حبيبتي لازم ماتستخدمي كل هالخلطات بوقت واحد وفيه اشياء طبيه تتعارض مع الاشياء الطبيعيه
( اول شي الكريمات الطبيه تاخذيها من الصيدليه هذي الكريمات راح تستمري عليها كل يوم وتقطعيها قبل الزواج بأسبوع علشان القشور)
- اول شي بالليل اغسلي الركب بصابونه طبيعيه مثل الغار او أي نوع بعدها بربع ساعه اخلطي شوي من ( مرهم ديبروساليك + كريم الدوكين فورت 4% ) واذا صحيتي اغسليها بالصابون ورطبيها بفازلين اهم شي الترطيب ولاالنتيجه بتكون عكسيه هذي راح توحدلك اللون بإذن الله خلال شهر
-في الليل بعد اغسلي وجهك بصابونه طبيعيه وبعدها بربع ساعه اخلطي شوي من ( كريم أكرتين + الدوكين فورت 4% + كريم إلكوم ) وفي الصبح اغسليها بالصابون
-المنطقه الحساسه اخواتي ان شاء الله يفيدونك لاني ماجربت لها شي وماأبي اقولك شي سمعته من دون ماأجربه
-اهم شي كل هالكريمات تحطيها بالليل حتى النور ماتتعرضيله وهي عليك وماتتعرضي للشمس الا وانتي حاطه واقي
(خلصنا الاشياء الطبيه نجي للأشياء الطبيعيه)
-اول شي اشتري خيمة السونا وسوي حمام مغربي كل اسبوع خليه الجمعه مثلا واهم شي بعد ماتخلصي منه صبي على جسمك مويه بارده وحطي مرطب ثقيل او زيت اللوز
-بعد كل حمام لازم ترطبين جسمك وركزي على المرافق والركب والرجلين واهم شي يكون المرطب غير معطر
-وقت ماتفركي جسمك بالليفه او مقشر الليمون والزيت لاتفركي الركب ولا أي منطقه تستخدميلها كريمات طبيه اهم شي المناطق هذي اكتفي بس بغسلها بالصابون
-بعد كل وضوء رطبي يدك ورجليك اهم شي علشان تفتح واذا ماتحبي الكريمات اذا توضيتي وفيك مويه حطي شوي فازلين اذا نشف المويه ماراح يبين الفازلين وبتكون يدك مره طريه
(ألحن نجي للشعر)
-شعرك مرتين بالأسبوع اخلطي ملعقه كبيره خميره فوريه مع نص علبة زبادي مع ملعقتين مايونيز وملعقه صغيره زيت وخليه شوي بعدين حطيه على شعرك واهم شي يكون نظيف وغطيه ببلاستيك لمده ساعتين والافضل تعرضيه للحراره واغسله بشامبو اطفال بس شوي لانه مو مثل الزيت لازم فرك هذي بتخلي شعرك صحي ويللللللمع وطري
-اخر نصيحه اول ماتصحين الصبح اشربي ماء دافي عليه ملعقة عسل طبيعي واستني ساعه بعدها افطري هذي كفيله تخلي وجهك فيه نضاره
وبإذن الله هالأشياء بتنفعك ترى الكلام واجد بس كلها مايبيلها شي انتي بس نظمي وقتك وأدعيلي
@@@@بنات الله يوفقكم انا ابــــــــكي من القهر ساعدوني@@@
متابعة النقاش، صفحة 11