شاركي في النقاش

سجلي الدخول لإضافة تعليق.

التعليقات

38
  1. الله يوفقك هذا اهم شي
    شوفي ياعسل اهم شي تقسيم المهر
    وكل اسبوع خصصيه لشغله
    صدقيني بيسهل عليك كتير

    اما عن الشنط وترتيب الملابس
    شوفي بقولك تجربة وحده اعرفها
    شرت لها اكياس من القماش تشبه الصره عرفتي بس انها كبيره
    رتبت في وحده الكلتات وفي2 السنتيانات
    وف3 الارواب السلتانات اللي ماتترتب بالشنطه
    وحطت ف4 مستلزمات الحمام وانت بكرامه
    متل الفرشه والمجون والغسولات والشامبو
    فهمتي ورصتهم فالشنطه الوسط حقت شهر العسل بالضافه الى
    ترتيب البناطيل والبديهات والفساتين القصيره والخ لوزم الدلع وطبعا لا ترتبيهم الى اذا قرب العرس
    وقبل الترتيب اكويها وخلي الشغاله تصفطها زين
    وخذت شنطه خاصه بالكسسوار
    وشنطه خاصه بالمكياج والعطور طبعا تكون صغار وملائمه

    وشنطه كبيره للملابس الرسميه والجلابيات وهكذا
    ونصيحه لاتاخذين كل عطوراتك ومكياجاتك اثناء السفر والتجوال لانها احتمال كبير تخرب

    اووووووووو هذا اللي عندي الآن واعذريني ع القصور
    واي شي انا حاضره بس ارسلي ع الخاص
    ان شاء الله اكون افدتك
    ادعيلي بازوج الصالح اللي يسعدني ويعوضني
    والف مبروك مقدما
  2. @dndoooooshh

    سلام يا حلوة يا بقايا
    أنا عروسة جديدة والعفش حقي كان من جد حلو مو بشهادتي لا والله بشهادة كل من شافه
    ما رح أقولك عن تقسيم المهر والمشتروات لأن الأخوات ما قصروا..
    المهم شدي حيلك ترى مابقى شي على زواجك :hahaha: قاعدة أخوفك بس بالفعل يادوب تبدأين
    رح أعطيك أفكار لعرض أغراضك وترتيبها
    *أولا اشتري طقم شنط فخم وما يكون تقليدي يعني يبين إنه حق عروسة ومو لازم لون غامق خلاص زهقنا أنا شنطي لونها وردي شامواه وفيها تطريز فراشات على الجنب اشتريت طقم مكون من أربعة الماركه اسمها برير كاردين مشهورة وممتازة يجي على كل شنطة تغليف شفاف يحافظ عليها بالمطارات وغيرة لا تبخلي هذي الشنط لك وللزمن كلفتني3700 ريال بس تستاهل
    المهم الشنط خليها بس للملابس
    كيف تعرضي الملابس أناأقولك :S_45:
    تطبقين الملابس كل طقم لحاله يعني بنطلون أسود معاه البلايز الي ممكن تلبسينها معاه وترصينهم فوق بعض وتربطينهم بشريطة كأنهم هدية أنا لفيت كل طقم بشفاف ملون بس من لفة مو تجليد كامل يعني يبين من الجبين الثانية الملابس وفوقها بشرايط نحيفة أرقنزا ملونه أصفر وأخضر تفاحي وبرتقالي وكذه لييييييييين خلصت ملابس التطبيق كلها طبعا تكوني مقسمة ملابس للتطبيق وملابس للتعليق
    التطبيق البناطيل والبلايز وملابس البيت بجامات محترمة للبيت يعني مو أشياء الزوج
    التعليق التيورات الفخمة الفساتين القصيرة فساتين سهرة (لاتكثري نصيحة اثنين يكفوا) وللتعليق اشتريت علاقات حلوة الي تجي ساتان سكري وردي مخمل واشكال غيرها اختاري الي يعجبك بس اشتريها بعد ماتخلصي من شرى الملابس عشان تحسبي كم تحتاجي
    هنا الشنط تتقفل.. خلاص مافي شي ثاني ينحط فيها
    خلصنا الملابس العايدية نجي للداخلية والقمصان نصيحة وأنا أختك اشتري صناديق حلوة أنا اشتريت من لايف ستايل الي بستي بلازا عندهم اشكال كثيرة وحلوة وحاولي انت تطقمي يعني أنا اشتريت صناديق وردية وفيها موف وفوشي لان في عفشي ذي الألوان اشتريت أشكال كثيرة كلفتني 400 ريال بس مستفيدة منها الى الان ارتب أغراضي فيها
    خصصي صندوق للملابس الداخلية الأطقم عفوا السنتيان والكلوت وصندوق للكلوتات القطنية العادية لأنها صحية أما حقت الأطقم دايم يجي فيها نايلون وضرة اذا لبستيها لفترة طويلة
    صندوق للشلح والهيلوهبات والشراريب صندوق لأحذية البيت تكرمين برضوا لاتكثرين ألوان أساسية وبس طبعا كل ماخلصتي صندوق حطي فيه كور الخشب اليفيها ريحة تلاقيها بلايف ستايل بعد ماخلصتي منهم حطي كل اثنين فوق بعض واربطيهم بشريطة عشان وقت النقل ماتنفتح وكمان تحافظلك على خصوصيتك
    نجي لصناديق نوع ثاني أكبر وأغطيتها ماتنشال زي الأولى لاتنرفع وتتقفل هذي مرة حلوة وعملية ومخلة أدراجي الى الان حلوة ومرتبة
    استخدمتها لأشياء كثيرة منها للقمصان القصيرة والي تجي قطعتين وانتهيت من الملابس الداخلية ايوة صح القمصان الطويلة برضوا تتعلق بس خلي أهلك يعلقوها في قسم زوجك عشان لمايجي يحط ملابسه ياعيني:heart: يتحمس
    نرجع للصناديق الثاني حطيت فيه ورد مجفف ورتبت عليه أشياء الشعر السشوار الفرشة والمشط والبنس والمكر رصيت كل مكرتين وربطتهم بشريطة صغيرة وبس انتهينا من الشعر
    صندوق ثالث للكريمات حطيت ورد برضوا ورصيت كريماتي ومعطرات الجسم
    أما المكياج كنت أول شي بشتري شنطه بعدين فكرت أغلفه في محل والمحلات حرامية 1200 ليش بيزيدني مكياج:icon810: غير إنه عادي وتقليدي ومو عملي بس طاحت علي فكرة من نفس مجموعة الصناديق في صندوق على شكل شنطة وله يد منفوق قلت بس هذي شنطة مكياجي بس عشانها عميقة وأنا أبغى أعرضها جبت فلين وقصيته على قد الفتحة وغلفته بلون فوشي نفس الورق الي استخدمته للف الملابس ورصيت المكياج بطريقة حلوة وثبته بنقط من غراء المسدس والشكل الخارجي اشتريت ورود حلوة كأنها زجاج من أبوريالين وزينتها الشنطة الثانية زيها بس صغيرة حطيت فيها أغراض تابعة للمكياج زي الفرش والقطن وأعواد الأذاني وشنطة صغيرة من بودي شوب حت الأظافر قصاصة ومبرد ومقص ومزيل مكياج مزيل مناكير
    العطور صندوق زي حق الكريمات والشعر بس صغير ورصيت العطور وسدحتهم بطريقة مرتبة وزينت من برا مثل المكياج وتوابع المكياج

    باقي أفكار حقت الجزم تكرمين الشنط والمفرش وطقم الحمام والإكسيسوارات والبكل والذهب اذا حبيتي أكمل ردي وقولي كملي لأن اهم شي تكوني استفدتي ولا مافي داعي أكمل
    سلاااااااااااااااااااااام:icon35:
  3. @mlak_sdyr

    اهم شي لاتكثري عطور لانك بتملي منها و تغيرينهاخذي4ولزوجك2 وفيه عطور خاصه لاثارة الزوج فيه وحده منزله موضوع عنها باسم العطور الخاصه بقسم المكياج سويله بحث بيفيدك واشتري طقم للجسم كامل من محلات العنايه بالجسم وبالنسبه للمكياج خذي الماركات المعروفه ولبس البيت من الاماكن مو الغاليه مثل الهرم وستي ماكس ومبارك ستايل و بتحتاجينها كثيرفكثري منها وكمان لاتنسين العطورات وللوشنات الشرقيه وخذي مسك الطهاره وغسول طبي للمنطقه بصراحه ودي اساعدك اناجهزت بنت خالتي واختي وساعدت بنت عمي اذا تبين مساعده على الخاص بس اهم شي اكتبي كل شي بورقه والمبلغ اللي بيكلفك والله يوفقك

تابعي تجارب أخرى من هذا القسم.