بنت اجاويد الله يعينك على البيبي والله يهديه وينام...
.
.
بنات عشان نفيد الملف
انا جربت في مناسبة محل الروشن..وهو محل نسائي على شارع العروبة..
صاحبته انسانه حبوبه واسلوبها حلو ..ماشاءالله عليها..
طبعا هي تجهز لك الحفله من الى..لكن انا بس اخذت منها صياني التقديم ..فمااقدر احكم الا على اللي جربته منها..
ميزتها انها تعبي لك من الحريم اللي تبين وتوفر علي سالفة التوصيل..يعني انا اخذت من رتيلا وكاجو وكم حرمة ثانية عن طريقها..
يعني انا استأجرت منها الصياني وعلمتها وش ابي بالضبط وهي كلمت الحريم وتفاهمت معهم ووفرت علي المشوار لان انا مناسبتي كانت زواج والصياني كثيره...وكمان تعبي لك من المحلات اللي تبين..انا اخذت منها صياني مكشوف من دونيه ...
شهادة حق هي انسانه حبوبه وترا كم واحده هنا تعاملوا معها ومدحوها..
انا والله لا اعرفها ولا تقرب لي ولا لي مصلحة باني اتكلم عنها الا انها بيضت وجهي في مناسبتي...
للاسف ماصورت الصياني ..
بس حبيت اعطيكم عنها موجز تجربتي ..
فن التقديم لبنات الرياض ( ملف شامل ومختصر لاهم التقديمات )
متابعة النقاش، صفحة 446