شعري ناعم ولكن؟؟ ساعدوني جزاكم الله مليون خير

السلام عليكم ورحمة الله وبركاته

خاوتي الاعضوات في هالمنتدى الجميل
الله يجيزكم مليون خير ويرزقكم الذريه الصالحه ويحقق لكم يارب كل امانيكم
عندي مشكله ما اقول مشكله كبيره عشان ما ابالغ مشكله بسيطه واتمنى الاقي حل عندكم هنا
حباايبي انا شعري ناعم ما شاء الله وما اعاني من مشكلة النعومه مشلكتي انو كان شعري قبل خفيف وجات فتره وصار كثيف وحلو شكله وهالحين بعد فتره رجع خفيف مره ثانيه مع العلم انو يوم صار كثيف ما استعملت لا زيوت ولا شي من الله كذى صار بس هالحين رجع خفيف يعني مو خفيف كثير بس ابغى يرجع كثيف مثل قبل وهذا انا استعمل زيت الخروع بس تركته لمده محدده لاني كنت بالحج وهالحين رجعت عليه وحطيت فيه حبة البركه مطحونه فيه وما ادري ووو بعد هالحين استخدم شراب الزعتر لاني قريت مره عندكم هنا انه مره زين لشعر ما ادري خواتي قولي لي شرايكم بشراب الزعتر هل صح يكثف الشعر هل تنصحوني بأشياء ثانيه وش رايكم بزيت حبة البركه؟؟ هل يوجد نصيحة اخرى على كثافة الشعر
اذكركم انو شعري كان طويل شوي بس يوم شفته يتساقط شوي قصيته للكتف عشان يكثر بس ما احس تغير كثير


ولا استخدم صبغات ولا شي لشعري ولا احط فيه حناء ولا سدر لاني اخاف يتغير لونه لانه من الله خلقني وشعري لونه اشقراني شوي يعني على شقووره لونه
؟؟؟

6 تعليق 621 مشاهدة

شاركي في النقاش

سجلي الدخول لإضافة تعليق.

التعليقات

6
  1. @aaashk_dhn_alaaod

    حياك الله معنا ثاني ابغى اقولك تجربت اختى راحت للعطار واخذت منه 1 -زيت السمسم واللوز الحلو والخروع والجرجير والزيتون والنارجين وقسم بالله اعتنت فيه عناية كل ثلاث ايام تدهن شعرها اذا بنتها راحت المدرسة وتغسلة الظهر وتغطيه بكيس نايلون بعد ماتدهنة والله ياشعرها طال وصار مرررة كثيف هواصلا كثيف بس زاد عن اولا وتقول انها استخدمت مكملات غذائة اى فيتامين وصار تحت المؤخرة وماشاءالله يفتن وماتحني ولاشئ
  2. @saaodyh_kasrh

    مرحبااااا اختي خليك على الزيوت والخلطاااات لانها يبيلها فترره طويله علشان تبااان النتيجه على الأقل شهرين بس في هالفتره انصحك تقصين شعرك مدرج او كوكتيل يعني فراوله م شلال بيطلع شعرك له كثاااافه :)
  3. @koko2009_1

    صاحبة الموضوع
    مشكووره عزيزتي عاشقة دهن العوود وانا ذكرتاني جربت الخروع وراح اشتري الي قلتيهم وبشوف
  4. @koko2009_1

    صاحبة الموضوع
    حبيبتي سعوديه انا قصيته مدرجات عشان يكثف بس احس تغير بسيط مو كثير يسلمو حبووبه
  5. @koko2009_1

    صاحبة الموضوع
    عطووني حلول اخرى قولولي شرايكم بشراب الزعتر ؟؟؟ والحبة السوداء مطحونه واضعها في شعري؟

تابعي تجارب أخرى من هذا القسم.