنسبه للموديل ويكون اريح لك تآخذيه من تفصليه

وبالنسبه للمحلات فـ ان شاءالله البنات مارح يقصروا معاك

موفقه يارب

ـــــــــــــــــــــ

اسيرة الأنتظار

هلابك خيتووو وجعل ربي يسهل امورك عاجل غير آجل يارب

بالنسبه للذهب فـ هذا يعتمد على طبيعه عزايمك وزياراتك بعد الزواج هل اهي كثيره او قليله وعليها يكون الشراا

وبالنسبه للخلطات وهيك اشياء فـ انا اقول لو تبتدي عنايه يكون افضل دامك مالك مزاج على الخلطات :)

يعني في اشياء المفروض تكون ملازمه لك حالياً لإنها بتكون ملازمه لك بعد الزواج ضروري .

كل يوم شاور واحد أو أثنين باليوم وانا احكي الحين انه شتاا يعني لو بالصيف بيكون حول ثلاثه باليوم << هوس

بعد كل شاور ضروري جداً الترطيب للجسم بكريم للجسم مناسب لك.

ضروري الغسول المنظف لمنطقتك الحساسه والمناسب لك عشان اولاً النظافه وعشان الريحه

الملابس القطنيه وخصوصاً وقت الدوره

الغيار للملابس الداخليه بمعدل مرتين تقريباً باليوم

النظافه الشخصيه بأزالة الشعر بعد كل دوره بالحلاوة للجسم

عمل الماسكات للجسم والوجه

مثلاً الطين للجسم بمعدل مره او مرتين في الأسبوع والحمام المغربي او المقشرات الجاهزه بمعدل مرتين بالاسبوع

بشرة الوجه تحتاج مقشرات خاصه غير الجسم .

عمل اقنعه للوجه مثلاً قناع الزبادي بالخميره او بالعسل او بالخل

قناع زلال البيض او قناع الخيار ويحسب على نوعية البشره

باطن القدم تقشيرها بالمبرد وتنعيمها بالحجر والكريم الخاص لها بمعدل مرتين بالاسبوع

العنايه باظافر اليد والرجل والكريم الخاص بالأيدي والأرجل

ازالة شعر الجسم بعد كل دوره واذا امكن لك ارتاحي منه بالليزر قبل الزواج

اذا كنتي تعاني من مناطق غامقه بجسمك شوفي لك علاج طبي من دكتوره او صيدلي وممكن تشوفي لك خلطه بسيطه من غير تعقيد تلتزمي فيها وان كنت افضل الطبيعي من زبادي وزيوت وهيك اشياء

////

تعاملك مع اهل زوجك وانك بتكوني معهم ببيت واحد فـ نصيحتي لك :

تعاملي معهم على سجيتك وطبيعيتك ولا تتكلفي كثير وعامليهم وكأنهم أهلك وتوددي لهم وحطي براسك دوم إن حبك لهم واحترامك وتقديرك لهم من حبك واحترامك وتقديرك لزوجك

الله اله بأمه وابوه ولا تحسبيهم غير امك وابوك

لا تقولي اهلك واهلي وتعاملي مع البيت كله على اساس انهم اهلك

لا تعوديهم على وضع معين تكوني متصنعه فيه او مجامله وبكره تزهقي منه وتغيري ويسخطوا من تغيرك

دائماً كوني دبلوماسيه

موفقه يااارب

ــــــــــــ

حنين

هلابك وحياك وماقصرتي خيتووو والله يبارك للعروس ويهنيها

ـــــــــــــ

مرآة الحياه

هلابك وحياك

وجعل ربي يسعدك ويسهل امورك يارب

بالنسبه للتخفيضات البعض بدأ والبعض قريب وقبل ماتطلعي للسوق مهم تكوني عامله لسته لنفسك بالأشياء المحتاجتها لإنها يوم تطبي السوق ثقي انك راح تلمي ألا يلزم وألا مايلزم فـ أفضل تكوني طالعه وانتي معينه قبل ايش تبين .

وربي يشفي زوج لولي يارب

ـــــــــــــــ

جوووووووووووووووووووووجووووووووووووووووووووووو

يابت صباحك سكر

وربي انه احلى خبر سمعته على هالصبحيه

جعل ربي يقومه على رجوله سالماً غانم ويتمم فرحته وفرحة لولي ياااااااااااااااااااااااااااارب

وتكفين جوجو قلبوو قولي لها احلى بشاره هي بشارتها وربي يتمم فرحتها وتشوفه على رجوله بالعافيه يارب

وعقبال يارب ماتجي تسطر معاي ونعلمكم اموركم خخخخخخ

وقولي لها ياويلها ماتعلمني الأمور الخاقوقيه:33: ألا حصلت :S_45:

وتبشر بأمور خاقوقيه كثيره تنتظرها مني ههههههه

امووووووووووووووووونه

ياناس احبها هالبنت فديييييييييتها

تدرين وربي صادقه ماخليت شي ماشريته وهذا وانا اوصي البنات

لازم اسوي كنترررررررررررول بنفسي ..

ونجي لموضوع لولي

من عيييييوني تامرين امر اقولها

وربي ياهي مشتاقه لنا مره ..

المشكله هي كانت بتدخل بس اللي خرب عليها ان النت عندهم بالحاره خربان

فمره منقهره والمشكله بكره بتكون مرافق مع زوجها ..

بس ابشري اوصلها كل شي

جووووووووجوووووووووو

أموااااااااااااااااااااااح ياقلبهم انتي وانا كمان أحوبك كثيراً :icon31:

وبدري توك تجين ياحلوه يابطه:hahaha:

أنا أم التسطيل مسك براسي وبدت عيوني تقفل لوحدها وبروح أنام عشان لا يخرب نظام نومي يوم ارجع الرياض

تسلمين قلبوو ع انك بتوصلي لخيتوو لولي رسالتي وربي يسعدك ويسعدها يارب

اموااااااااااااح

تمسي ع خيرات وسرور ياعسل

سلااااام