أبي حل ملييييت ....تعبت

بصراحه بنات ماقصرتوا معاي
فعلا حسيت عندي أخوات رائعين
ومثل ماقلتي( يادودي 24) عطتيني حل مضبوط :llove::llove:****الله ينفع معاه بحاول أثقل وأتغلى مع اني والله ماأشوفه الا وقت النوم لأنه راعي طلعات والشقه يعتبرها للنوم فقططط
الله يعين بس
واذا مانفع بلجأللدعاء وادعولي بنات الله يهدي أزوجنا لنا ويألف بيننا ولا يجعل الشيطان علينا سلطان آمين..

لاحظت انه اكثر الحريم لما تجي وحدة عندها مثل ها المشكلة تكون النصيحة صارحيه كلميه او اكتبي له رساله ... بس الزوج ما يتأثر بها الكلام بالغالب ... اذا صارحته بيقولها انتي شو ناقصج ومن ها الكلام .....

بخبركم عن زوجي ....

احلى سنوات العمر فترة الخطوبة كانت كلها نكد بنكد ...بعد الزواج هدت الأمور ..... وبعدين صار وايد يطلع ويروح ويجي .... ولما اكلمه يقول انتي شو ناقصح واصلا انتي ليش ما تطلعين وتتمشين وتروحين مولات وتزورين ربيعاتج انا ما قلت لج لا روحي وغيري جو .... انا ما احب ها الامور بعدين من الوحدة والحبسة صرت اطلع بس ما يخليني اتهنى بطلعت يتصل في الدقيقة 10 مرات انتي وين وشو تسوين ومتى بترجعين وارد البيت بعد ساعتين او اقل يعني ما الحق اسوي اي شي بسبب اتصالاته

المهم الحين عندي بنت تسليني واسليها مرة من كثر ها النكد وانه ما يعبرني ولا يعطيني فرصة اعبر عن مشاعري ولا اني اكلمه اقوله ما احس بوجودك جنبي شو سويت .... انا الحمد لله عندي موهبة الكتابة والتعبير ... ما كتبت له رسايل .... وما وجهت له الكلام بالخواطر اللي اكتبها ... يعني مثلا اكتب عن الوحدة واني احتاج من يكون معي يكلمني ويحضني ويقول لي كلام حلو ......الخ ... وأجمع كل اللي اكتبه .... وصرت اطفش من الكتابة بأوراق فسويت لي ملف بالكبيوتر واكتب كل اللي خاطري هناك ... مرة فتح االفولدر مالي ودخل على خواطر وقرا كل شي ... من غير اي كلام يا بالليل وحضني من الخاطر وانا ما اعرف شو السالفة بس كملت نومي ... ثاني يوم ما طلع يكلمني ويحاول يعوض ووووو بعدين لقيت الفولدر مفتوح وقرا كل شي ...

الزبدة ....

حبيبتي سوي مثلي اكتبي كل مشاعرج عالورق أو بالكمبيوتر وسوي انج بين كل فترة والثانية انج نسيتي الفولدر مفتوح لما يدخل البيت مثلا ويروح للكمبيوتر روحي على طول قولي له سوري نسيت الصفحة مفتوحة بسكرها وكمل بكيفك بيجيه فضول وبيفتح وبيقرا ... وبها الشكل يمكن يتأثر ويفهم من نفسه


والله يوفقج جبيبتي

جربتي كل شي مانفع
جربي التطنيش ..وعيشي حياتك بدونه ..همشيه يعني .
يمكن يفوق..

الله يعين يارب شكل اغلب الرجال كذا
يعني الله يستر لاتتطور بزوجي هههه
من اول زواجنا تضايقني امور كثير واقول تتعدل مع الوقت
اول زواجنا كنت خايفة منه وماتقبلت انام بجنبه مع ذلك بعز نومه يسحبني عنده وانا ساكته مع اني ماعرف انام ابد كذا..
بعدها صار مستحيل يقرب لي لو مااقرب انا وحتى لو قربت مايرفع ولا يده ولا يلمسني يعني احس نفسي فعلا لزززززززززقه..
وابعد اخر شي..:44:
اقول له وش غيرك يقول ماعرف انام بجنبي احد ذكرته بايام اول شلون ينام جلس يضحك قال الحين اخاف اعورك او اعور البيبي
قلت العب غيرها ادري مو صادق جلس يضحك بقوة يعني مو صادق انه يخاف بس مدري ليش..!!

ربك يعين ان شاء الله........ويسخر لنا ازواجنا ويسخرنا لهم يارب