الحقوني !! زوجي جاه نقل للرياض .. واحتاج معلومات عن الحي,المدارس,الشقق , في الشمال

ايييه الاتصالات في حي المرسلات هو حي جييد و فيه مدارس حكوميه و اهليه اتذكر في اهليه اسمها العليا في حي المرسلات و الله يفوقكم ان شاء الله و ترتحون بالرياض و زحممممتها :)

البنات ماقصرووووووووووووو

مرحبا عزيزتي
انا في حي المرسلات وقريبه من الاتصالات
الحي اللي انا فيه مرررره راقي وفيه مدارس العليا قريبة مررره مننا قطعة شارعين بس واولادي فيها ومررره ممتازين
وتقدرين تروح لها برجولك...جارنا بعد عياله فيها من زماااااان مره ومره يمدحونها وهم يجيون ويروحون بالباص ومرتاحين الحمد لله ما عليهخم خوف
رسومهم بنتي في الابتدائي 9200
ولدي في التمهيدي 7200 في السنة (هو اساسا8000 بس مسوين لنا خصم 10% لأنهم 2)


قريب مننا صحارى وحياة مول وفيهم سوبرماركت السيفوي والدانوب...وبعد قريبه مننا لي مول وغرناطة وفيهم كارفور

ايوه بالنسبة للشقة انا راح اترك شقتي لأني مسافرة برا السعودية ...وهي بكبر دور كامل (مجلس وسفرة طعام ومطبخ وصالة ومكتب و3 غرف نوم و3 دورات مياه وغرفة غسيل ولها بابين على برا) وفي ارقى منطقة في المرسلات ومقابلها حديقة وجامع وفي عمارة مافيه غير 2 سكان غيرنا
وبتركها بالأثاث اللي فيها (تقبيل)
اذا ودكم فيها خبريني

واذا مو خاطرك فيها فيه كم شقة حولنا للايجار بس ما اعرف عن فخامتها ولا عدد الغرف

الارض المغتصبة لا تخافين منها...هذولي ناس مساكين بيوتهم مثل الصنادق
ومنطقتهم معزولة شوي مافيه مقابلهم شقق بس كم بيت وسور المساحة العسكرية ومستوصف حكومي
وترى ماقد جانا منهم شي بالعكس عيالهم ماشاء الله شكلهم طيبين

ان شاء الله اكون افدتك

ابن خلدون مرررة روووعه
والمناهج كمان اروووع نظام التعليم عندهم حدييييث والاطفال يتبعون المنتسوري
واعرف لك وحدة تدرس بنتها فيها في التمهيدة ورسومهم غالي
الظاهر التمهيدي 13الف
والمدرستين في الشمال
والله يعينكم ع الاجارات غاليه
والاسواق والمطاعم في الشمال طبي وتخيري
زوري المملكة والفيصلية وغرناطة والرياض جاليري وحياة مول
والمطاعم في شارع التحلية عدي واغلطي
الله يحييييك في الرياض