السلام عليكم جميعا..
أكيد سمعتوا كلكم عن رسيفر العائلة..
أبي أشوف رأيكم وهل هو فعلا يحذف البرامج غير اللائقة على قولتهم؟
أنا دخلت موقعهم ولقيت إنه فيه نوعين الثقافي والذكي.. الثقافي ما فيه زود كله قنوات إخبارية ورياضية:16:
أما الذكي فهو اللي عجبني .. لأن فيه كثير قنوات ترفيهية بس سموه الذكي على أساس إنه يحذف البرامج غير اللائقة مثل ما قلت لكم ..
من جربته بلييييييييييييز تفيدني بتجربتها .. أنا أبغى مسلسلات وبرامج حلوة بس ما أبغى أدخل شي مو مضمون..
وسلام على الحلوات:26:
شاركي في النقاش
سجلي الدخول لإضافة تعليق.
التعليقات
8- اهلي عندهم رسيفر العائلة واول مرة اري ان فيه نوعين لكن اللي عندهم اول مااشتروه كان فيه اكثر من 80قناة والحين فيه اكثر من 90 قناة واتوقع انه كلما طلعت قناة دينية او ثقافية تدخل تلقائي في احداثيات الرسيفر وبعض القنوات تجيب مسلسلات مثل السعودية والشارقة
بس فيها عيبين
اولا الموسيقى موجودة مو مثل رسيفر الفلك اذا ماكنت غلطانة مافيه موسيقى ولاحريم
ثانيا فيه قنوات رياضة مثل الجزيرة ودبي وتجيب نساء رياضيات وملابسهم الخالعة وسلامهم على الرجال بس اتوقع تقرين تحذفين القناة اللي ماتبينها
اما القنوات الدينية ماشاء الله تبارك الله ما تلحلقين وماتدرين تحطين على اي قناة من المحاضرات الهادفة والدينية اللي فيها
اتمنى اني نفعتك - اولا حبيبتي نصيحة لك ابعدي عن وجع الراس وعليك بالفلك
وبعدين انا عندي العائلة زي الدش العادي بس مشقر بعض القنوات مثل الاجنبية واي خدمة راسليني خاص - جزاكم الله خير يا نبض قلبي وملهمة الأمل..
المشكلة أنا صراحة من زمان زهقانة من قناتنا السعودية وبرامجهم الخايسة..
ودي لو كنت ملتزمة وتكفيني البرامج الدينية بس أنا جربت عندي المجد لي أكثر من سنتين وما كفتني صرت أعوض باستئجار الأفلام..
عشان كذا أبغى رسيفر العائلة عشان يجيب لي المسلسلات اللي أبي والتسلية بس بدون ما أحط إيدي على قلبي وأخاف أنه عيالي يشوفون مقطع مو حلو...
أنا دخلت على موقعهم وكلمتهم يقولون يحذفون الأفلام بكل جنسياتها والفيديو كليبات والمسلسلات المكسيكية.. بس أنا حبيت أسأل أحد مجرب وعلى قولتهم أسأل مجرب ولا تسأل طبيب..
يا ليت اللي عندها فكرة عن الموضوع أو مجربته تفيدنا جزاها الله خير.. - انااول مره اسمع فيه ,,, والله شي حلو بارك الله فيك
يارب يصلح ابنائنا وازواجنا ويقدرني اني ادخله لهم
الله يجزيكم الجنه ,,
دعواتكم لي بصلاح الحال الله المستعان - آآآآآآآآآآآآمين يا ديوهارت للجميع إن شاء الله
غريبة ما فيه ردود كثيرة مع إني لما دخلت على منتديات متكلمين عنه يقولون له أكثر من سنة نازل..
يار يت إللي عندها خبر زيادة عن الموضوع تفيدنا ..
تسلمون جميعا..
مواضيع مشابهة
تابعي تجارب أخرى من هذا القسم.