بنات شجرتي قاعدة تموت

السلام عليكم و رحمة الله و بركاته

مرحبا بنات .. مشكلتي الله يسلمكم اني سكنت بيت جديد للايجار
و كان المستاجر اللي قبلي زارع الحديقة و مهتم فيها
و احلى شئ انه مسوي مثل المظلة و زارع عليها شجر عنب من الاربع جهات شكله يجنن :32:

بس للاسف ما ادري شو صار خلى ثنتين من الشجر يجفن تتساقط اوراقهم
و اتغير لونها للبني و منقط بالرمادي :06:

في وحدة قالتلي ان العنب يمر بفترة مثل البيات
و يجف و تتساقط اوراقه لدرجة ان اللي يشوفه يفتكر انه مات
بس بعدين يرجع يخضر
بس بصراحة انا ما اقتنعت بالكلام لان العنب المزروع على الجهة ثانية ما صارله هالبيات اللي تتكلم عنه و لسه اخضر و حلو


الله يخليكم بنات في حد يقدر يساعدني ؟؟؟ :44:

4 تعليق 710 مشاهدة

شاركي في النقاش

سجلي الدخول لإضافة تعليق.

التعليقات

4
  1. @romee

    والله حسرتيني معاك
    ولكن للأسف ما اعرف
    أحيانا يصير لنباتاتي مثل هذا وأتأملها وهي تموت ببطء

    بس شوفي لا يكون عندكم ارنب او حيوان يأكل جذورها وبالتالي الماء ماصار يوصل لها
    لذلك جفت..

    أو أسألي احد المشاتل عن طريقة العناية بها
  2. @krkoaa

    صاحبة الموضوع
    هلا رومي .. مشكورة حبيبتي على ردج بس انا ما عندي غير طيور ..

    و صدقج والله اكثر شئ يقهر يوم تشوفين النبتة تموت ببطء و انتي مب قادرة تسويين شئ :(
  3. السلام عليكم ورحمة الله وبركاتة ..

    افضل شي انك تسالي عن نوعية النبات الي فبيتك وايش يبغالو من عنايه

    انا وحده اعرفها عندها نبات وماشالله مادري كيف مايموت (ماشاء الله يعني )

    بس لما سالتها قالت كل نبات يحتاج نوع معين من الاهتمام وبيئه معينه

    فانتي اسالي المتخصص عن نوعية نباتاتك ..

    وتحياتي لك ..
  4. @moryshyos_aylnd

    هلا بك عزيزتي
    انت شكلك مرويتها فوق اللزوم يعني مكثرة المويه بقوة
    او ان الشجره مو مرتاحه بمكانها اما علشان اشعه الشمس قويه او
    التربه غير صالحه للزراعه
    تاكدي من الاشياء هاذي
    وراح تعرفين ليش بدت تموت
    تحياتي لك

تابعي تجارب أخرى من هذا القسم.