الحنه

يابنات انا ابغا اعمل حنه بس ابغا معلومات عنها فياريت اللي تعرف ماتبخل عليه عندي اسئله


1-كم مره في الشهر الوحد ه ممكن تعمل حنا؟
2- هل الحنا تنشف الشعر؟
3-ايش الاشياء اللي ممكن نخلطها مع الحنه عشان تدي لون حلو وفي نفس الوقت ماتعدم الشعر؟

4 تعليق 5,261 مشاهدة

شاركي في النقاش

سجلي الدخول لإضافة تعليق.

التعليقات

4
  1. مرحبا اختي hatoon

    حبيت اقولك ان الحنا تستخدم حسب نوعية الشعر


    فمثلاً الشعر الناعم الدهني تقدرين تحنينه بالشعر اكثر من 3 مرات

    والحنا اعتقد تنشف الشعر الجاف بس اذا كان شعرك جاف حطي معه زيت زيتون

    او اذا حطيته بشعرك وغسلتيه بالمويه استخدمي اي زيت لشعرك عشان مايكون ناشف

    وانا عن نفسي مرة فترة احني شعري تقريباً 7 مرات في الشهر لان طبيعة شعري دهني وخفيف وناعم

    واخط مع الحنا 2ملعة سدر

    و2 ملعقة محلب

    و2 ملعقة حلبه

    و2 ملعقة مشاط

    و1 بيضة

    و4 ملعقة زبادي

    هذي الخلطة انا استخدمه لشعري الدهني


    واذا انتي شعرك دهنى استخدميها تنفع

    اتمنى اكون إفدتك

    وعلى فكرة ترى في المنتدى خلطات واااجد للحنا سوي بحث وتلقينها ممكن تفيدك أكثر


    تحياتي لك
  2. ياهلا فيك اختي
    بالنسبة لاسئلتك
    1-كم مره في الشهر الوحد ه ممكن تعمل حنا؟
    حبيبتي الحنا افضل شي يستعمل مرة في الاسبوع لانه عبارة عن منظف ومطهر للشعر
    بس فيه بعض انواع الشعر يتحمل وضع الحنا اكثر من مرة في الاسبوع مثل الشعر الدهني
    2- هل الحنا تنشف الشعر؟
    ايه الحنا تنشف الشعر وعشان كذا لازم بعد ماتستعمليها تحطي اليوم الثاني حمام زيت او بعد ماتغسلين شعرك من الحنا حطي حمام زيت فاشكول مثلا ربع ساعة وبعدين اشطفيه بالماء
    واذا كان شعرك من النوع الجاف اخلطي مع الحنا دائماً زبادي كامل الدسم
    3-ايش الاشياء اللي ممكن نخلطها مع الحنه عشان تدي لون حلو وفي نفس الوقت ماتعدم الشعر؟
    فيه اشياء كثيرة مثل الكركديه مع الحنا يعطيكي لون احمر
    والكركم يعطيكي لون اصفر
    وقشور الباذنجان تعطيكي لون اسود
    وفيه موضوع عن هالخلطات في المنتدى لو سويتي بحث راح تلاقيها
    --------
    وهذا بعيد عن الاسئلة من واقع تجربتي
    خلطة للشعر تزيد كثافته ونعومته
    حنا تعجن بحليب كامل الدسم مع بيضة وملعقة عسل طبيعي وملعقة زبادي توضع على الشعر ثلاث ساعات ثم تغسل وتستخدم مرة في الاسبوع
    من جد خلطة اكثر من رووووووعه
  3. صاحبة الموضوع
    وردة العشاق انا شعري ماهو دهني ولا جاف بس خفيف وعادي
    وبنت الجبيل حلو الخلطه بس هل تدي لون للشعر ؟ وايش هوا؟
    وعندي معليش كمان سؤال لمن اعجن الحنه كم ساعه اسيبها قبل مااستخدمها؟
    وايش احسن نوع للحنه ومن فين؟؟؟؟؟
    معليش اسالتي كتيره
    مره شكرا وجزاكم الله الف خير
    :26: :26:
  4. وبنت الجبيل حلو الخلطه بس هل تدي لون للشعر ؟ وايش هوا؟
    مافهمت اي خلطة تقصدين
    اللي بالزبادي تعطيكي لون الحنا العاديه واذا شعرك قاتم ماراح تعطيكي لون واضح
    واذا تقصدين الكركديه او الكركم او قشور الباذنجان فانا حاطتلك جنب كل واحد اللون اللي تعطيه

    وعندي معليش كمان سؤال لمن اعجن الحنه كم ساعه اسيبها قبل مااستخدمها؟
    حبيبتي انا عن نفسي احيانا احطها على طول بعد العجن واحيانا اخليها نصف ساعة تتخمر بعدين احطها واحيانا ثلاث ساعات تتخمر وبعدين احطها وهذا افضل شي

    وايش احسن نوع للحنه ومن فين؟؟؟؟؟
    افضل انواع الحنه حنا المدينه درجة اولى تلاقي الكيس الكبير منه ب 500 ريال
    واكيد راح تلاقي منه في جدة من العطارين بس لو كنتي في الرياض راح تلاقيه بسهولة في سوق البطحاء الشعبي

    واي اسئلة انا حاضرة عيوني

تابعي تجارب أخرى من هذا القسم.