طبلووووولي ...وزمرواااا لي ...ومايمنع تصفقووون لي
لا تتعجبون ولا تطقكم البوهه..
هنا حااال أغلب المواضيع في المنتدى.. وخاصة الشكاوى وطلب المعونه,,
ولايخلوا الحال طبعاٌ في الواقع من هذه النماذج
واليكم الأمثله:
يابنات الحقووووني>>>>ندخل انتراكض مو بعيده تصير حالات دهس كله بس عشااان نلحقها لنتفاجأ أنها تقول :
-اليوم صار خلاف بيني وبين زوجي وقلت له ((إنت منت برجال)) وخليته يعرف قدره مزبوووط أنا مو بالشارع لاقيني عشان يتطاااااااااول علي
فيعطونها البنات حلول بارك الله فيهم وكل ها الحلول مناسبتها
الين تدخل وحده وتقول لها معاك حق كلمته أو موقفه قوي بس كلمتك قوية شلون تقولين مهوب رجاااال
ليتغير الوضع وتصبح هذه الوحده من المغضوب عليهم ويمكن الضااالين :( وتقول لها صاحبة الموضوع والله يا إختي إذا إنتي سلبيه أنا مو مثلك وإذا إنت ترضين بالإهانة أنا ماعودوني أهلي البشوات على الإهانه وإذا وإذا .....
جاااابت فيها العيد ليش ؟؟؟لأنها اختلفت معها بالرأي وما أيدتها على خطاها,,
طيب مو مفروض من الأول تحط لافته مكتوب عليها بجوار عنوان موضوعها طبلوا لي,,, وزمروا لي ,,عشان نعرف إن المطلوب مننا هو التأييد
موقف آخر,,
-وحده جارتها معها في الطابق وهي بحكم إنها قبالتها تسمع الداخل والطالع وأي شي يصير عند ها الجارة وتكتب موضوع تتشكى فيه من إزعاج ها الجاره وإنها ....وإنها
ويدخلون العضوات مثل المد الهاااائج بارك الله فيهم... ويعطونها حلول تخفف من الإزعاج المنتقل من بيت الجارة لبيت صاحبة الموضوع
وتدخل وحده >>>يمكن هي الأوله ويمكن وحده غيرها
المهم وتقول لها التجسس حرام وأنا أختك كان علمتيها إن إزعاجهم واضح.. كان نبهتيها بالتلميح إن أصواتهم توصلك,,,
كان وكان كلااام لطيف ظريف
وفجأة تدخل صاحبة الموضوع وتحط ها الوحده أيضا مغضوب عليهم وتقول لها ومنو قال لك أنا أتسمع لها ومنو قال لك أنا ....الخ .....الغريب انه تبرر لنفسها بس ما قالت أي حل استخدمته للجاره أو وسيلة تنبيه
واللي يقهر كمان إنها ما أضافت جملة طبلووولي وزمرووولي على موضوعها عشان اللي يدخل يقول لها برااافو والحمد لله إنك منتي بجارتنا,,,:mad:
موقف آخر
-وحده ترجخ في عيالها صبح وعشيه ..وصوتها ينفع يكون بدل جهاز النداء اللي يشغلونه في الحروب >>>الله لايعيد حرب العراق شغلوه بغيت أموووت من الروعه :44: محد علمني وش السالفه
المهم فتقول وزوجي مايراعي كرفي وأمي تتشكى مني ساااعدوني
ونتدافف برى عند باب موضوعها والزل يتحرك من مكانه والتحف تتطاير...
وبارك الله بالعضوات يساعدون
الين تدخل الوحده>> إيه هي هذيك المغضوب عليها
وتقول يا أختي المرأة ناعمه ..وأطفالك أمانه عندك ..وصوت المرأة مهما كان لازم يكون نعوووم إيه عصبي وصارخي بس مو 24على24 ساعة بث يوميا ...
لتدخل صاحبة الموضوع وتقول لها خلينا لك النعومه بعدي ..وأنا ماراح أمثل على الناس غير حقيقتي ((والله شين وقوي عين)) وإنت ماتدرين عن ظروفي والحياة الزوجية ماتقوم على الأصوات أصلا الرجال ما يعجبهم العجب(كالعادة تطير وتوقع على رأس ها :arb:الرجاااال))
طيب ليه ما قلتي بالفم المليااااان طبلولي وزمروا لي ..
وفي الواقع أكثر
وحده مديرتها رافعه فيها شكوى لكثرة غيابها وهي تتحسب وتدعي على ها المديرة فالحضور يهونون ويساعدون في الدعاء
الين تشارك إحدى المغضوبات عليهم مو اللي في النت وحده ثانيه
وتقول لها طيب انتي بعد الله يهداك مهمله ما تداومين وما تحاولين تضغطين عل نفسك أو تجيبين أعذار أو تسوين شي وسط ..
وبسم الله عينكم ما تشوف إلا القذائف إنت وش عرفك أنا تعبت أصلا فلانه تغيب من غير عذر.. وزعطااانه ما تشتغل ..وأنا أكرف بالدوام والبيت أنا وأنا وأنا >>>طلعت حمالة الأسيه ومحد يشتغل غيرها:icon33:
أخيراٌ,,,
دام اللي يقول الحق وبدون مايجرح ..أو يتبجح يصير من المغضوب عليهم أو الضالين..
ودام يبون التأييد لا أكثر ولا أقل وما يبون الحل أو الحق أو النصيحه..
دام تبونا ندخل نصفق ونقول برااافو ..وما يمنع بعد ندعي لكم بالسداد والقوة ..
دام تبون نكون مسخ نردد اللي تبونه ونساعدكم على ظلم أنفسكم أولا قبل ظلم غيركم ..دامكم تبون نكون عون للظلم ولو كان بالرأي
ليه يا كريمه ما سمعتي قوله عليه الصلاة والسلام : (من أعان قومه على ظلمٍ فهو كالبعير المتردي ينزع بذنبه) رواه أبو داود وهو حديثٌ صحيح
أما علمتي أن من واجبي وواجب أي وحده إننا نعين ونعاون ونكون أحرار بأرئنا وأفكارنا..
وما عرفتي أن واجبي أنبهك ربما لشي ما إنتبهتي له أو على الأقل حسيته..
قال صلى الله عليه وسلم: (انصر أخاك ظالماً أو مظلوماً، فقال رجلٌ: يا رسول الله! أنصره إذا كان مظلوماً، أفرأيت إذا كان ظالماً كيف أنصره؟! قال: تحجزه عن الظلم فإن ذلك نصره) رواه البخاري
وإلا بلييز ...أقول للي من ها النمونه :أرجوكم أكتبوا بجوار عناوين مواضيعكم في المنتديااات ((طبلولي وزومروا لي ))
وفي المجالس قولوا اللي بتايدني تتكلم والا إنتظري الين يكون المجلس مافيه الا إنتي وفرقتك الماسيه عقبها طبلوا وزمروا ..
وربك ما يغفل عنه شي سبحااانه
وسلامتكم
دمتم بود