)(! تجـــ م ـــع طالباتـ ثالـــــث ثآآآإإإنوي تخصص علـــــ م ـــي !)(

29 ديسمبر 2008

ليالي العاصفة

بنات الله يخليكم ساعدوني مافهمت الكيمياء [/COLORر](دس المواد المتأكسده والمختزله ) يعني كيف أعرف إن هذي مادة متأكسدة أو مختزلة وكيف أوزنها لأني مافهمت من شرح الأستاذه:(

حبيبتي ليالي ..

حنا نستخدم الاكسده والاختزال في وزن المعادلات ..

كيف نوزن المعادلات.؟!

اول خطوة تسوينها تتأكدين انو الذرات متساويه ..

مثال :

CU+O2----> 2CU2

تتأكدين من ان CU موجوده في الطرفين اما الاوكسجين والهيدروجين مانحسبه ..

ثاني خطوه تجيبين اعداد الاكسده لكل العناصر او المركبات في المعادله .. ( هذي سهله مره )

ثالث خطوه تحددين وين الاختزال ووين الاكسده وهنا سؤالك ( ركزي فيه )

تقارنين بين عدد اكسدة المركب في المواد المتفاعله وشبيهه بالمواد الناتجه

اذا عدد الاكسده زاد معناها اكسده .. اذا قل معناها اختزال ..

مثال :

***Ag* +Al----> Ag + Al

(* يعني موجب )

نطبق من اول خطوة ..

تأكدنا انو عدد ذرات الفضه متساويه وعدد ذرات الالمنيوم متساويه

ثاني خطوه نجيب اعداد الاكسده

للمواد المتفاعله :

الفضه عدد اكسدتها موجب واحد

الالمنيوم صفر

للمواد الناتجه:

الفضه صفر

الالمنيوم موجب ثلاثه

الحين نقارن الفضه من المواد المتفاعله مع شبيهتها الفضه من المواد الناتجه والالمنيوم من المواد المتفاعله مع شبيهتها من المواد الناتجه ..

في المواد المتفاعله الفضه =1 وفي المواد الناتجه الفضه = صفر ( معناها عدد الاكسده قل وهذا معناه انو اختزال)

في المواد المتفاعله الالمنيوم = صفر وفي المواد الناتجه الالمنيوم = 3 ( معناها عدد الاكسده زاد معناها انو اكسده)

طيب حددنا وين الاختزال ووين الاكسده ..

الحين نقسم التفاعل الى نصفين:

نصف تفاعل اختزال ونكتب اللي طلع اختزال .. ونكتب تحت كل عنصر عدد الاكسده اللي طلع له

Ag*-----> Ag

صفر ...... 1

وعشان نحدد عدد الالكترونات نطرح 1 - صفر = 1 ( يعني عدد الالكترونات واحد نضيفه مع المعادله )

Ag*-----> Ag + واحد الكترون

النصف الثاني نصف تفاعل اكسده ونكتب اللي طلع اكسده ونكتب تحت كل عنصر عدد الاكسده اللي طلع له

***Al ---->Al

3 ........ صفر

وعشان نحدد عدد الالكترونات نطرح صفر -3 =-3 ( يعني عدد الاكترونات سالب ثلاثه يعتبر ثلاثه ونضيفه مع المعادله )

***Al ---->Al + ثلاثه الكترون

الحين نقارن بين عدد الالكترونات لازم تكون متساويه وبما ان عدد الكترونات معادلة الفضه واحد نضرب المعادله كلها بثلاثه عشان تصير نفس عدد الكترونات الالمنيوم

بتصير المعادلتين:

3Ag*-----> 3Ag + ثلاثه الكترون

***Al ---->Al + ثلاثه الكترون

الى هنا بالنسبه لهالمعادلتين انتهى الحل لان مافيه اوكسجين او هيدروجين

لكن لو المعادله المعطاه فيها اوكسجين او هيدروجين لازم نوازنهم .. كيف.؟!

نبتدي بالاوكسجين

نحدد عدد الاوكسجينات بالطرفين ونزيد جزيئات ماء بالطرف اللي فيه اوكسجينات اقل بعدد الاوكسجينات اللي يزيد عنه الطرف الاول

يعني لو الطرف الاول فيه 5 اوكسجين ,, والثاني 3 اوكسجين

نزيد على الطرف الثاني جزيئين ماء

خلصنا وزن الاوكسجين .. نجي لوزن الهيدروجين

هنا بهالخطوة لازم نشوف الوسط هل هو حمضي والا قاعدي

اذا حمضي ::

نعد الهيدروجينات في الطرفين ونزيد جزيئات بروتون( Hموجب) بالطرف اللي فيه هيدروجينات اقل بعدد الهيدروجينات اللي يزيد عنه الطرف الاول

يعني لو الطرف الاول 8 هيدروجين .. والثاني 4 هيدروجين

نزيد 4 بروتون بالطرف الثاني ..

اما اذا كان قاعدي :: ( هذا ركزي فيه )

نعد الهيدروجينات بالطرفين ونزيد على الطرف اللي فيه هيدروجينات اقل جزيئات ماء بنفس عدد ماينقصها من الهيدروجينات بعدين نزيد نفس هالعدد جزيئات بروتون على الطرف الاول اللي كان فيه جزيئات هيدروجين اكثر

اوضح الكلام بمثال ::

لو كان الطرف الاول 6 هيدروجين والثاني 2 هيدروجين

يعني الثاني ناقصه 4 هيدروجين صح .؟! بنفس هالعدد نزيد جزيئات ماء بالطرف الثاني يعني 4 جزيئات

وبعدين نزيد نفس العدد 4 جدزيئات بروتون بالطرف الاول اللي فيه 6 هيدروجين ..

أخيرا بعد هالخطوة نجمع المعادلتين الناتجتين اذا فيه اختصارات نحذفها مع بعض

ونكتب المعادله الناتجه

واذا نبي نتأكد انو معادلتنا صح نجمع شحنات المواد المتفاعله ولازم تكون مساويه لشحنات المواد الناتجه..

يارب تكونين فهمتي علي ياقلبي وربي تعبت وتكسرت اصابعي :06:

وكل اللي ابيه منك دعوه صادقه ..

واذا مافهمتي حاجه قوليلي واعيدها لك ..

دمتي بود ..

)(! تجـــ م ـــع طالباتـ ثالـــــث ثآآآإإإنوي تخصص علـــــ م ـــي !)(

التعليقات

ادخلوا تجمع امهات طلاب الفصول الدراسيه

ادخلوا تجمع امهات الفصول الدراسيه

تجمع بنات الثانويه لعرض تجاربهم ونقاشهم

تجمع للمعلمات

تجمع طالبات ثاني ثانوي ادبي ١٤٣٩