طفلك من عمر سنه الى سنتين وش الصفه المميزه اللي فيه

ولدي عمره سنه وعشر شهور يعشق شي اسمه المفاتيح مدري وش الحل معه لهالمشكله دايم مفتاح سيارة ابوه معه وبنت امك وابوك خذيه منه الله يصلحه بس .. وطبعا اي طلب يرفض له يصرخ ويصيح احيانا اطاوعه واحيانا اسمي عليه واخليه اذا تاكدت انه بس يتدلع ويعشق الخروج والطلعات طالع علي للاسف :p والميزات الحلوه انه لما يسمع الاذان يقول اكبر ولما يجي ينام يقول حبيبي عمري وهذا اذا كان راضي علي بس وطبعا هالاشياء انا علمته عليها ..بس اذا قسيت عليه مانام فالليل من التحسف واقعد اناظر فيه واحيانا ابكي ..سبحان الله الاطفال يجننون بس الله يعيننا على تحمل شقاوتهم الزايده احيانا ..بس انا تعلمت منه الصبر والتحمل والحلم لان عرفت ان العكس ماراح يحل المشكله ..فالصبر ثم الصبر ثم الصبر

يعطيكم العافيه على المرور
ياامهات الله يعطيكم الصحه والعافيه
الموضوع هذا مو للشكوى
انا قلت كل وحده تقول صفه حلوه في ولدها
علشان اذا في طبع حلو يمكن نسينا نعلم اولادنا فتجي وحده تذكرنا

تسلمي اختي موضوعك مره حلو ونستفيد من بعض في تعويد الطفل للصفات الحلوه
انا ولدي عمره سنه واربع شهور من يوم تعلم يوقف صار يجي جنبي بالصلاه حتى لوكان يلعب يقطع اللعب يكبر مثلي بس بكلمات مومفهومه مره وبسم الله عليه يركع معي ويسجد معي ولمااخلص يقوم يكمل لعبه الله يحفظه ويهديه

انا ولدى عمره سنه واربع اشهر اولدي اذا شاف احد يصلي يقوم يكبر ويسجد على طول وفيه عاده حلو اذا اخذا كتاب من الدرج وخلص لعب ياقلبي يرجعه مكانه والكوب اذا خلص منه يحطه على الطاولة المكتبه خخخخخخخخخخخخخخخخخخخخ بس انكسر للاسف ماعرف يحطه زين