شاركي في النقاش

سجلي الدخول لإضافة تعليق.

التعليقات

38
  1. @aro_6

    الفرق بيني وبين اختي اللي اصغر مني 4 سنوات وفي وقت كنت انخطب فيه بس ماكنت أوافق لأن يكون موهو اللي أتمناه لأسباب عدة جاء لأختي ناس يخطبونها وأبدن تمنيت لها التوفيق لكن لم يكتب الله وحصل أن تزوجت أنا قبلها ثم تزوجت هي بعدي بثلاث سنين ....

    لازم تنتبهون خواتي لاتوقفون بوجه خواتكم حتى لو كانوا أصغر منكم بعشر سنين لأن هذا يعتبر من باب الغيرة يعني دايم نسمع بنات تزوجوا وأعمارهم ماتعدوا ال15 وماشاء الله توفقوا بحياتهم طيب انا الله كاتب لي أتزوج بتزوج لو عمري 40 سنة والتوفيق من رب العالمين ربما بيأتيني في يوم من الأيام نصيب رائع بسن أكون فيها أكبر من عمري الحالي ....

    لا أقول هذا لأني متزوجة لا أبداً والله اني أسعى في تزويج الكثير ممن أعرفهن وأتمنى لهن الخير لكن يشاء الله ومايريد سبحانه ....

    تجنبن الغيرة أخواتي خاصةً بين الأخوات فلربما وفقك الله وتزوجت ثم جلست أختك التي أوقفتيها لغاية في نفسكِ ولم يطرق بابها أحد أتعتقدين أنها ستسامحك في يومٍ من الأيام على إيقاف نصيبها ؟؟!


    المطلوب هو تقوى الله .....

    وجزاكِ الله خير أختي على طرح الموضوع
  2. @pink_pink

    موضوع حلو
    انا الفرق بيني وبين اختي 11 سنة
    انا باصير عقب باجر 22 وهي الحين عمرها 11
    يعني لو الله راد و عنست
    (قولوا اسم الله عليج في عدوينج و لا فيج )
    وصار عمري 32
    وهي 21
    وتزوجت

    سأتألم كثيرا (فلم هندي)
    بس راح افرح لها واراكض وياها حق ترتيبات العرس

    صديقتي صار لها هالموقف بس الفرق بينها وبين اختها سنة وحدة بس بس اختها كانت تبين اكبر منها فكانت تنخطب على اساس ان الصغيرة هي الاكبر..

    الله يرزقنا ان شا الله اجمعين

    مشكورة اختي هاجر 24 على هالموضوع
    جزاكي الله خيرا
  3. @pink_pink

    بالنسبة لنظرات الناس
    اللي ماتحرم
    ماراح تكون في صالح الكبيرة اللي ماتزوجت للحين
    وراح يتسألون ليش للحين ماتزوجت
    متناسين ان هذا قدر ومكتوب من رب العالمين انكتب لها وهي في بطن امها
    وراح تكون كل المميزات الحلوة للي تزوجت
    بس مو دايم
    لان سبحان الله وشفت بنفسي ان تكون الاخت الكبيرة احلى من الصغيرة ومع ذلك تزوجت الصغيرة قبل

    الله لا يحطنا في هالموقف ان شا الله
    والله يرزق الجميع بالزوج والذرية الصالحة
    اللهم امين
  4. @hlaaa_1

    كل شي قسمة ونصيب
    والل يجيها نصيبها الاول .. الله يوفقها
    مع العلم اني متزوجه من زماان وانا اكبر اخواتي
  5. @hagr24

    صاحبة الموضوع
    السلام عليكم ورحمة الله وبركاته،،،
    اهلين حبائبي..
    مع ليش أمس ما قدرت ارد على كل وحدة وكتبت بشكل سريع ،،لأني مستعجلة
    بس اليوم راح ارد عليكم وحدة وحدة..
    بسم الله.....
    حبيبة ابوها...ماشاء الله عليك..صابرة ومحتسبة الأجر عند الله وفعلاً...إن ما عند الله خير...

    gaamra..على قولتك ..التوفيق من الله سبحانه وتعالى وبس...

    مي موووون.. الله يسعدك..ويهنيك..

    نجمة سماء..؟؟يعني وش..!!نعم ..لا..وضحي اكثر..

    سفينة...يعيني عليك..وصحيح..الأهل لهم دور في الموضوع..وإن جيتي للحق من حقهم يخافون على بناتهم من حكي الناس..ليش تزوجت الصغيرة قبل الكبيرة..؟ليش هي فيها شيء علشان ما حد يخطبها..؟ والله يعينا يالبنات..@
    ذكرتني بقصة..ناس خطبوا الكبيرة، والأم رفضت علشان البنت في عيب بسيط ويروح مع العلاج الطويل..واعطت الناس الصغيرة..بصراحة موقف شين في حق الكبيرة..خلها متحطمة ونفسيتها زيّ الزفت..والحمد لله ربي اكرمها بزوج..

    اهلين يالموسوسة..صح كلام الناس..ما يرحم..وبعد ما يقدم ولا يأخر..اهم شيء قناعة الشخص بالفكرة..وفعلاً الناس مالها شغل غيرنا يالبنات..هذي ما تزوجت..وهذي تزوجت..هاذي ما حملت..وهذي حملت...!!المفروض نأخذ كلام الناس ونرميه في البحر..

    هلا زهرة جدة..صدقتي والله..إذا ما فرحت الأخت لأختها راح تفرح لمين...

    اهلا بنوته..فعلاً الدعاء سلاح لمؤمن..بس بعض البنات مشكلتهم يقولون..نستنى المكتوب..وإلي ربي كاتبه راح نأخذه ..إعتمادهم لدعاء قليل..المفروض الوحدة تتوكل على الله وإلي يصير راح يصير إذا إلتجأنا إلى الله..
    جميلة القصة ،بس تدرين شكل البنت أخذت على كلام الشيخ وتفسيره وانه هو إلي صح..المفروض..يتوكلون على الله وبس وربي يكتب إلي فيه الخير..

    حبيبتي ريح المسك..ماشاء الله على اخواتك وعلى قناعتهم..والله يفقكم ويسعدكم..


    حبيبتي ـ أروى ـ سبحان الله ،نيتك صافية وقلبك ابيض..علشان كذا ربي عطاك على قد نيتك..وفعلاً ليش اقف في طريق سعادة أختي..اليوم جاءها عريس كفؤ..وردته..يمكن بكرة يا يجيها عريس الله بالخير..ويمكن ما يجيها خير شر..

    pink@pink بسم الله عليك في عدوينك ولا فيك...حتى لو ـ لا سمح الله ـ صار عااادي وسعي صدرك..يعني إلي تزوجوا اسعد حظ من إلي ما تزوجوا..أهم شيء قناعة الإنسان بالشيء إلي عنده..من مال من علم من وظيفة من حب الناس وإحترامهم لك..والشيء إلي مو عندك ولا تدري وش خيره من شره لا تقتنع فيه..

    هلاااا يا هلااا...صح كل شيء في هالدنيا قسمة ونصيب..

    الله يسعدكم ويرزقكم..قبل اخواتكم وانا طبعاً قبلكم..
    آمييييين

    وبعدين ملحوظة صغيييرة:
    يالمتزوجات ..على بالكم مسوين تفاعل ومتأثرين..ولا تقولن..الحمد لله إنا تزوجنا قبل أخواتنا الصغار..بغيتوها من الله..اخخخخخخخخخ منكم...
    امزح..والله سعدنا بمشاركتكم وردوركم...

تابعي تجارب أخرى من هذا القسم.